Génesis 17:10 - La'aqtaqa Ñim Lo'onatac 'Enauacna 2013

¹⁰ Qaq 'era da so'ot ñaỹamaxataxac da 'am ñaỹamaxate', qaq damaye iuen da ipaqueelec nataqa'en cam 'am chegoxoguetpi, qaq 'enauac qome ca ỹalleppi da qoñiita iuen da qaỹauo'o ca na'anaxat na lo'oc.

Génesis 17:10 Referans Kwoze

Hechos 7:8

Nache Ñim Lo'onatac 'Enauacna naỹamaxate' so Abraham, nache 'enapega somaye da 'enauac na ỹalleppi na Israel le'ecpi da ỹauo'o ca la'anaxat na lo'oc da la'anaxat de'era aỹamaxataxac. Qaq ỹoqo'oye co'ollaq ñiguiñi so llalec Isaac, nache so Abraham ỹauo'o so na'anaxat na lo'oc co'ollaq mashe ivi' naua ocho na'axa'te. Qataq nache 'ena'am so Isaac co'ollaq huo'o so llalec Jacob, nache nataqa'en ỹo'ot de'era. Nataqa'en so Jacob ỹo'otec de'era soua doce llalqa.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Romanos 3:30

Cha'aye 'oonolec Ñim Lo'onatac 'Enauacna qaica ca lỹa. Qaq nacheñi Ñimaye ñim ỹaỹamaxareeta 'enauac nam huo'o da lpi'iỹaxac So Jesucristo, na'aictaxa da judío huo'otaq da saishet.

Josué 5:2

Huaña, co'ollaxa nache Ñim Nataxala' 'enapega so Josué, 'eeta': «'Auo'ot qome ca 'arpelegaxanaxat coma'pi, qataq ỹataqta ỹaxaraicpi 'anqa'en, nache 'auo'ot ca na'anaxat na lo'oc na Israel le'ecpi.»

Génesis 17:11

Qaq ỹoqo'oye ñi 'oonolec da qoñiita iuen da qaicheguec na lqaic lo'oc ñi logoxoshet, qaq damaye nachera da la'anaxat da ñaỹamaxataxac da qami' ñaỹamaxatto.

Efesios 2:11

Nam judiopi da qami' iỹaxanalo qalaq, 'eeta': «Nam qaica ca na'anaxashet», qaq namayepi nloola't, 'eeta': «Nam huo'o na na'anaxashet», cha'aye namayepi ỹo'ot na la'anaxat na lo'oc. Qami' saishet da qami' judío lashe', ỹoqo'oye iuen da qauennachiỹa'a co'ollaq saxanaxa da qauacoñiiguet So Cristo qataq saishet da qaualliquiitaigui na Israel le'ecpi. Qataq saishet da qaualliquiiua'a da naỹamaxataxac qataq na ỹachaxanapec Ñim Lo'onatac 'Enauacna maye ỹo'otec na lalamaxatpi. Qataq qoviitalec co'ollaxa ana 'alhua qaica ca qanaquitaxaqui qataq saishet da qauauattoñi Ñim Lo'onatac 'Enauacna.

Gálatas 6:12

Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Deuteronómio 30:6

Qataq Ñim Nataxala' nqateua'a qome na qauemsat naua qarquiyaqchilli', nataqa'en cam qami' chegoxogueta yaqto' da qarquiyaqteỹaxaqui qataq da qanachaalataxaqui ỹataqta ỹauotec Ñim Nataxala' maye Qanatamnaxala'ai, yaqto' nache 'eetai' da qarca'alletauec.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Romanos 3:25

Ñim Lo'onatac 'Enauacna namaxa ana 'alhua So Jesucristo da yaqto' qomi' ileualeguete. Da sepi'iỹaqa'a da So Jesús qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi. 'Era da 'eetec da ỹachaxan Ñim Lo'onatac 'Enauacna da ỹataqta 'eesa. Qana'achec souaxat da lhualaxavic Ñimaye. Cha'aye nagui ỹapalaxat 'enauac nam qauem maye so'otaqtac co'ollaxa. Ñimaye ỹataqta no'on da lataxac qataq ỹaconeguet nam huo'o da lpi'iỹaxac So Jesús.

Romanos 2:28

Saishet da qami' judío lashe', nache qa'iquiitega damaye, qataq da qoñiitega da souaxat da huo'o na qana'anaxache da yo'oqchigui qaro'ocỹaxaqui.

Juan 7:22

Qalaxaye so Moisés qami' ỹamaxaleguete co'ollaxa da qauauo'oi ca na'anaxat na lo'oc ca ỹale. Qaq de'era chegoqtot co'ollaxa som hua'au qarta'ailpi, saishet da ỹoqta chegoqtot so Moisés. Qaq qami' ishet da qauo'oche ca na'anaxat ca nogotolec, na'aictaxa da huetoigui ca na'a'q mataxaqui.

Jeremías 4:4

Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.

Josué 5:4

Qaq de'era huo'omshe qaỹo'ot cha'aye 'enauac se'eso ỹalleppi Israel le'ecpi, qataq so alleppi maye alaataxaicpi maye mashe qaỹo'ot co'ollaxa nam la'anaxashet na lo'oc co'ollaq qaỹachegoqteua'a ye Egipto, somayepi mashe 'enauac da ileu huangui so nqa'aic ye toolec 'alhua.

Deuteronómio 10:16

Ỹoqo'oye qanqacheeua'a qome na qauemsat naua qarquiyaqtelli', qataq saishet da nache qoquiito'ot da sa qaualaqai.

Éxodo 12:48

Qaq que'eca shiỹaxaua maye chegaqauec, camaye da nshetaique da dequi'iỹapegueuo da ỹo'oxoren Ñim Nataxala', qaq no'on da qaỹa'auaxaañi da qaỹauo'o ca na'anaxat na lo'oc 'enauac ca llalaqpi ỹalleppi. Qaq da ime, nache camaye ishet da dequi'iỹapegueuo. Cha'aye camaye 'eeta'am ca maiche lañoqo' que'eca 'alhua. Qalaxaye que'eca qaica ca na'anaxat, saishet da chec que'eca qagueta llalec.

Éxodo 4:25

Huaña, nache aso Séfora ỹacona so npelegaxanaxat coma' laỹe, nache icheguec na lqaic lo'oc ñi logoxoshet so llalec. Ime, nache ỹachaiguilo naua lchel so Moisés, nache asomaye 'enapeco': «Nagui ỹataqta 'itchiguiñi da 'am ihua, chegoqchigui ne'ena ntago'q».

Génesis 34:15

Qomi', seshetaq qalaxaye da qauasachiiguet dam lataxac maye shenaqtapeguec, qaq damaye 'eeta': qami' iuen da qoñiita'am da shenaqta, da 'enauac na ỹalleppi da qoñiita, iuen da qaỹauo'o ca na'anaxat na lo'oc.

Génesis 17:23

Qaq nacheso se'eso na'a'q, da so Abraham ỹauo'o so na'anaxat na lo'oc so llalec Ismael, qaq nataqa'en ỹauo'o so na'anaxat na lo'oc 'enauac so l-latacpi maye lañoqo' so lma', qataq som lsheenaxanaxatpi somaye. Qataq 'enauac so ỹalleppi maye netaña so lma' qataq do'onataxaatacot, nataqa'en ỹauo'o so la'anaxat na lo'oc, nache ipacchigui dam ỹamaxalec co'ollaxa Ñim Lo'onatac 'Enauacna.

Génesis 17:27

qataq nataqa'en 'enauac so ỹalleppi maye netaña so lma', qataq so lañoqo' so lma', qataq som lsheenaxanaxatpi maye ỹachegoxoto'ot som chegaqauecpi.»

Génesis 21:4

qaq ỹauo'o so na'anaxat na lo'oc somaye co'ollaq ivi' soua ocho na'axa'te da ñiguiñi, qaq nache ipacchigui da lamaxasoxonaxac co'ollaxa Ñim Lo'onatac 'Enauacna.

Génesis 34:22

Qaq da yaqto' ishet da ỹataqta qomi' nhuo' le'ecpi, nache yemayepi qomi' ỹasategueta da qomi' naiguilo, qalaxaye iuen da so'otaq dam lataxac maye, 'eeta': 'enauac na ỹalleppi da shenaqta, qaỹauo'o qome ca na'anaxat na lo'oc, nache 'eeta'am da lataxac yemayepi.