Génesis 17:12 - La'aqtaqa Ñim Lo'onatac 'Enauacna 2013

¹² Qaq nagui nache chegoqchiguiña da 'enauac na ỹalleppi da qoñiita, iuen da qaỹauo'o ca na'anaxat na lo'oc da ivi' caua ocho na'axa'te da ñiguiñi, cam lañoqo' ca nma', qataq ca camachaqca nsheenaxanaxat maye chegoqo'ot cam chegaqauec, na'aictaxa da saishet da qami' chegoxogueta.

Génesis 17:12 Referans Kwoze

Levítico 12:3

Nache que'eca nogotolec maye ñiguiñi, qaỹo'ot ca na'anaxat, qanqat na lqaic lo'oc ñi logoxoshet da ivi' caua ocho na'axa'te.

Lucas 2:21

Qaq co'ollaq mashe ivi' soua ocho na'axa'te da lañoxoc so nogotolec, nache qaỹauo'o so la'anaxat na lo'oc Somaye. Ime, qaq qoỹanagui da le'enaxat Jesús, dam ne'enaxat maye da'aqtaxanem co'ollaxa so lamaxashec Ñim Lo'onatac 'Enauacna aso María co'ollaq saxanaxa da hualaxai.

Filipenses 3:5

Cha'aye aỹem co'ollaq mashe sevi' soua ocho na'axa'te da ñañiguiñi, nache qaỹauo'o so la'anaxat na ỹo'oc, cha'aye aỹem ỹataqta ỹalamaxat ihuo' na Israel le'ecpi, sachegoxoigui na llalaqpi so Benjamín, aỹem hebreo le'ec, ñapacalec nam ỹataqta qalota maye 'eetega naxa da hebreo le'ecpi. Da ỹataxac aỹem fariseo le'ec, cha'aye shecteguelo naua nqataxaco maye chegoqo'oto so Moisés.

Lucas 1:59

Qaq co'ollaq mashe ivi' soua ocho na'axa'te, nache qairouo so nogotolec da qaỹauo'o so la'anaxat na lo'oc. Nache nam hueta'a yi'iye ỹauotaique da ỹanagui Zacarías maye le'enaxat so lta'a.

Romanos 2:28

Saishet da qami' judío lashe', nache qa'iquiitega damaye, qataq da qoñiitega da souaxat da huo'o na qana'anaxache da yo'oqchigui qaro'ocỹaxaqui.

Hechos 7:8

Nache Ñim Lo'onatac 'Enauacna naỹamaxate' so Abraham, nache 'enapega somaye da 'enauac na ỹalleppi na Israel le'ecpi da ỹauo'o ca la'anaxat na lo'oc da la'anaxat de'era aỹamaxataxac. Qaq ỹoqo'oye co'ollaq ñiguiñi so llalec Isaac, nache so Abraham ỹauo'o so na'anaxat na lo'oc co'ollaq mashe ivi' naua ocho na'axa'te. Qataq nache 'ena'am so Isaac co'ollaq huo'o so llalec Jacob, nache nataqa'en ỹo'ot de'era. Nataqa'en so Jacob ỹo'otec de'era soua doce llalqa.

Génesis 21:4

qaq ỹauo'o so na'anaxat na lo'oc somaye co'ollaq ivi' soua ocho na'axa'te da ñiguiñi, qaq nache ipacchigui da lamaxasoxonaxac co'ollaxa Ñim Lo'onatac 'Enauacna.

Génesis 17:23

Qaq nacheso se'eso na'a'q, da so Abraham ỹauo'o so na'anaxat na lo'oc so llalec Ismael, qaq nataqa'en ỹauo'o so na'anaxat na lo'oc 'enauac so l-latacpi maye lañoqo' so lma', qataq som lsheenaxanaxatpi somaye. Qataq 'enauac so ỹalleppi maye netaña so lma' qataq do'onataxaatacot, nataqa'en ỹauo'o so la'anaxat na lo'oc, nache ipacchigui dam ỹamaxalec co'ollaxa Ñim Lo'onatac 'Enauacna.

Éxodo 12:44

qalaxaye ca nlatac maye nsheenaxanaxat, camaye ishet da deque'e, qom huo'otaq mashe qaỹauo'o ca na'anaxat na lo'oc.

Éxodo 22:30

nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.