Génesis 17:1 - La'aqtaqa Ñim Lo'onatac 'Enauacna 2013

¹ Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 17:1 Referans Kwoze

Filipenses 4:13

So Cristo aỹem ỹami' da ỹa'añaxac da yaqto' ñala'aguet da sataỹa'aguet 'enauac nam sevireguet.

Efesios 3:20

Qaq ỹoqo'oye 'onaxaic nagui da qaỹo'oxoren qome Ñim Lo'onatac 'Enauacna, Ñim 'añaxaic maye ishet da ỹactec naqa'en ca qomi' ỹanema, napacalec cam seỹaxanaqaique, huo'otaq cam tatapigui ye qarhuel, da chegoqchigui naqa'en da la'añaxac maye do'onataxaatapoigui da qanachaalataxac.

Génesis 6:9

Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Salmos 116:9

Qaq ỹoqo'oye nache shecto'ot qome da salaxaguet Ñimaye, da sootalec ana 'alhua maye lma' nam huo'o da lca'alaxa.

Mateo 5:48

Ỹoqo'oye qami' iuen da ỹataqta nalochiguiñi da qarataxaqui, qoñiita'am Ñim Lo'onatac 'Enauacna maye Qarta'ai maye neta'ague da piguem da ỹataqta nalochiguiñi da lataxac.

Isaías 38:3

«'Am Nataxala', 'am ñachoxonnot da 'auennata'a da 'eetec da ỹalaxayec, qataq da ỹataqta imauec da iquiyaqteỹaxac, co'ollaq 'am so'onataxaatacot, da so'ottac nam 'auaỹamaxareetapi.» Ime co'ollaxa nache ỹataqta nỹeetac, souaxat da ỹaguec da laquicoxo.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Deuteronómio 18:13

Qaq ỹoqo'oye iuen da ỹataqta ỹaỹamaqchiguiñi da qarataxaqui da qami' ỹalletaguilo Ñim Nataxala' maye Qanatamnaxala'ai.

Mateo 19:26

Nache So Jesús ỹamataiguilo soomaye, nache 'enapeco': –Na shiỹaxauapi ỹataqta lta'araic naqa'en da lqalaic de'era. Qalaxaye Ñim Lo'onatac 'Enauacna saishet da huo'o ca ỹaqalanapec.

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

1 Reyes 3:6

Nache so Salomón 'enapeco': «'Am, ỹataqta 'arauotaxat co'ollaxa so 'aramaxashec David, maye ita'a, cha'aye somaye ỹataqta 'eesa da 'am ỹalaxaguet, qataq ỹaỹamaqchiguiñi da lataxac, qataq nalochiguiñi da lquiyaqteỹaxac. Qaq ỹoqo'oye ỹataqta 'auauotec somaye, nache 'aỹa'anem ne'ena 'oonolec nam llalaqpi somaye, da talec 'anqa'en añi nso'onaxaqui da nta'a.

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

Hebreos 12:28

Sanqot da qana'achec Ñim Lo'onatac 'Enauacna, cha'aye da lo'onataxanaxac Ñimaye maye qomi' ỹanema saishet da ishet da qanqochenaxat. Qaq ỹoqo'oye iuen da sho'oxorenaq Ñimaye chegoqchigui da lta'araic lsoxoyec qataq da ño'oxonnataguec maye ỹaỹamaxareeta da qoỹami'.

Hechos 24:16

Qaq ỹoqo'oye aỹem ỹataqta ñepogoxoueetapegue' da salaxaguet Ñim Lo'onatac 'Enauacna, qaltaq da huo'o ca ilagaxayec da sootaigui na laỹepi shiỹaxauapi, qaq ỹoqo'oye da ivilỹaxac ỹataqta qaica ca tatapigui iuel.

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Génesis 12:1

Qaq huo'o so na'a'q, nache Ñim Nataxala', 'enapega so Abram, 'eeta': «Qoca'ai na 'ana'alhua, qataq na 'arhuo' le'ecpi, qataq ye lma' ñi 'arta'a, da yaqto' 'anqo'ona yem 'alhua maye 'am sachaxana qome.

Génesis 5:24

Qaq cha'aye so Enoc, ỹataqta queteleguete naua 'eetapegueeque Ñim Lo'onatac 'Enauacna, nache huo'o so na'a'q da choche qaiqattac, cha'aye Ñim Lo'onatac 'Enauacna, ỹauec somaye.

Hechos 23:1

Nache so Pablo co'ollaq ỹamataigui so nta'alpi maye loicnatac na lataxaguesat. Nache 'enapeco': –Qami' Israel le'ecpi, aỹem ỹataqta ỹe'emaqtac da ivilỹaxac, cha'aye choche ivitta'a nagui da ỹataqta salaxaguet 'enauac Ñim Lo'onatac 'Enauacna.

Salmos 115:3

Ñim Qanatamnaxala' neto'ot na piguem, Ñimaye ỹo'ot 'enauac nam huotaique co'ollaxa da ỹo'otpi.

Da na'aqtaguec so Job 11:7

¿Qaq 'am 'aupi'itaxaatega peta'a da 'aushet da 'aunoxoneua'a na saqcha'a lhuennataxacpi Ñim Lo'onatac 'Enauacna? ¿Qalqo' 'aushet peta'a da 'avi' da 'auaỹaten ca ỹataqta saqcha'a lataxac Ñim Qaica ca Ỹaqalanapec?

1 Reyes 2:4

Qataq yaqto' ipacchigui qome da la'aqtac Ñim Nataxala', maye aỹem ỹachaxanapecot co'ollaq, 'eeta': ‹Da ỹataqta ỹo'ot da no'on na 'aỹa'alaqpi, qataq sauaachigui da quegue da ỹaỹamaqchiguiñi lataxac, qataq da ỹataqta lquiyaqteỹaxac, lhuennataxa da ỹalaq, nache saishet da saqca ñaqa'en ca 'oonolec na 'aỹa'alaqpi da talec da 'aro'onataxanaxac da nta'a, da ilo'ogue na Israel le'ecpi.›

Deuteronómio 10:17

Cha'aye Ñim Nataxala' maye Qanatamnaxala'ai, Ñimaye nataỹaña 'enauac na ỹotta'a't atamnaxala'pi, qataq Ñimaye Lataxala' na nataxala'pi. Ñim Lo'onatac 'Enauacna, Ñimaye 'amaqtaqaic, 'añaxaic qataq ncolanaxat, Ñimaye saishet da lca'atagui na shiỹaxauapi qataq saishet da ipactaique da qaisheeten da huo'o ca ỹo'ot.

Números 11:23

Qalaxaye Ñim Nataxala' 'enapeco': ¿Peta'a 'aupi'itaxaatega da saq 'amaqtaq da ỹa'añaxac? Qaq nagui nache 'auauaachigui qome da 'eesa, huo'otaq saishet da 'en de'era shenapec.

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Génesis 18:1

Ñim Nataxala' nachaxana so Abraham co'ollaq huaña yem lma' ana qo'oipaqpi le'enaxat encina maye lma' so Mamre. Qaq so Abraham co'ollaq nso'ootañi netaña so lasom so lpe'l, se'eso na'a'q laiñi,

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

1 Reyes 8:25

Qaq ỹoqo'oye, 'Am Nataxala', maye Natamnaxala' na Israel le'ecpi, nataqa'en 'aupactelec qome da 'auo'ot so 'aỹa'anem co'ollaxa 'ara'aqtac so 'aramaxashec David maye ita'a, co'ollaq qoneta': Na 'am chegoxoguetpi, saishet qome da saqca ñaqa'en ca 'oonolec da nso'ongui añi so'onaxaqui da yaqto' lta'a na Israel le'ecpi, qom ỹataqta no'onaxat da lataxac, qataq da ỹataqta Aỹem ỹalaxaguet, 'eeta'am da qonetec da ỹataqta Aỹem 'aualaxaguet.

Génesis 16:16

Qaq so Abram, mashe ivi' co'ollaxa soua ochenta y seis vi'iye da nachaalataxac, co'ollaq ñiguiñi so Ismael.

Génesis 5:22

Qaq so Enoc, qalaq ỹataqta queteleguete co'ollaxa naua 'eetapegueeque Ñim Lo'onatac 'Enauacna. Qaq co'ollaq ime da ñiguiñi so llalec Matusalén, nache somaye qaltaq queuoiguilo soua trescientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi.

Génesis 24:40

Qaq somaye aỹem ỹasateguet, 'eeta': Aỹem shectague' da nqa'aicỹaxac Ñim Nataxala', qaq Ñimaye ỹamaq qome ca lamaxashec piguem le'ec da 'am nnaictague', yaqto' qaica ca da dam 'icỹaxac, nache 'auachegoxotaigui qome aca lhua ñi ỹalec, yem ihuo' lashepi maye llalpi so ita'a.

Génesis 26:2

Qaq huaña yemaye, nache Ñim Nataxala' nachaxana somaye, nache 'enapega, 'eeta': «Saishet qome da 'aỹa ye Egipto. Nacherata da qonaña qome cam 'alhua maye 'am samaxalec da qonaña,

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Deuteronómio 30:20

qataq qauauochec qome Ñim Nataxala' maye Qanatamnaxala'ai, qataq ỹataqta qaualaqaiguet, cha'aye nacheñi Ñim chegoqchigui da qanachaalataxaqui, qataq da qaỹoqtec qome naqa'en da qoñiitalec ye 'alhua maye ỹachaxanapecot co'ollaxa da ỹanem soua hua'au' qarta'alli', Abraham, Isaac qataq Jacob.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Génesis 48:3

Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Números 24:16

da la'aqtaxanaxac nam hua'axaỹalo naua la'aqtaqa Ñim Lo'onatac 'Enauacna, qataq ỹaỹate'n naua lhuennataxaco Ñim Nataỹaña 'enauacna, nam ỹauan na nauanaqchecpi maye chegoqo'ot Ñim Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

Proverbios 10:9

Ca ilotague' da llecỹaxac camaye qaica ca ñe'etaique, qaq ca qauem da llecỹaxac qalaq qauem ca loga't.