Génesis 17:2 - La'aqtaqa Ñim Lo'onatac 'Enauacna 2013

² qaq Aỹem so'ot qome ca ñaỹamaxataxac da 'am ñaỹamaxate': so'ot qome da ỹataqta qalota cam 'am chegoxoguetpi.»

Génesis 17:2 Referans Kwoze

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

Génesis 9:9

«Ñaq qauloichigui, Aỹem llapaxañi da ñaỹamaxataxac da qami' ñaỹamaxatto, qataq cam qaỹa'alquipi qome,

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

2 Reyes 13:23

Qalaxaye Ñim Nataxala', huo'o da lauotaxanaqtaic somayepi, nache ichoxoren souaxat da naỹamaxataxac Ñimaye, co'ollaq naỹamaxate' so Abraham, Isaac qataq so Jacob, nache Ñimaye saishet da ilaxachigui somayepi, qataq saishet da ca'ai, nache ivitta'a nagui.

1 Crónicas 16:16

qataq da naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem co'ollaxa so Isaac,

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.