Biblia Todo Logo
Bib sou entènèt

- Piblisite -




Génesis 17:19 - La'aqtaqa Ñim Lo'onatac 'Enauacna 2013

19 Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

Gade chapit la Kopi




Génesis 17:19
17 Referans Kwoze  

Nache aso Sara 'enapeco': «Ñi Lo'onatac 'Enauacna ỹauo'o da ỹaỹalliguiyec, qaq 'enauac qome ca aỹem la'axaỹaxac da huo'o na ỹalec, nataqa'en ỹaỹalliguiyaxaua qome.


qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.


Qalaxaye dam ñaỹamaxataxac nache 'eetai' qome da huetalec ca Isaac, cam llalec añi Sara maye ñiguiñi qom inoxonec na 'oonolec vi'i.


Qaq damaye ỹachaxanapeguem co'olloxocheye so hua'au qarta'alpi, som Abraham qataq so chegoxoguetpi, qaq damaye chochaq tatec.»


So Abraham huo'o da lpi'iỹaxac Ñimaye, ỹoqo'oye na'aictaxa da aso lhua Sara ñaq saxanaxa da deco'o qataq somaye mashe ỹa'axaiqui, qalaxaye nache 'ena'am Ñim Lo'onatac 'Enauacna ỹami' da la'añaxac somaye da yaqto' huo'o ca llalec. So Abraham ỹataqta huo'o da lpi'iỹaxac Ñim Lo'onatac 'Enauacna, da Ñimaye ipaqueelec dam ỹachaxanapeguem somaye da huo'o ca llalec.


Qaq so qomoxonalo, qom huetaigui na lo'oc na piguem, qom sela'a, nache tachigui ye iuel dam chochaq tatec ñaỹamaxataxac, co'ollaq ñaỹamaxate' 'enauac na shiỹaxauapi, qataq 'enauac na shiguiỹacpi, maye huetalec ana 'alhua.


Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.


Añimaye saalec qome da ichoxonnataxanaxa, qaq chegoqchigui qome añimaye da 'am sanem ca 'aỹa'alec. Aja', Aỹem saalec qome da ichoxonnataxanaxa. Qaq añimaye, nache late'e qome cam qalota ỹotta'a't shiỹaxauapi, qaq ca chegoxoguetpi nacheca qome cam chegaqaigui ca lta'alpi nam nhuo' le'ecpi.»


Qaq huaña nache so Abraham, 'enapega Ñim Lo'onatac 'Enauacna, 'eeta': «¡'Onaxaictoxo' da nacheñi ñi Ismael ñim talec qome da 'archoxonnataxanaxa!»


Qaq huaña yemaye, nache Ñim Nataxala' nachaxana somaye, nache 'enapega, 'eeta': «Saishet qome da 'aỹa ye Egipto. Nacherata da qonaña qome cam 'alhua maye 'am samaxalec da qonaña,


'Am, mashe 'am hualaxai, qaq huo'o qome ca 'aỹa'alec, qaq camaye 'aỹa'anagui qome da le'enaxat Ismael, cha'aye Ñim Nataxala' hua'axaỹa da 'anque'eenaxac.


Swiv nou:

Piblisite


Piblisite