Génesis 17:11 - La'aqtaqa Ñim Lo'onatac 'Enauacna 2013

¹¹ Qaq ỹoqo'oye ñi 'oonolec da qoñiita iuen da qaicheguec na lqaic lo'oc ñi logoxoshet, qaq damaye nachera da la'anaxat da ñaỹamaxataxac da qami' ñaỹamaxatto.

Génesis 17:11 Referans Kwoze

Romanos 4:11

Qaq ỹoqta 'eesa da so Abraham qaỹauo'o co'ollaxa so la'anaxat na lo'oc da na'anaxat qanqa'en, qaq damaye ỹachaxan da Ñim Lo'onatac 'Enauacna ỹaconeguet somaye souaxat da huo'o da lpi'iỹaxac. Qaq 'era da 'eetec so Abraham da huo'omshe qoỹanagui da lta'a 'enauac nam huo'o da lpi'iỹaxac Ñim Lo'onatac 'Enauacna, na'aictaxa da saishet da qaỹauo'o ca na'anaxat na lo'oc.

Hechos 7:8

Nache Ñim Lo'onatac 'Enauacna naỹamaxate' so Abraham, nache 'enapega somaye da 'enauac na ỹalleppi na Israel le'ecpi da ỹauo'o ca la'anaxat na lo'oc da la'anaxat de'era aỹamaxataxac. Qaq ỹoqo'oye co'ollaq ñiguiñi so llalec Isaac, nache so Abraham ỹauo'o so na'anaxat na lo'oc co'ollaq mashe ivi' naua ocho na'axa'te. Qataq nache 'ena'am so Isaac co'ollaq huo'o so llalec Jacob, nache nataqa'en ỹo'ot de'era. Nataqa'en so Jacob ỹo'otec de'era soua doce llalqa.

Deuteronómio 10:16

Ỹoqo'oye qanqacheeua'a qome na qauemsat naua qarquiyaqtelli', qataq saishet da nache qoquiito'ot da sa qaualaqai.

2 Samuel 3:14

Qaq nataqa'en so David ỹauo'o so lamaxashec da ỹamaxa da la'aqtac so Isboset, 'eeta': «Aỹem 'avi'eguelaxatot qome aca Mical, maye maiche ihua, cha'aye acamaye lasheue da secheguec so cien logoxoshet lqaic lo'oc so filisteopi maye salauat co'ollaxa.»

Josué 5:3

Nache so Josué ỹo'ot so lpelegaxanaxatpi, nache ỹauo'o so na'anaxat na lo'oc so ỹalleppi Israel le'ecpi, huaña aso lcomaraxalate maye qoỹanagui da le'enaxa't Aralot.

Éxodo 12:48

Qaq que'eca shiỹaxaua maye chegaqauec, camaye da nshetaique da dequi'iỹapegueuo da ỹo'oxoren Ñim Nataxala', qaq no'on da qaỹa'auaxaañi da qaỹauo'o ca na'anaxat na lo'oc 'enauac ca llalaqpi ỹalleppi. Qaq da ime, nache camaye ishet da dequi'iỹapegueuo. Cha'aye camaye 'eeta'am ca maiche lañoqo' que'eca 'alhua. Qalaxaye que'eca qaica ca na'anaxat, saishet da chec que'eca qagueta llalec.

Éxodo 4:25

Huaña, nache aso Séfora ỹacona so npelegaxanaxat coma' laỹe, nache icheguec na lqaic lo'oc ñi logoxoshet so llalec. Ime, nache ỹachaiguilo naua lchel so Moisés, nache asomaye 'enapeco': «Nagui ỹataqta 'itchiguiñi da 'am ihua, chegoqchigui ne'ena ntago'q».

Génesis 9:12

Qaq 'era da la'anaxat da ñaỹamaxataxac, maye chochaq tatec da qami' ñaỹamaxatto, qataq 'enauac na shiguiỹacpi: