Génesis 18:11 - La'aqtaqa Ñim Lo'onatac 'Enauacna 2013

¹¹ Qaq so Abraham qataq aso Sara soomaye mashe ỹa'axaiqolqa, ỹoqo'oye aso Sara mashe vi'iiguet da na'axac.

Génesis 18:11 Referans Kwoze

Génesis 17:17

Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

Hebreos 11:19

So Abraham ỹaỹateeta da Ñim Lo'onatac 'Enauacna da huo'o da la'añaxac da qaltaq nca'alec naqa'en ca mashe ileu. Qaq de'era naquitaxac so Abraham, nachera dam ỹo'ot da saishet da ỹalauat so llalec. Qaq de'era naigui da 'eeta'am da so Isaac qaltaq ỹe'eguelaxalec da nca'alec.

Lucas 1:36

Nataqa'en añi 'arhuo' lashe Elisabet, na'aictaxa da mashe ỹa'axaino'ole, qalaxaye nataqa'en añimaye huo'o ca llalec. Na shiỹaxauapi ipettega da mashe saishet da huo'o ca llalec, qalaxaye añimaye mashe ivi' naua seis ca'agoxoiqa da hualaxai.

Lucas 1:18

Nache so Zacarías 'eetego' so lamaxashec Ñim Lo'onatac 'Enauacna, 'eeta': –¿Hua'ago' ca 'eetec ca lataxac da yaqto' aỹem ishet da saỹateeta de'era? Cha'aye aỹem mashe aỹem ỹa'axaiqui, nataqa'en añi ihua.

Lucas 1:7

Soomaye qaica ca llale'c, cha'aye aso Elisabet sa deco'o, qataq soomaye ỹataqta mashe ỹa'axaiqa.

Levítico 15:19

Qaq aca 'alo da ivita da huo'o da na'axac, nache acamaye saishet da qui'itta inoxootrec caua siete na'axa'te. Qataq camachaqca shiỹaxaua da ipoteua'a acamaye, nache saishet da qui'itta ivitta'a da pe.

Génesis 31:35

Qaq huaña nache aso Raquel 'enapeco': «'Am taxare, saishet qome da 'aualemata, aỹem saishet da 'am ñachaateguet, cha'aye souaxat da ivita ye laloqo' da ña'axac.» Qaq so Labán ye nmittrapigui soua lqolac, qalaxaye saishet da ỹanatalo,

Génesis 17:24

Qaq so Abraham, qalaq mashe ivi' co'ollaxa soua noventa y nueve vi'iye da nachaalataxac, co'ollaq qaỹauo'o so na'anaxat na lo'oc,

Génesis 21:7

¿Negue'tom ca ipettega co'ollaxa da ñi Abraham ishet da huo'o ca llalec? Qalaxaye nagui huo'o na llalec, na'aictaxa da mashe ỹa'axaiquiolec.»

Génesis 24:1

So Abraham, mashe ỹataqta ỹa'axaiquiolec co'ollaxa, qaq Ñim Nataxala', ỹanem co'ollaxa somaye da lta'araic lchoxonnataxanaxa.

Génesis 24:36

Qataq nataqa'en aso lhua Sara, ỹauo'o so llalec co'ollaq mashe ỹa'axaino'ole, qaq ñim ña'aco', nagui ỹanem 'enauac da lsallaxa ñi llalec.

Josué 13:1

Qaq co'ollaq mashe ỹa'axaiquiolec so Josué, nache Ñim Nataxala' 'enapega somaye, 'eeta': «'Am, mashe 'am ỹa'axaiquiolec, qalaxaye ñaq qalota na no'onañi 'alhuapi maye ñaq saxanaxa da qaiuotaxanec.