Génesis 17:21 - La'aqtaqa Ñim Lo'onatac 'Enauacna 2013

²¹ Qalaxaye dam ñaỹamaxataxac nache 'eetai' qome da huetalec ca Isaac, cam llalec añi Sara maye ñiguiñi qom inoxonec na 'oonolec vi'i.

Génesis 17:21 Referans Kwoze

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Génesis 18:10

Nache so 'oonolec soomaye 'enapeco': «Na lỹa vi'i, nache qaltaq ñe'eguelaq qome da 'am ñamaqtega, qalaq nache huetoigui qome da añi 'arhua Sara huo'o ca llalec.» Qaq aso Sara na'axaỹaxaatega 'enauac na ntaxaỹaxacpi, hueta'ague na l-laq so Abraham, asomaye huetaigui so lasom so npe'l.

Hebreos 11:9

So Abraham, souaxat da ỹataqta lta'araic da lpi'iỹaxac Ñim Lo'onatac 'Enauacna, nache 'eeta'am ca ỹaqa'a ca chegaqa'ague co'ollaq netalec ye 'alhua maye Ñim Lo'onatac 'Enauacna ỹachaxanapecot co'ollaxa somaye. Qaq somaye netaigui so lpe'l 'eeta'ama da 'eete'c co'ollaxa soua Isaac qataq so Jacob maye nataqa'e'n Ñim Lo'onatac 'Enauacna ỹachaxanapecoto co'ollaxa yi'iye 'alhua.

Hechos 1:7

Qalaxaye So Jesús 'enapeco': –Qami' saishet da qami' qaỹaỹaanaxanaxaneque ca na'a'q huo'otaq cam laloxoqui de'era, cha'aye chaqñeta Ñim Lo'onatac 'Enauacna maye huo'o naq 'enec da huo'o ca ỹo'ot.

Lucas 1:72

Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.

Lucas 1:55

Qaq damaye ỹachaxanapeguem co'olloxocheye so hua'au qarta'alpi, som Abraham qataq so chegoxoguetpi, qaq damaye chochaq tatec.»

Da na'aqtaguec so Job 14:13

¡'Onaxaico' da aỹem 'oxooñi da huaña ca lma' na leuaxaicpi, nache ivitta'a da inoxonec da 'aralemataic, qaq da inoxonec damaye nache aỹem 'auennate!

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Génesis 46:1

Qaq huaña, nache so Israel jec, ỹache 'enauac som huo'o logoxoshetpi. Qaq co'ollaq ivita ye Berseba, nache ỹauo'o aso ỹavigaxat lachetaqtaxanaqte da ỹanot Ñim Natamnaxala' so lta'a Isaac.

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Génesis 17:19

Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Génesis 21:1

Qaq Ñim Nataxala' ipacchigui co'ollaxa dam la'aqtac, nache qocha'a aso Sara, da yaqto' ipacchigui som la'aqtac maye ỹanem co'ollaxa asomaye,