Génesis 17:8 - La'aqtaqa Ñim Lo'onatac 'Enauacna 2013

⁸ Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Génesis 17:8 Referans Kwoze

Levítico 26:12

Qataq qami' ñenaictegueto, qaq nache Aỹem Qanatamnaxala'ai, qataq qami' nhuo' le'ecpi maiche qami' ỹalamaxatpi.

Salmos 105:11

co'ollaq 'eeta': «Aỹem, 'am sanem qome ye 'alhua ye Canaán, yem 'alhua maye taỹa'a da 'aralamaxat.»

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Deuteronómio 29:13

Qaq 'era da 'eetec nagui da 'itchiguiñi da ỹataqta qami' lalamaqa'ate qami' nhuo' le'ecpi, qataq Ñimaye nacheñi Ñim Qanatamnaxala'ai, 'eeta'am co'ollaxa da 'eetec da naỹamaxateto soua hua'au' qarta'alli' Abraham, Isaac qataq so Jacob.

Deuteronómio 26:18

Qaq nataqa'en nagui, Ñim Nataxala', 'am da'aqtaxanem da 'am Israel, ỹataqta 'am lalamaxat, nache ipacchigui da ỹan la'aqtac co'ollaxa, ỹoqo'oye ỹataqta 'aualaxaguet qome 'enauac na lamaxasoxonaxacpi.

Deuteronómio 14:2

Cha'aye Ñim Nataxala' maye Qanatamnaxala'ai ỹataqta qami' iỹotaugalo, Ñimaye qami' lca'agui'she co'ollaq lca'agui na shiỹaxauapi ana 'alhua da yaqto' ỹataqta qami' lalamaqa'ate.

Génesis 13:15

cha'aye Aỹem, 'am sanem qome 'enauac na 'alhua maye 'aulotalec, qaq nache 'eetai' qome da 'aralamaxat, qataq ca 'am chegoxoguetpi qome.

Salmos 105:9

Dam naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem so Isaac.

Deuteronómio 4:37

Ñimaye ỹataqta ỹauotec co'ollaxa so hua'au qarta'ailpi, ỹoqo'oye lca'aua'a nam chegoxoguetpi somayepi da yaqto' qami' nqateeguesopa ye Egipto, irolec da ỹataqta lta'araic la'añaxac.

Génesis 28:4

Qataq 'am ỹanem qome, qataq nataqa'en ca 'am chegoxoguetpi da lchoxonnataxanaxa maye ỹachaxanapeguem co'ollaxa so Abraham, da yaqto' lalamaxat ne'ena 'alhua maye souaqta'a nagui, da 'eeta'am da sachegoxosoqauec, cha'aye Ñimaye ỹachaxanapeguem co'ollaxa so Abraham.»

Génesis 13:17

Ñaq qoñishiguem, nache 'aucoleelec ne'ena 'alhua, nache 'avira'a qome yem loga't dam lalogaxa, qataq ye lcateueegue namaye, cha'aye Aỹem, 'am sanem qome.»

2 Samuel 23:5

Qaq ỹoqo'oye Ñim Lo'onatac 'Enauacna, qaica naqa'en ca iraxaatapigui' na ỹalaqpi cha'aye Ñimaye aỹem ỹo'otec da qaica ca loga't naỹamaxataxac, ỹataqta ỹaỹamaxatchiguiñi qataq ỹataqta 'eesa. Qataq Ñimaye nañaxat naqa'en da ica'alaxa, qataq ipacchigui naqa'en na sheetapeguecpi.

Deuteronómio 32:8

Huo'o so na'a'q da Ñim Qaỹoqotcheguemec, icolaxachigui na nhuo' le'ecpi, qataq na ỹotta'a't shiỹaxauapi, qataq ỹauo'oi naua loga'te naua lma'ate na nhuo' le'ecpi, qalaxaye naloqchiichigui ye lcata na llalaqpi so Israel.

Números 25:13

qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»

Éxodo 40:15

Nache 'aucoreleguete nataqa'en ca ncoraxanaxat, nache qoneteguema 'anqa'en ñi Aarón, da yaqto' itaxaỹaxanaxanqa. Qaq de'era 'eetec da qaicoreleguete ñiimaye, nachera da chochaq tatec llecỹaxac qome cam chegoxoguetpi.»

Génesis 48:4

qaq 'eeta' da la'aqtac: ‹Aỹem 'am sanem qome da ỹataqta qalota ca 'aỹa'alaqpi, qataq cam 'am chegoxoguetpi chegoqchigui qome ca ỹotta'a't shiỹaxauapi. Qaq nataqa'en que'eca 'am chegoxoguetpi sanem qome ne'ena 'alhua, nache chochaq tatec qome da lalamaxat.›

Génesis 23:4

«Aỹem na'aictoxo' da sachegaqauec da qami' soota'agueta, qalaxaye sauotaique da aỹem qaumiñiỹot ca 'alhua da yaqto' lma' na ỹaqatacpi, yaqto' selayiñi ayem ihua maye saqaca.»

Hebreos 9:15

Qaq ỹoqo'oye chegoqchigui So Jesucristo da senoxonaxaua'a dam dalaxaic naỹamaxataxac Ñim Lo'onatac 'Enauacna. Cha'aye so Jesucristo ileu co'ollaxa da yaqto' Ñim Lo'onatac 'Enauacna ỹapalaxat nam qauem maye so'otaq co'ollaq so'onataxanaqteguelec som togoshec aỹamaxataxac. Qataq chegoqchigui da l-leuaxa da qomi' maye qomi' lca'agui'she Ñim Lo'onatac 'Enauacna, saconaxaguet da nca'alaxa chochaq tatec maye ỹachaxanapec Ñimaye.

Salmos 103:17

Qalaxaye da lauotaxanaqtaic Ñim Nataxala' chochaq tatec da huetalec nam huo'o naq 'enec naqa'en Ñimaye. Qataq da nalochiguiñi lo'onataxanaxac, nache huetalec qome cam llalaqpi namayepi,

Levítico 16:34

Qaq 'era da nache 'eetai' lataxac da qoyecỹaxaqui: Da nache 'oonolec da qauo'oche ye vi'i da yaqto' qaỹapalaxat nam ỹo'ot lle'etaxaloxosat na Israel le'ecpi.» Nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Éxodo 21:6

nache que'eca na'aco' iuen da ỹauegueua'a yem lanataqa' Ñim Lo'onatac 'Enauacna, nache naloteua'a naqa'en ñi lasom da ỹa'arec ana ltela camaye. Yaqto' ỹataqta lalamaxat l-latac.

Hechos 7:5

Qaq na'aictaxa da somaye hueta'a ne'ena, qalaxaye Ñim Lo'onatac 'Enauacna saishet da ỹashenem da ỹauo'o ca ỹoqta lalamaxat lma'. Qalaxaye ỹachaxanapecot somaye da ỹanem ne'ena 'alhua, qaq da ivita da ileu, qalaq nacheca ca llalaqpi ca talec. Qaq na'aictaxa da se'eso na'a'q so Abraham saxanaxa da huo'o ca llalaqpi.

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 36:7

cha'aye ỹataqta mashe qalota so na'atetpi, qataq so logoxoshetpi soomaye, ỹoqo'oye soomaye saishet da queta da nhuoreu', cha'aye so 'alhua maye netralec mashe saq 'amaqtaq da lquia'aqa' so lalopi soomaye.

Génesis 37:1

Qaq so Jacob, nache no'onaña da netalec co'ollaxa ye 'alhua Canaán, yem hueta'a co'ollaxa so lta'a.

Éxodo 13:11

Ñim Nataxala' qom mashe qami' ỹanaleguete yem na'alhua na Canaán le'ecpi qom ipactelec dam la'aqtac maye qami' ỹanema co'ollaxa qataq soua hua'au' qarta'alli', qaq qom mashe ime da qami' ỹanema que'eca 'alhua,

Éxodo 29:45

Qaq Aỹem, nache sootaigui qome na Israel le'ecpi, nache namayepi Aỹem Natamnaxala'.

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Jeremías 25:5

Somayepi qami' 'enapegalo co'ollaxa, 'eeta': ‹Qaỹa'axañiiuec da qauem qarataxaqui qataq nam qauem maye qauo'ocheetac, yaqto' nache 'eetai' da qoñiitalec ne'ena 'alhua maye Ñim Nataxala' qami' ỹanema co'ollaxa qataq som hua'au qarta'ailpi.

Jeremías 31:1

Ñim Nataxala', 'eeta': «Que'eca na'a'q, nache Aỹem Natamnaxala' qome 'enauac na chegoxoguetpi so Israel, qaq namayepi nache ỹalamaxatpi qome.»

Génesis 35:27

Nache so Jacob jec co'ollaxa da nqo'ona so lta'a maye netaña ye Mamre, yem huaqta'a't nỹecpi maye nataqa'en le'enaxat Arbá, qaq yemaye nacheye ye Hebrón. Yem lma' co'ollaxa so Abraham qataq so Isaac.

Éxodo 6:4

Nataqa'en ñaỹamaxateto co'ollaxa soomaye da sanema ye 'alhua Canaán yem 'alhua maye huo'o so na'a'q da netalec somayepi, 'eeta'am ca shiỹaxaua ỹaqa'a ca chegoqta'ague.

Levítico 14:34

«Qom mashe qaunoxoñiiua'a ye Canaán, yem 'alhua maye qami' sanema qome da yaqto' qaralamaxache, nache da ivita da huo'o ca nỹec da decoche yi'iye 'alhua maye qoviita'a qome,

Números 10:29

Huo'o so na'a'q, nache so Moisés 'enapega so lacho' Hobab, som llalec so Reuel maye lma' ye Madián, 'eeta': Qomi' ñeqo'onaxa ye 'alhua maye qomi' ỹachaxanapecoto co'ollaxa Ñim Nataxala'. Ỹoqo'oye qomi' 'auca'ateguelo qome, qaq qomi' 'am sechoxorenaq qome. Cha'aye Ñim Nataxala' ỹachaxana da lchoxonnataxanaxa na Israel.

Números 27:12

Ñim Nataxala' 'enapega so Moisés, 'eeta': 'Aunotsheguemec añi qasoxonaxa Abarín, nache 'auallelec ye 'alhua maye sanem qome na Israel le'ecpi.

Deuteronómio 32:49

«'Asheguema qome aye qasoxonaxapi ye Abarín, nache 'anotsheguema añi qasoxonaxa Nebo, yem huaigui ye na'alhua ye moabiitapi, maye datatta ye Jericó, nache 'auallelec qome ye 'alhua Canaán, maye sanem qome da lalamaxat ñaqa'en na Israel le'ecpi.

Deuteronómio 34:4

Nache Ñim Nataxala', 'eeta': «'Ena nam 'alhua maye sachaxanapeguem co'ollaxa so Abraham, Isaac, qataq so Jacob da yaqto' sanem nam chegoxoguetpi. Qaq 'am sachaxana namaye da 'auallelec, qalaxaye saishet da 'anoxoneua'a qome.»

Josué 1:2

«So ỹamaxashec Moisés mashe ileu, qaq ỹoqo'oye 'am nagui qojec da 'aua'axasoxoolec so tala Jordán, 'arỹa'ata 'enauac ne'ena nhuo' Israel le'ecpi da qanqo'oñiita ye 'alhua maye qami' sanema qome.

1 Crónicas 16:18

co'ollaq 'enapec: «Aỹem 'am sanem qome ye 'alhua ye Canaán, maye 'am taalec qome da 'aralamaxat.»

Ezequiel 11:20

Qaq huaña qome nache ỹataqta quetegue da lataxac naua iqataxaco, qataq naua ỹamaxasoxonaxaco, qataq ỹataqta ỹo'o't. Qaq namayepi ỹataqta ỹalamaxatpi qome, qaq Aỹem nachaỹem Natamnaxala'.

Ezequiel 33:24

«Na shiỹaxauapi maye hueta'a ye huaqta'a't nỹecpi maye ỹotta'a't naua nañalo ye Israel maye nlachiguiñi, namayepi naxa, 'eeta': So Abraham 'oonolec co'ollaxa, qalaxaye somaye ivira'a co'ollaxa da lalamaxat ne'ena 'alhua, qaq qomi' ye qomi' qalote', qalaq taloxochiyo' da saishet da seviraqa'a da qaralamaxat ne'ena 'alhua.

Zacarías 8:8

nache ñauega ye Jerusalén da yaqto' nache naña yemaye. Huaña, nache ne'ena nhuo' le'ecpi ỹataqta ỹalamaxatpi qome, qataq Nachaỹem da Aỹem Natamnaxala' qome namayepi, Aỹem maye so'ot da nalochiguiñi lataxac, qataq Aỹem 'eesa.»