Génesis 16:3 - La'aqtaqa Ñim Lo'onatac 'Enauacna 2013

³ Nache aso Saraí, ỹauegueuo aso Agar maye Egipto lashe, nache ỹanem so Abram da ỹauo'o lhua, co'ollaq mashe ivi' soua diez vi'iye da netraña ye Canaán.

Génesis 16:3 Referans Kwoze

Génesis 16:5

Nache aso Saraí, 'enapego' so Abram, 'eeta': «¡'Am maye 'arasouaxashet da ara Agar ỹataqta aỹem ỹe'eetac! Qamaq nachaỹem maye 'am sanem co'ollaxa da 'auauo'o 'arhua, qaq nagui, da aramaye ỹaỹaten da huo'o qome ca llalec, nache aỹem napacapeguelec. ¡Qalaxaye, huo'o Ñim Nataxala' maye ỹa'axat qome negue't ca huo'o ca lasouaxashet da shenaqta, 'am, huo'otaq aỹem!»

1 Reyes 11:3

Nache ivi' setecientos aso lhuapi maye llalepi so nta'alpi, qataq trescientos aso ỹaqauga lhuapi asom ỹashaxanec da lquiyaqteỹaxac somaye.

2 Samuel 5:13

Qaq co'ollaq ime da ca'ai ye Hebrón so David da taỹa ye Jerusalén, qaq nache huaña yemaye da dalaxai aso laỹepi lhuapi, qataq asom ỹataxanauopi, nache asomayepi deco'oiguet somaye, nache qalota so dalaxaic llalaqpi ỹalleppi qataq 'alpi.

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Génesis 32:22

Qaq nacheso se'eso pe, da ñisheguem so Jacob, nache ỹaconeua'alo soua dos lhua't, qataq soua dos lamaxashe, qataq soua once llalqa. Ime, nache ỹa'axasoxoolec naqa'en somayepi so la'auaxac le'enaxat Yaboc,

Génesis 30:9

Qaq aso Lea, co'ollaq ila'a da mashe saishet da huo'o ca llalec, nache ỹaconeua'a aso lamaxashe Zilpa, nache ỹanem so Jacob, da yaqto' ỹauo'o lhua lỹa.

Génesis 30:4

Qaq 'era da 'eetec aso Raquel, da ỹanem co'ollaxa so Jacob aso lamaxashe Bilá, da yaqto' ỹauo'o lhua lỹa. Qaq so Jacob lauañi' co'ollaxa aso Bilá,

Génesis 28:9

Qaq ỹoqo'oye jec da nqo'ona so Ismael som llalec so Abraham, nache huaroneguet aso llale somaye, asom le'enaxat Majalat, maye lqaỹa so Nebayot. Qaq na'aictaxa da mashe huo'oi soua lhua't, maye lma' ye Canaán.

Génesis 25:6

Qaq so llalaqpi asom ỹaqauga lhuapi so Abraham, qalaq nacherata da ỹauo'o so nme ñi 'oonolec somayepi. Qaq co'ollaq ña nca'altauec so Abraham, nache se'eso llalaqpi ca'ai naqa'en so Isaac, nache ỹamaxa ye 'alhua maye pa'aigue da nala' lliguisheguem.

Génesis 16:4

Nache so Abram hue'eguet co'ollaxa aso Agar, nache asomaye hualaxai. Qalaxaye co'ollaq nomla't asomaye da hualaxai, nache chegoqchiguiña da ỹe'eetac aso na'acoro.

Génesis 16:16

Qaq so Abram, mashe ivi' co'ollaxa soua ochenta y seis vi'iye da nachaalataxac, co'ollaq ñiguiñi so Ismael.

Génesis 21:21

Qaq co'ollaq mashe qaỹoqtegue da netaña ye toolec 'alhua ye Parán, nache aso late'e somaye, ỹaronaxanaxaneguet aso 'alo maye Egipto lashe.