Génesis 18:14 - La'aqtaqa Ñim Lo'onatac 'Enauacna 2013

¹⁴ ¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Génesis 18:14 Referans Kwoze

Lucas 1:37

De'era ỹachaxan da Ñim Lo'onatac 'Enauacna ỹataqta qaica ca ỹaqalanapec.

Mateo 19:26

Nache So Jesús ỹamataiguilo soomaye, nache 'enapeco': –Na shiỹaxauapi ỹataqta lta'araic naqa'en da lqalaic de'era. Qalaxaye Ñim Lo'onatac 'Enauacna saishet da huo'o ca ỹaqalanapec.

Marcos 10:27

Nache So Jesús ỹamataiguilo soomaye, nache 'enapegalo, 'eeta': –Nam shiỹaxauapi saishet da ỹañoxot de'era, qalaxaye Ñim Lo'onatac 'Enauacna ishet cha'aye Ñimaye qaica ca ỹaqalanapec.

Jeremías 32:27

«Nachaỹem maye Aỹem Nataxala', maye Natamnaxala' 'enauac nam huo'o da lca'alaxa, Aỹem qaica ca seqalanapec.

Efesios 3:20

Qaq ỹoqo'oye 'onaxaic nagui da qaỹo'oxoren qome Ñim Lo'onatac 'Enauacna, Ñim 'añaxaic maye ishet da ỹactec naqa'en ca qomi' ỹanema, napacalec cam seỹaxanaqaique, huo'otaq cam tatapigui ye qarhuel, da chegoqchigui naqa'en da la'añaxac maye do'onataxaatapoigui da qanachaalataxac.

Da na'aqtaguec so Job 42:2

«Aỹem saỹateeta da 'aushet da 'auo'ot 'enauacna, qataq qaica da huo'o ca nqanaxat da huo'o ca 'auo'ot.

Filipenses 4:13

So Cristo aỹem ỹami' da ỹa'añaxac da yaqto' ñala'aguet da sataỹa'aguet 'enauac nam sevireguet.

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Romanos 4:21

So Abraham ỹataqta ỹaỹateeta da Ñim Lo'onatac 'Enauacna huo'o da la'añaxac da ishet da ipactelec dam ỹachaxanapec.

Números 11:23

Qalaxaye Ñim Nataxala' 'enapeco': ¿Peta'a 'aupi'itaxaatega da saq 'amaqtaq da ỹa'añaxac? Qaq nagui nache 'auauaachigui qome da 'eesa, huo'otaq saishet da 'en de'era shenapec.

2 Reyes 4:16

Nache so Eliseo 'enapego' asomaye, 'eeta': Ne'ena vi'i maye ñaq natauo, nache huetoiguilo caua na'axa'te maye 'eeta'ama nagui, nache huo'o qome ca 'ansoqtauo 'aỹa'alec. Qalaxaye asomaye 'enapeco': 'A'i, 'am ỹataxala', maye 'am nale Ñim Lo'onatac 'Enauacna, saishet qome da 'auatenachet ana'ana 'aramaxashe.

Deuteronómio 7:21

Ỹoqo'oye saishet qome da qami' iviloxolaqche't da qarcolanaqai souaxat da qañi'iitega yemayepi, cha'aye Ñim Nataxala' maye Qanatamnaxala'ai, Ñim 'Amaqtaqaic qataq ncolanaxat qami' hueta'agueta.

Mateo 14:31

Nache So Jesús ỹaconeguet na lhuaq so Pedro. Nache 'enapega, 'eeta': –¡Pedro, 'am ỹataqta qapio'olec da 'arpi'iỹaxac Aỹem! ¿Ta'ainco' ye 'auqolectaxan?

Zacarías 8:6

Qaq que'eca na'a'q, nache 'enauac de'era, da 'eco' huo'o naqa'en da lqalaic ca no'onañipi ne'ena nhuo' le'ecpi, qalaxaye Aỹem qaica ñaqa'en ca lqalaic damaye. Qaq 'era da ỹa'aqtac Aỹem Nataxala' maye Qaica ca Saqalanapec:

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Salmos 95:3

Cha'aye Ñim Nataxala' maye Lo'onatac 'Enauacna, Ñimaye 'amaqtaqaic, qataq 'amaqtaqaic Nta'a maye nataỹaña 'enauac na laỹepi atamnaxala'pi.

Deuteronómio 30:3

nache Ñim Nataxala' maye Qanatamnaxala'ai qaltaq ỹe'eguelaxa qome da qami' ichoxore'n, qataq qami' laỹona't, nache qami' ñe'eguelaxa't qami' ỹachegoxotchiguiñalo ca na'alhua ca ỹotta'a't shiỹaxauapi maye qami' ỹo'ora'alo co'ollaxa Ñimaye.

Génesis 18:10

Nache so 'oonolec soomaye 'enapeco': «Na lỹa vi'i, nache qaltaq ñe'eguelaq qome da 'am ñamaqtega, qalaq nache huetoigui qome da añi 'arhua Sara huo'o ca llalec.» Qaq aso Sara na'axaỹaxaatega 'enauac na ntaxaỹaxacpi, hueta'ague na l-laq so Abraham, asomaye huetaigui so lasom so npe'l.

Lucas 1:13

Qalaxaye so namaxashec 'enapeco': –Zacarías, saishet da 'añi'i, cha'aye Ñim Lo'onatac 'Enauacna hua'aqtega da 'anqouagaxaunaxac. Qaq nagui añi 'arhua Elisabet huo'o qome ca llalec. Qaq camaye 'anagui qome da le'enaxat Juan.

Da na'aqtaguec so Job 36:5

Ñim Lo'onatac 'Enauacna ỹataqta 'añaxaic, qalaxaye saishet da imaqa'aguet ca qaica ca ỹasouaxat, qataq ỹataqta huo'o la la'añaxac da laỹaanec.

Génesis 17:21

Qalaxaye dam ñaỹamaxataxac nache 'eetai' qome da huetalec ca Isaac, cam llalec añi Sara maye ñiguiñi qom inoxonec na 'oonolec vi'i.

Hebreos 11:19

So Abraham ỹaỹateeta da Ñim Lo'onatac 'Enauacna da huo'o da la'añaxac da qaltaq nca'alec naqa'en ca mashe ileu. Qaq de'era naquitaxac so Abraham, nachera dam ỹo'ot da saishet da ỹalauat so llalec. Qaq de'era naigui da 'eeta'am da so Isaac qaltaq ỹe'eguelaxalec da nca'alec.

Lucas 8:50

Nache So Jesús co'ollaq hua'aqchigui de'era, nache 'enapega so Jairo, 'eeta': –Saishet qome da 'añi'i. Nachaqrata da 'aupi'iỹa'a Aỹem, nache acamaye nca'alec.

1 Samuel 14:6

Nache so Jonatán 'enapega so ltaua, 'eeta': Qolaq qome, saxatague da le'ego, nache sevirqa'ata ye lanataqa' ye sa qara'amaqtenaxanaxauapi. Cha'aye Ñim Nataxala' yo'oqta da qomi' itaua'n, cha'aye Ñimaye qaica naqa'en ca lqalaic da ñauegaq na qampa'aguenaxauapi, na'aictaxa da ỹataqta qalota, huo'otaq saq 'amaqtaq.

Filipenses 3:21

Qaq Somaye naralaxat qome da qaro'ocỹaxac maye qaica ca la'añaxac, da yaqto' 'eeta'am naqa'en dam lo'ocỹaxac maye ỹo'oxoraq. Qaq damaye ỹachegoxotchigui da la'añaxac maye nachera da do'onataxana qome da ilo'ogue 'enauacna.

Lucas 1:18

Nache so Zacarías 'eetego' so lamaxashec Ñim Lo'onatac 'Enauacna, 'eeta': –¿Hua'ago' ca 'eetec ca lataxac da yaqto' aỹem ishet da saỹateeta de'era? Cha'aye aỹem mashe aỹem ỹa'axaiqui, nataqa'en añi ihua.

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Salmos 93:1

¡Ñim Nataxala' nacheñi ñi nta'a! ¡Ñimaye ỹachaxan da la'amaqchec qataq da qalota la'añaxac! Qataq ỹa'ayiñi ana 'alhua da yaqto' sa deraỹai'.

Salmos 90:13

'Am Nataxala', ñaq qomi' 'añe'eguelaxalo, ña 'auchoxoren qome ne'ena 'aralamaxat 'aramaxashecpi.

Génesis 18:13

Nache Ñim Nataxala' 'enapego' so Abraham, 'eeta': «¿Ta'ainco' da daỹalliguiye ara Sara? ¿Saishet peta'a da ỹa'amaqten da huo'o ca llalec, souaxat da mashe ỹe?

Génesis 18:15

Qaq aso Sara co'ollaq hua'aqchigui de'era, nache huo'o da lcolanaxa, nache huotaique da nqoleguet. Ỹoqo'oye 'enapeco': «Aỹem saishet da saỹalleguettac.» Qalaxaye Ñim Nataxala' ỹasateguet asomaye, 'eeta': «Aỹem saỹaten da 'am 'auaỹalleguettac.»

Génesis 21:1

Qaq Ñim Nataxala' ipacchigui co'ollaxa dam la'aqtac, nache qocha'a aso Sara, da yaqto' ipacchigui som la'aqtac maye ỹanem co'ollaxa asomaye,

Génesis 21:2

nache asomaye hualaxai, nache huo'o so llalec so Abraham co'ollaq somaye mashe ỹataqta ỹa'axaiquiolec. Qaq so nogotolec co'ollaq ñiguiñi nache huetoigui som ỹecchiguiña co'ollaxa Ñim Lo'onatac 'Enauacna.

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Daniel 6:20

Qaq so nta'a co'ollaq mashe saqaỹapeque aso nshere, nache iỹaxanaique so Daniel, qalaxaye da lỹaxanaxac ỹataqta daquico, nache 'eeta': 'Am Daniel, maye 'am lamaxashec Ñim Lo'onatac 'Enauacna maye nca'altauec, Ñim ỹataqta 'aualaxaguet naxa ¿ishet peta'a da 'am nca'alaxateeguesop na llonpi Ñim 'Anatamnaxala'?

Génesis 17:16

Añimaye saalec qome da ichoxonnataxanaxa, qaq chegoqchigui qome añimaye da 'am sanem ca 'aỹa'alec. Aja', Aỹem saalec qome da ichoxonnataxanaxa. Qaq añimaye, nache late'e qome cam qalota ỹotta'a't shiỹaxauapi, qaq ca chegoxoguetpi nacheca qome cam chegaqaigui ca lta'alpi nam nhuo' le'ecpi.»

Jueces 13:3

Qalaxaye so nale piguem le'ec Ñim Nataxala', nachaxana co'ollaxa asomaye, nache 'enapego', 'eeta': 'Am sa ỹauanega da huo'o ca 'aỹa'alaqpi, qalaxaye nagui 'am hualaxai, nache huo'o qome ca 'aỹa'alec.