Génesis 17:14 - La'aqtaqa Ñim Lo'onatac 'Enauacna 2013

¹⁴ Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

Génesis 17:14 Referans Kwoze

Éxodo 12:19

Qaq saishet qome da huo'o ca ỹaỹamaxattac aca lalecnaxanaqte que'ecaua siete na'axa'te. Cha'aye da huo'otaq huo'o ca chec aca nauole 'ayiiña maye huo'o ana lalegue, nache camaye qaỹo'orauec da yaqto' saishet da ỹalegoigui na Israel le'ecpi, na'aictaxa camaye da huo'otaq nachena na Israel le'ecpi, huo'otaq ca choche chegaqauec.

1 Corintios 11:29

Cha'aye da huo'otaq deque'e qataq nỹom, qaq da saq taỹapigui lauel da chectac da lo'ocỹaxac So Qarataxala', nache de'era lquia'axac qataq de'era nỹomaxac maiche iỹaxaatega ca nhuaxanaguec.

1 Corintios 11:27

Qaq ỹoqo'oye da huo'o ca chec ana nauole, huo'otaq nỹomgui ana ỹomaxaqui maye naigui da qaiuennate So Qarataxala', qaq da huo'otaq qaica ca naigui naqa'en, nache camaye huo'o da lasouaxashet cha'aye sa iyacnapec da lo'ocỹaxac qataq naua ltago'q So Qarataxala' Jesús.

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.

Isaías 33:8

Na nqa'aicpi qalaq toolec qaica ca quetague' namayepi. Da aỹamaxataxac qataq nam qanaỹamaxachiguipi qalaq nlaguiñi, nache qaica ca shiỹaxaua da huo'o naq 'enec qanqa'en.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Salmos 55:20

Cha'aye namayepi nauaxaỹaxaasheguem na lhuaq da irota'a ca maiche nauochaxaua, qataq saishet da ipagueleguete naua la'aqtaqa.

Levítico 19:8

Qaq ca chec acamaye, nache nque'etaxangui ca maiche lasouaxashet, qaq camaye nache qaỹo'orauec, ca'ai qanqa'en ca lauo' le'ecpi, cha'aye qaica ca naigui naqa'en cam qoỹanot Ñim Nataxala'.

Levítico 18:29

Qaq da qoñiita da huo'o ca ỹo'ot ne'ena qauemsat, nache camaye qaỹo'orauec, ca'ai qanqa'en ca lauo' le'ecpi.

Levítico 7:27

Qaq ca shiỹaxaua da chec ca lapat maye ñaq huo'o na ltago'q, nache camaye qaỹo'orauec, ca'ai qanqa'en ca lauo' le'ecpi.»

Levítico 7:25

Qaq que'eca chec ca lcheta ca shiguiỹac maye qoỹanot Ñim Nataxala' da yaqto' nachetaqtaxanaxat maye qaỹavigaxat, camaye qaỹo'orauec, ca'ai qanqa'en ca lauo' le'ecpi.

Éxodo 30:38

Qaq da huo'o ca 'oonolec da ỹo'ot ca nchenaxanaxat da 'eeta'am naqa'en camaye da yaqto' maiche lalamaxat da nchenaxat, nache camaye qaỹo'orauec, ca'ai qanqa'en na lauo' le'ecpi.»

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Génesis 17:15

Qaq nataqa'en Ñim Lo'onatac 'Enauacna, 'enapega so Abraham, 'eeta': «Añi 'arhua Saraí, saishet qome da nache 'eetai' de'era le'enaxat. Cha'aye nagui nache chegoqchiguiña da, añimaye le'enaxat Sara.

Génesis 34:14

'eeta' da la'aqta'c: «Qomi', saishet da sanaxam añi qarqaỹa cam shiỹaxaua maye qaica ca na'anaxashet na lo'oc, cha'aye damaye ỹo'ot qome da qarcoxo.

Levítico 23:29

Qaq ca shiỹaxaua, da saishet da ỹo'ot ca na'a'q maye qaỹo'ot da qouaqchetaxac, nache camaye qaỹo'orauec, ca'ai qanqa'en ca lauo' le'ecpi.

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

Ezequiel 44:7

Qami' qanshepaxanaqcheche añi ỹalamaqte atamnaxaqui, cha'aye qaua'aqaita'a da pa'aigui na chegaqauecpi, nam shiỹaxauapi maye saishet da ỹachetac da la'anaxat da ñaỹamaxataxac, saq huetaigui da ntoonaxac qataq da lo'ocỹaxac, namayepi nshepaxanaqchet cha'aye Aỹem ỹanot na lcheta, qataq na ltago'q na lachetaqtaxanaxatpi, nache saiyacnapec da ñaỹamaxataxac souaxat nam ỹo'otpi maye ỹataqta seqaiga.›