Génesis 17:23 - La'aqtaqa Ñim Lo'onatac 'Enauacna 2013

²³ Qaq nacheso se'eso na'a'q, da so Abraham ỹauo'o so na'anaxat na lo'oc so llalec Ismael, qaq nataqa'en ỹauo'o so na'anaxat na lo'oc 'enauac so l-latacpi maye lañoqo' so lma', qataq som lsheenaxanaxatpi somaye. Qataq 'enauac so ỹalleppi maye netaña so lma' qataq do'onataxaatacot, nataqa'en ỹauo'o so la'anaxat na lo'oc, nache ipacchigui dam ỹamaxalec co'ollaxa Ñim Lo'onatac 'Enauacna.

Génesis 17:23 Referans Kwoze

Proverbios 27:1

Saishet da 'ana'amaqteeta'aguet ca lỹa na'a'q, cha'aye sa 'auaỹaten ca huaigui qom nvi' camaye.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

Génesis 34:24

Qaq 'enauac se'eso lapoota'a't maye hueta'a so ñegueuo so huaqta'a't nỹecpi, ỹaỹamaxareeta dam 'eetapeguec so Jamor, qataq som llalec Siquén, qaq huaña nache 'enauac so ỹalleppi da qaỹauo'o na na'anaxat na lo'oc.

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Gálatas 6:15

Cha'aye ỹoqta 'eesa da sa iuen da huo'o ca na'anaxashet ca shiỹaxaua huo'otaq qaica. Cha'aye dam ỹataqta iuen ca shiỹaxaua, damaye nachera da dalaxaic lataxac

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Hechos 16:3

Ỹoqo'oye so Pablo ỹauotaique da lỹatac so Timoteo de'era llecỹaxac. Qalaxaye ye 'enauac nam judiopi yi'iye 'alhua ỹaỹaten da so lta'a so Timoteo Griego le'ec, ỹoqo'oye so Pablo ỹauec somaye da yaqto' qaỹauo'o ca na'anaxashet na lo'oc.

Génesis 14:14

Qaq so Abram co'ollaq ỹaỹaten da so lasoshec noxonec, nache laỹona't co'ollaxa so lalamaxat l-latacpi maye lañoqo' so lma' somaye. Qaq somayepi ivi' trescientos dieciocho ye lcata. Nache so Abram lỹatec co'ollaxa somayepi da icaalec se'eso nta'alpi, nache iviraxatta'a ye Dan.

Génesis 17:9

Qaq nataqa'en Ñim Lo'onatac 'Enauacna 'enapega so Abraham, 'eeta': «Qaq ỹataqta 'aupaqueelec qome da ñaỹamaxataxac, 'am qataq 'enauac ca 'am chegoxoguetpi.