Génesis 16:8 - La'aqtaqa Ñim Lo'onatac 'Enauacna 2013

⁸ Nache inat, 'eeta': «Agar, 'am maye 'am l-lata aca Sarai, ¿hua'ague ca 'auachegoqta'ague, qataq hua'ague ca 'ata'ague?» Nache asomaye, 'enapeco': «Qomye sataueguesop añi ña'acoro Saraí.»

Génesis 16:8 Referans Kwoze

Génesis 3:9

Qalaxaye Ñim Lo'onatac 'Enauacna maye Nataxala', iỹaxanaique co'ollaxa se'eso ỹale, 'eeta': «¿Hua'ague ca qoueta'ague?»

Génesis 4:10

Nache Ñim Nataxala', 'enapego' somaye, 'eeta': «¿Ta'ainco' da 'auo'ot de'era? Cha'aye naua ltago'q so 'arqaỹa, maye 'aucoreleguete ana 'alhua, aỹem ỹa'alaqto'oto da so'oteque ca nalochiguiñi lataxac.

Eclesiastés 10:4

Qaq ca nta'a da huo'otaq 'am dalemataỹa, nache saishet qome da qoca'ai ca 'aro'onataxanaxac, cha'aye dam nhualaxavic, nachera da lata' naua lta'al nsomaxaco.

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

Génesis 16:4

Nache so Abram hue'eguet co'ollaxa aso Agar, nache asomaye hualaxai. Qalaxaye co'ollaq nomla't asomaye da hualaxai, nache chegoqchiguiña da ỹe'eetac aso na'acoro.

Génesis 16:1

Qaq aso Saraí ye sareco'o, nache so lhua Abram qaica co'ollaxa ca llalaqpi, qalaxaye huo'o co'ollaxa aso l-lata Egipto lashe maye le'enaxat Agar.

Génesis 16:9

Qaq huaña, nache so lamaxashec Ñim Nataxala' 'enapega asomaye, 'eeta': «'avi'eguelaxa qome añi 'ana'acoro, nache 'auo'ot qome 'enauac cam 'am ỹamaxalec.»

1 Reyes 19:9

Qaq huaña yemaye nache taigui so auac, nache huetaigui se'eso pe. Qalaxaye Ñim Nataxala' 'enapega somaye, 'eeta': «Elías, ¿negue't ca 'auo'ottac da qoueta'a ne'ena?»

1 Reyes 19:13

Nache so Elías co'ollaq hua'axaỹa somaye, nache nacona'a so lapo' da ỹapogui na lashec, nache pa'auec, nache hua'a so ñegueuo se'eso auac. Nache hua'axaỹa so na'aqtac, 'eeta': Elías, «¿negue't ca 'auo'ottac da qoueta'a ne'ena?»

Génesis 21:17

Qalaxaye Ñim Lo'onatac 'Enauacna, hua'aqtega co'ollaxa da nnoinaxac so nogotolec, nache so lamaxashec Ñim Lo'onatac 'Enauacna, chemqot na piguem da 'enapega aso Agar, 'eeta': «Agar. ¿Negue't cam qouetapoigui? Saishet qome da 'añi'i, cha'aye Ñim Lo'onatac 'Enauacna, hua'aqtega da nnoinaxac ñi nogotolec yem hueta'a.

Jueces 19:17

Nache so ỹa'axaiquiolec co'ollaq ila'a somaye da hueta'a se'eso naponqa', nache inat, 'eeta': ¿Hua'ague cam 'auachegoqta'ague? Qataq ¿hua'ague cam 'aỹa'ague?

2 Reyes 5:25

Ime, nache so Guejazí, taua'a so na'aco'. Nache so Eliseo, inattaco' somaye, 'eeta': ¿Hua'ague ca 'auachegoqta'ague, Guejazí? Nache so Guejazí, 'enapeco': Aỹem, qaica ca saigue.