Génesis 16:5 - La'aqtaqa Ñim Lo'onatac 'Enauacna 2013

⁵ Nache aso Saraí, 'enapego' so Abram, 'eeta': «¡'Am maye 'arasouaxashet da ara Agar ỹataqta aỹem ỹe'eetac! Qamaq nachaỹem maye 'am sanem co'ollaxa da 'auauo'o 'arhua, qaq nagui, da aramaye ỹaỹaten da huo'o qome ca llalec, nache aỹem napacapeguelec. ¡Qalaxaye, huo'o Ñim Nataxala' maye ỹa'axat qome negue't ca huo'o ca lasouaxashet da shenaqta, 'am, huo'otaq aỹem!»

Génesis 16:5 Referans Kwoze

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Salmos 35:23

Ñaq 'anlouec 'Am Nataxala' qataq qoñisheguem 'Am Ñatamnaxala', Ñaq aỹem 'auo'otec ca ỹaỹamaqchiguiñi, aỹem 'aueelec.

Salmos 7:8

'Am Nataxala', 'am maye 'anmit qome na ỹotta'a't shiỹaxauapi, qaq da aỹem 'anmit qalaq 'aulochigui da no'on ỹataxac, qataq 'aulochigui da qaica ca sasouaxat.

2 Crónicas 24:22

Qaq so nta'a Joás, icoua'ai da lauotaxanaqtaic co'ollaxa so Joyadá, som lta'a so Zacarías, nacherata da ỹalauat so Zacarías, som 'enapec co'ollaq mashe yaqta'a da ileu, 'eeta': «Ñim Nataxala' maye ỹauaachigui de'era nacheñi qome ñim 'am nmit.»

Salmos 43:1

'Am Atamnaxala', ñaq aỹem 'auo'otec ca nalochiguiñi lataxac. ¡Ñaq aỹem 'ampaxaalec souaxat ne'ena shiỹaxauapi qauemaicpi! ¡Ñaq aỹem 'anca'alaxateeguesop na shepecaicpi qataq na qaica ca iren,

Génesis 16:4

Nache so Abram hue'eguet co'ollaxa aso Agar, nache asomaye hualaxai. Qalaxaye co'ollaq nomla't asomaye da hualaxai, nache chegoqchiguiña da ỹe'eetac aso na'acoro.

Jueces 11:27

Qaq aỹem qaica ca 'am so'otec qauem. Qalaxaye 'am qauem da qonetapeguec da 'auauotaique da 'auanac da qomi' 'auloquiaxa'n. Qalaxaye Ñim Nataxala' nacheñi ñi pa'aỹa'aguet da nmit na Israel le'ecpi qataq na 'amoniitapi.»

Jeremías 51:35

¡Qaq ña isheeten qome ye Babilonia dam qauem maye aỹem ỹo'otec! ¡Ña isheeten qome ye caldeopi som ỹalamaxat shiỹaxauapi maye ỹalauat co'ollaxa!»

1 Samuel 24:16

Qaq co'ollaq ime da ltaxaỹaxac so David, nache so Saúl 'enapeco': ¡Qache nache 'am ỹalcolec David, maye aỹem 'autaqtecot! Huaña nache so Saúl ỹataqta nỹeetac,