Génesis 17:18 - La'aqtaqa Ñim Lo'onatac 'Enauacna 2013

¹⁸ Qaq huaña nache so Abraham, 'enapega Ñim Lo'onatac 'Enauacna, 'eeta': «¡'Onaxaictoxo' da nacheñi ñi Ismael ñim talec qome da 'archoxonnataxanaxa!»

Génesis 17:18 Referans Kwoze

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Salmos 41:12

Qaq aỹem souaxat da nalochiguiñi da ñachaalataxac nache aỹem 'anlletañi, qataq nache 'eetai' da 'am ñachatto'ot.

Salmos 4:6

Qalota na 'eeta': «¿Negue'tom ca qomi' ỹachaxanalo ca ỹaỹamaqchiguiñi?» 'Am Nataxala', ñaq 'ano'onaxat qome da 'armeenaxanaxac da qomi' 'anamata'alo.

Jeremías 32:39

Qataq sanem da 'oonolec da lhuennataxac qataq 'oonolec da llecỹaxac da yaqto' tatec da huo'o naq 'enec naqa'en Aỹem, qaq damaye maiche laỹamaxa namayepi qataq cam chegoxoguetpi.

Isaías 59:2

Qalaxaye nam qauem maye qauo'ocheetac, nachena nam 'eeta'am ca npaqtaxanaxat maye mpaxat da qana'ayeetaua'a Ñim Lo'onatac 'Enauacna, nam qarasouaxashichi nachena nam ỹo'ot da ỹapogui na lashec Ñimaye qataq da saishet da qami' hua'axaỹalo.

Génesis 4:14

Nagui aỹem 'auo'orauec da sheca'ai ne'ena 'alhua, qaq chochaq tatec qome da secoleeteguelec ana 'alhua qaica ca ñemataxac, nache qaỹoqtaique da qoneta. Qaq da nache 'eetec de'era, nache camachaqca ca aỹem natenalec, nache aỹem ỹalauat.»

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Génesis 17:17

Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

Génesis 17:19

Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

Génesis 21:11

Qaq so Abraham, co'ollaq hua'axaỹa de'era nache ỹataqta qalota da nqui'ic, cha'aye maiche lalamaxat llalec som qaitaqtega.