Génesis 18:1 - La'aqtaqa Ñim Lo'onatac 'Enauacna 2013

¹ Ñim Nataxala' nachaxana so Abraham co'ollaq huaña yem lma' ana qo'oipaqpi le'enaxat encina maye lma' so Mamre. Qaq so Abraham co'ollaq nso'ootañi netaña so lasom so lpe'l, se'eso na'a'q laiñi,

Génesis 18:1 Referans Kwoze

Génesis 14:13

Qalaxaye huo'o so ỹale maye qoỹet co'ollaxa, somaye da'aqtaxanem co'ollaxa 'enauac de'era so Abram som hebreo le'ec, maye netaña yem huaña aso qo'oipaqpi le'enaxat encina, maye lalamaxat so Mamre, som amorreo le'ec. Qaq so Mamre nache lqaỹa so Escol, qataq so Aner, qaq soomaye nache huaqtapeegueta naxa so Abram.

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

Génesis 48:3

Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Génesis 26:2

Qaq huaña yemaye, nache Ñim Nataxala' nachaxana somaye, nache 'enapega, 'eeta': «Saishet qome da 'aỹa ye Egipto. Nacherata da qonaña qome cam 'alhua maye 'am samaxalec da qonaña,

Hechos 7:2

Nache so Esteban 'enapeco': –Qami' ỹaqaỹarolqa, qataq qami' maye qauloitague' ne'ena 'alhua, ñaq aỹem qana'axaỹaxañiỹa. Ñim 'añaxaic maye Lo'onatac 'Enauacna nachaxana so hua'au qarta'a Abraham co'ollaq huaña ye 'alhua Mesopotamia, co'ollaq somaye saxanaxa da taỹa ye nỹecpi ye Jarán da naña.

2 Crónicas 1:7

Qaq nacheso se'eso pe da Ñim Lo'onatac 'Enauacna, nachaxana so Salomón nache 'enapega, 'eeta': «Aỹem 'auỹaxanot cam 'aueetaique, nache aỹem 'am sanem qome».

Génesis 17:22

Qaq Ñim Lo'onatac 'Enauacna co'ollaq ime da detaqtague' so Abraham, nache ca'ai ye hueta'a somaye.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Éxodo 4:1

Qalaxaye so Moisés 'enapeco': «Yemayepi qome saishet da aỹem ỹa'amaqten, qataq saishet da aỹem ỹoqocha'a. Nacherata da aỹem 'enapega qome, 'eeta': ‹Ñim Nataxala' yo'oqta da saishet da 'am nachaxana.›»

Hebreos 11:9

So Abraham, souaxat da ỹataqta lta'araic da lpi'iỹaxac Ñim Lo'onatac 'Enauacna, nache 'eeta'am ca ỹaqa'a ca chegaqa'ague co'ollaq netalec ye 'alhua maye Ñim Lo'onatac 'Enauacna ỹachaxanapecot co'ollaxa somaye. Qaq somaye netaigui so lpe'l 'eeta'ama da 'eete'c co'ollaxa soua Isaac qataq so Jacob maye nataqa'e'n Ñim Lo'onatac 'Enauacna ỹachaxanapecoto co'ollaxa yi'iye 'alhua.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

Génesis 18:22

Qaq soua dos se'esoua maxasoxoiqa je'c co'ollaxa da nqo'oora ye Sodoma, qalaxaye so Abraham, no'ona'aguet co'ollaxa Ñim Nataxala'.

Génesis 20:1

Qaq so Abraham ca'ai co'ollaxa ye netaña, nache nqo'ona ye 'alhua le'enaxat Néguev. Qaq nache naña ye huaqta'a't nỹecpi ye Gerar, maye vichiguinguilo yeua Cades qataq Shur.

Génesis 35:27

Nache so Jacob jec co'ollaxa da nqo'ona so lta'a maye netaña ye Mamre, yem huaqta'a't nỹecpi maye nataqa'en le'enaxat Arbá, qaq yemaye nacheye ye Hebrón. Yem lma' co'ollaxa so Abraham qataq so Isaac.

Josué 5:13

Huo'o so na'a'q, nache so Josué hueta'a ye sa qaỹapeque ye Jericó, nache co'ollaq namatasheguem, nache ila'a so ỹale nachattañi, nasoqta'a so lainec, nache so Josué nquicot somaye nache inat, 'eeta': «¿Peta'a maiche 'am qarỹa, qalqo' 'am qampa'aguenaxaua?»