Génesis 17:6 - La'aqtaqa Ñim Lo'onatac 'Enauacna 2013

⁶ Aỹem so'ot qome da ỹataqta qalota ca 'am chegoxoguetpi, qataq nache 'am chegoqchigui ca nta'alpi, qataq ca ỹotta'a't shiỹaxauapi.

Génesis 17:6 Referans Kwoze

Génesis 17:4

«Qaq 'era da ñaỹamaxataxac da 'am ñaỹamaxate', 'eeta': 'Am, nache 'am qome da 'am lta'a ca ỹataqta qalota ỹotta'a't shiỹaxauapi,

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 17:16

Añimaye saalec qome da ichoxonnataxanaxa, qaq chegoqchigui qome añimaye da 'am sanem ca 'aỹa'alec. Aja', Aỹem saalec qome da ichoxonnataxanaxa. Qaq añimaye, nache late'e qome cam qalota ỹotta'a't shiỹaxauapi, qaq ca chegoxoguetpi nacheca qome cam chegaqaigui ca lta'alpi nam nhuo' le'ecpi.»

Esdras 4:20

Nataqa'en qailalec da ye Jerusalén huo'o so nta'alpi ỹataqta 'añaxaicpi, ỹoqo'oye ivira'a da ilotague' ye huaqta'a't nỹecpi maye pa'aỹa'ague da avit so tala Éufrates, qataq isheetetac naqa'en aso nsheetenaqte so nta'a yemaye.

Génesis 17:20

Qaq nataqa'en mashe 'am sa'aqtega da 'auquicteguelec ñi Ismael, qaq ñimaye nataqa'en saalec qome da ichoxonnataxanaxa, qaq so'ot qome da qalota ca llalaqpi, qataq nquictauec qome cam chegoxoguetpi. Qaq ñi Ismael, nacheñi qome ñi lta'a caua doce nataxala'ate maye 'amaqtaqaiqa, qataq so'ot da nache chegoqchigui qome ñimaye ca qalota shiỹaxauapi.

Génesis 26:22

Nache so Isaac, ca'ai yi'iye da taỹa so qaỹoqta 'alhua, qaq huaña, nache qaltaq nshe' aso lỹa ñi'illoxoqui. Qaq cha'aye saishet da qailoquigui asomaye, nache so Isaac, ỹanagui da le'enaxat, «Huesochiguiñi», cha'aye somaye, 'enapec: Nagui Ñim Nataxala', qomi' ỹanema da qomi' huesochiyiñi, da yaqto' ñequigaqtasheguem da souaqta'a ne'ena 'alhua.

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 41:52

Qaq so dalaxaic llalec qalaq ỹanagui da le'enaxat Efraín, cha'aye 'enapeco': «Ñim Lo'onatac 'Enauacna aỹem ỹanem da huo'oi naua ỹalqa, huaña ne'ena 'alhua maye huaña da ñeque'eenaxac.»

Génesis 47:27

Qaq so Israel le'ecpi nache naña co'ollaxa ye 'alhua Egipto, nache nalec da ỹauo'o lalamaxat ye 'alhua Gosén. Qaq huaña yemaye, nache ỹataqta qalotoigui somayepi.

Levítico 26:9

Qaq Aỹem nache ỹataqta qami' saỹamaxareete' da qami' selota'alo, qataq nquictauec qome ñaqa'en da qoñiita yaqto' qami' qalota, qataq nache 'eetai' ñaqa'en da ñaỹamaxataxac da qoñiita.

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Génesis 48:3

Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Génesis 48:4

qaq 'eeta' da la'aqtac: ‹Aỹem 'am sanem qome da ỹataqta qalota ca 'aỹa'alaqpi, qataq cam 'am chegoxoguetpi chegoqchigui qome ca ỹotta'a't shiỹaxauapi. Qaq nataqa'en que'eca 'am chegoxoguetpi sanem qome ne'ena 'alhua, nache chochaq tatec qome da lalamaxat.›