Génesis 17:17 - La'aqtaqa Ñim Lo'onatac 'Enauacna 2013

¹⁷ Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

Génesis 17:17 Referans Kwoze

Apocalipsis 11:16

Nache soua veinticuatro nqueroxonqa maye nso'ootrañi datato'ot Ñim Lo'onatac 'Enauacna, ỹa'alyiñi naua l-llectel qataq iviraxatra'agueta naqa'e'n na latap na 'alhua. Nache ỹo'oxoreetrac Ñim Lo'onatac 'Enauacna,

Juan 8:56

So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.

Génesis 21:6

Nache aso Sara 'enapeco': «Ñi Lo'onatac 'Enauacna ỹauo'o da ỹaỹalliguiyec, qaq 'enauac qome ca aỹem la'axaỹaxac da huo'o na ỹalec, nataqa'en ỹaỹalliguiyaxaua qome.

Génesis 18:12

Qaq ỹoqo'oye aso Sara, ỹataqta sa nalo'oguet da laỹalliguiyec, nache 'enapeco': «¿Ca 'eeteco' da qaltaq huo'o ca ỹamanaxanaqtaic? ye ñim ihua qataq aỹem mashe qomi' ỹa'axaiqolqa.»

Génesis 17:3

Qaq huaña, nache so Abram ỹa'alyiñi naua l-llecte, nache iviraxata'aguet na latap na 'alhua, qaq Ñim Lo'onatac 'Enauacna, nache queto'ot da detaqtacot somaye, 'eeta':

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

Daniel 8:17

Qaq huaña, nache somaye aỹem nquigueua'a. Qaq aỹem ỹataqta she'e, nache sa'alyiñi naua illecte, seviraxata'aguet na ỹatap na 'alhua, qalaxaye somaye aỹem 'enapega, 'eeta': «'Am shiỹaxaua llalec, iuen da 'auaỹateeta de'era 'arauanaqchec da ỹa'axatta'alo caua pa'atrec na'axa'te.»

1 Crónicas 21:16

Qaq co'ollaq namatasheguem so David, nache ila'a so lamaxashec piguem le'ec Ñim Nataxala', da huaỹoteguelec na piguem qataq ana 'alhua, nasoqta'a so lainec, nache ỹareetalec ye Jerusalén. Huaña, nache so David, qataq so nqueroxonecpi, ỹaayiñi naua sa nsattegueta logo, nache nqollemta'aguet na 'alhua.

Jueces 13:20

Nache so le'eraxa so norec maye huetalec aso nca'atoxonaxalate huaỹoxoosheguem, nache so Manoa qataq aso lhua ỹauaachiguilo co'ollaxa da so nale piguem le'ec Ñim Nataxala', queuoigui so le'eraxa se'eso norec da taỹot na piguem. Nache soomaye ỹa'alyiñi naua l-llectel, iviraxata'agueta naqa'en na 'alhua na lata'pi,

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Josué 5:14

Nache somaye 'enapeco': «¡'A'i saishet! Qalaxaye aỹem ñanac, cha'aye aỹem Lataxala' na nalleppi Ñim Nataxala'.» Huaña nache so Josué ỹa'alyiñi naua l-llecte iviraxata'aguet naqa'en na latap na 'alhua, nache 'eeta': «¿Ca 'eetec ca 'aỹa'anem 'ara'aqtac ne'ena 'aramaxashec 'am ỹataxala'?»

Deuteronómio 9:25

Qaq souaxat co'ollaxa da Ñim Nataxala' qami' ỹareetegalo da ỹataqta qami' nlaxaayiñi, nache aỹem sa'atto'oto naua illecte Ñimaye soua cuarenta na'axa'te qataq cuarenta pe',

Deuteronómio 9:18

Ime, qaltaq she'eguelaxalec da sa'aldoto naua illecte Ñim Nataxala', se'enaxatchigui da sheetec soua cuarenta na'axa'te, qataq soua cuarenta pe', co'ollaq qaica ca sachec qataq qaica ca ñeỹomgui, souaxat da lta'araic qarasouaxashichi da qauo'ocheetac da qauem maye ỹauaachigui Ñim Nataxala', nache dalemata naqa'en Ñimaye.

Números 16:45

¡Qoquiỹa'ai qome ne'ena shiỹaxauapi, cha'aye selaxachigui nagui! Nache soomaye ỹa'alyiñi naua l-llecte, nache iviraxatra'aguet naqa'en naua lata'api na 'alhua.

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Números 14:5

Nache so Moisés qataq so Aarón ỹa'alyiñi naua l-llectel, nache iviraxatta'agueta naqa'en na lata'api na 'alhua, ỹauaachigui naqa'en so Israel le'ecpi,

Levítico 9:24

nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Mateo 2:11

Qaq co'ollaq inoxooroigui so nỹec, nache ilora'a so nogotolec qataq aso late'e María. Ime, nache ỹa'alyiñi naua l-llectel, nache ỹo'oxoreetrac. Ime, nache ỹauanguilo soua lachoxonaxaqui', nache ỹachete'c na chegaqaigui na oro, qataq na nchenaxanaxat maye ama na laita, qataq na lcha'q ana qo'oipaq le'enaxat mirra.

Lucas 1:18

Nache so Zacarías 'eetego' so lamaxashec Ñim Lo'onatac 'Enauacna, 'eeta': –¿Hua'ago' ca 'eetec ca lataxac da yaqto' aỹem ishet da saỹateeta de'era? Cha'aye aỹem mashe aỹem ỹa'axaiqui, nataqa'en añi ihua.

Génesis 17:18

Qaq huaña nache so Abraham, 'enapega Ñim Lo'onatac 'Enauacna, 'eeta': «¡'Onaxaictoxo' da nacheñi ñi Ismael ñim talec qome da 'archoxonnataxanaxa!»

Génesis 18:11

Qaq so Abraham qataq aso Sara soomaye mashe ỹa'axaiqolqa, ỹoqo'oye aso Sara mashe vi'iiguet da na'axac.

Génesis 21:5

Qaq so Abraham mashe ivi' soua cien vi'iye da nachaalataxac co'ollaq ñiguiñi so Isaac.

Génesis 21:7

¿Negue'tom ca ipettega co'ollaxa da ñi Abraham ishet da huo'o ca llalec? Qalaxaye nagui huo'o na llalec, na'aictaxa da mashe ỹa'axaiquiolec.»