Génesis 16:4 - La'aqtaqa Ñim Lo'onatac 'Enauacna 2013

⁴ Nache so Abram hue'eguet co'ollaxa aso Agar, nache asomaye hualaxai. Qalaxaye co'ollaq nomla't asomaye da hualaxai, nache chegoqchiguiña da ỹe'eetac aso na'acoro.

Génesis 16:4 Referans Kwoze

Proverbios 30:23

qataq aca 'alo no'otana qalaq ỹanata ca lhua, qataq aca nlata maye ipa'axanauec aca na'acoro.

1 Corintios 4:6

Saloqnaxaatapigui so Apolo qataq aỹem, yaqto' qami' ishet da qauachegoqoichigui da shenaqta da qauaỹaañi da naigui da na'aqtac naxa maye 'eeta': Saishet da qanapacỹapeguelec dam nanettalec ana nere, maye huetalec na la'aqtacpi Ñim Lo'onatac 'Enauacna. Yaqto' qaica ca ipettega da ca lo'onataxanaxanec Ñimaye napacalec da la'amaqchec ca lỹa.

2 Samuel 6:16

Qaq co'ollaq qaiviraxateua'a so huaqta'a't nỹecpi maye lalamaxat so David aso arca maye laỹe' soua lqataxaco Ñim Nataxala', nache aso Mical maye llale so Saúl dalletauec co'ollaxa, nache ỹalletauga so nta'a David da parenaxaatac, qataq dasotto'ot Ñim Nataxala', nache asomaye ỹataqta da'aguelec somaye.

Génesis 16:3

Nache aso Saraí, ỹauegueuo aso Agar maye Egipto lashe, nache ỹanem so Abram da ỹauo'o lhua, co'ollaq mashe ivi' soua diez vi'iye da netraña ye Canaán.

Génesis 16:5

Nache aso Saraí, 'enapego' so Abram, 'eeta': «¡'Am maye 'arasouaxashet da ara Agar ỹataqta aỹem ỹe'eetac! Qamaq nachaỹem maye 'am sanem co'ollaxa da 'auauo'o 'arhua, qaq nagui, da aramaye ỹaỹaten da huo'o qome ca llalec, nache aỹem napacapeguelec. ¡Qalaxaye, huo'o Ñim Nataxala' maye ỹa'axat qome negue't ca huo'o ca lasouaxashet da shenaqta, 'am, huo'otaq aỹem!»

Génesis 19:31

Qaq huo'o so na'a'q, nache aso llale ỹe, 'enapego' aso lqaỹa na'asa, 'eeta': «Ñi qarta'a mashe ỹa'axaiqui, qaq ne'ena 'alhua, qaica ca 'oonolec ỹale da qomi' huaronegueta, da yaqto' ipacchigui da maiche lataxac naxa 'enauac na shiỹaxauapi,

Génesis 21:9

Qalaxaye aso Sara, ila'a co'ollaxa da so llalec aso Agar qataq so Abraham, da ỹe'eetac so Isaac.

Génesis 30:4

Qaq 'era da 'eetec aso Raquel, da ỹanem co'ollaxa so Jacob aso lamaxashe Bilá, da yaqto' ỹauo'o lhua lỹa. Qaq so Jacob lauañi' co'ollaxa aso Bilá,