Biblia Todo Logo
Bib sou entènèt

- Piblisite -




Génesis 17:13 - La'aqtaqa Ñim Lo'onatac 'Enauacna 2013

13 Qaq ñi 'oonolec camayepi iuen da qaipaqueelec da qaỹauo'o ca na'anaxat na lo'oc, yaqto' dam chochaq tatec ñaỹamaxataxac nache huetalec qome da qaro'ocỹaxaqui.

Gade chapit la Kopi




Génesis 17:13
15 Referans Kwoze  

qalaxaye ca nlatac maye nsheenaxanaxat, camaye ishet da deque'e, qom huo'otaq mashe qaỹauo'o ca na'anaxat na lo'oc.


Huaña, nache shenapega somayepi, sheeta': «Qomi' ỹataqta huo'o da qarhuogoxo da yaqto' ishet da ñe'eguelaxataxala't na maiche qarhuo' le'ecpi, maye qaimenoigui co'ollaxa so ỹotta'a't shiỹaxauapi da ỹauo'o l-latacpi. Qaq nagui qaltaq maiche qami' da qaumiñiitac na qaralamaxache qarqaỹaipi, maye mashe ñe'eguelaxataxala't co'ollaxa.» Nache 'enauac somayepi ỹataqta ỹe'emaqtom, cha'aye saỹaỹaten ca 'eetec ca lasataxac.


Qaq so madianiitapi co'ollaq ivita ye Egipto, nache imen so José, imenot so ỹale maye le'enaxat Potifar. Somaye nacheso so ltaua so faraón maye nta'a ye Egipto, qataq lataxala' som nauaatalecpi so nta'a.


Qaq se'eso namaxashec, somaye ye qaca aca alom da desheetenaxana. Nache se'eso nta'a damaxasoxoolec somaye da qaimen, da qaỹauo'o namaxashec lỹaueegue' aso lhua qataq soua llalqa, qataq 'enauac so logoxoshetpi, da yaqto' aca lasheue somayepi ishet da qaisheeten aso lavigaxaiste somaye.


Nataqa'en namayepi 'enapec: Cha'aye ỹoqta 'eesa da maiche qomi' nhuo' le'ecpi, qaq ỹoqo'oye na qoyalaqpi nache 'eeta'am na qaỹa'alquipi. Qaq ta'ainco' da nache qomaqta da semenaq na qoyalaqpi ỹalleppi, qataq 'alpi da yaqto' qaỹauo'o nlatacpi. Qataq saseshetaq da ñe'eguelaxataxala't, cha'aye na qana'alhua qataq na qorañiguishe uva lma' mashe lalamaxat na ỹaqa'a.


Qaq da huo'o ca decachiỹa ca lỹa shiỹaxaua, qataq imen, qalaxaye da qailalec da ñaq neto'ot camaye, nache que'eca decache qaỹalauat.


Qaq que'eca na'aco' da ỹami' aca 'alo da lhua camaye, qaq acamaye da deco'oiguet camaye, nache ca llalaqpi huo'otaq llalepi aca'aca 'alo, camayepi lalamaxat ca na'aco', qaq que'eca nlatac nache ndotec da jec.


«Da huo'o ca desheenaxana ca hebreo le'ec da yaqto' l-latac, nache camaye seis vi'iye da do'onataxaatac qanqa'en, qalaxaye ca vi'i siete nache camaye huesoueeguesop da nlataguec, qataq saishet da iuen da ỹauo'o aca lsheetenaxanaqte.


Qaq som Ismael llalaqpi ỹauec co'ollaxa so José, ỹauega ye Egipto, qaq huaña yemaye nache desheenaxana somaye so lma' ye Egipto maye le'enaxat da Potifar maye ltaua so Faraón, qataq lataxala' so alleppi maye nauaatalec naxa somaye.


Qaq no'on da semenaqot na ismaeliitapi, qaq saishet da salauataq, cha'aye ñimaye ye maiche qaralamaxat qarqaỹa.» Qaq soua lqaỹa't ỹaỹamaxareeta co'ollaxa da la'aqtac somaye.


Qaq so Abram co'ollaq ỹaỹaten da so lasoshec noxonec, nache laỹona't co'ollaxa so lalamaxat l-latacpi maye lañoqo' so lma' somaye. Qaq somayepi ivi' trescientos dieciocho ye lcata. Nache so Abram lỹatec co'ollaxa somayepi da icaalec se'eso nta'alpi, nache iviraxatta'a ye Dan.


Qaq so qomoxonalo, qom huetaigui na lo'oc na piguem, qom sela'a, nache tachigui ye iuel dam chochaq tatec ñaỹamaxataxac, co'ollaq ñaỹamaxate' 'enauac na shiỹaxauapi, qataq 'enauac na shiguiỹacpi, maye huetalec ana 'alhua.


Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.


Qalaxaye ca ntaxaỹaxanaxanec da desheenaxana ca nlatac, ỹauota'a aca maiche alom, nache que'eca nlatac ishet da chec ca laỹe aca nachetaqtaxanaqte. Qataq ca lañoqo' ca lma' camaye, nataqa'en ishet da chec ca laỹe que'eca nallec.


Swiv nou:

Piblisite


Piblisite