Génesis 16:2 - La'aqtaqa Ñim Lo'onatac 'Enauacna 2013

² Nache aso Saraí, 'enapego' so lhua Abram, 'eeta': «Ñaq 'aula'a da Ñim Nataxala', saishet da aỹem ỹanem ca ỹalec, qalaxaye 'am ñachoxonnot da qoue'eguet qome añi ilata Agar, shapegueto' ishet da huo'o ca ỹalec da chegoqchigui añimaye.» Nache so Abram, ỹaỹamaxareeta da la'aqtac aso Saraí,

Génesis 16:2 Referans Kwoze

Éxodo 21:4

Qaq que'eca na'aco' da ỹami' aca 'alo da lhua camaye, qaq acamaye da deco'oiguet camaye, nache ca llalaqpi huo'otaq llalepi aca'aca 'alo, camayepi lalamaxat ca na'aco', qaq que'eca nlatac nache ndotec da jec.

Génesis 18:10

Nache so 'oonolec soomaye 'enapeco': «Na lỹa vi'i, nache qaltaq ñe'eguelaq qome da 'am ñamaqtega, qalaq nache huetoigui qome da añi 'arhua Sara huo'o ca llalec.» Qaq aso Sara na'axaỹaxaatega 'enauac na ntaxaỹaxacpi, hueta'ague na l-laq so Abraham, asomaye huetaigui so lasom so npe'l.

Génesis 3:17

Qataq 'enapega so ỹale, 'eeta': «Qaq souaxat da 'aualaxaguet ara 'arhua, da qollec aso ala ara qo'oipaq maye sheetega co'ollaxa da saishet da qollec, nache nagui ana 'alhua talec qome da qauem, souaxat 'am. Qataq ỹataqta huo'o qome da 'anque'eenaxac da 'auo'onataxan, da yaqto' 'auachiguiñi ca qollec, 'enauaque naua na'axa'te da 'anachaalataxac.

Salmos 127:3

Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

Rut 4:11

Nache so nqueroxonecpi qataq 'enauac som ỹauaatauopi ỹasategueto' somaye, 'eeta': Aja', qomi' sauanaqchigui damaye. Qaq Ñim Nataxala' ỹanem asa'aso 'alo maye huenoxoneua'a qome ca 'arma' da 'eeta'am aso Raquel, qataq aso Lea, maye sachegoxosoxogueta qomi' Israel le'ecpi. Qaq 'am ỹataqta 'am ỹo'oxoraic qome na Efrata, qataq 'am 'amaqtaqaic na Belén.

Génesis 30:22

Qalaxaye Ñim Lo'onatac 'Enauacna, tachigui lauel aso Raquel, qaq hua'axaỹa so natamnaxac asomaye, nache ỹanem da lco'oxoc.

Génesis 25:21

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Génesis 20:18

Cha'aye souaxat co'ollaxa aso Sara, nache Ñim Nataxala' ỹo'ot da so 'alpi maye hueta'a so lma' so Abimelec, saishet da huo'o ca llalec.

Génesis 17:16

Añimaye saalec qome da ichoxonnataxanaxa, qaq chegoqchigui qome añimaye da 'am sanem ca 'aỹa'alec. Aja', Aỹem saalec qome da ichoxonnataxanaxa. Qaq añimaye, nache late'e qome cam qalota ỹotta'a't shiỹaxauapi, qaq ca chegoxoguetpi nacheca qome cam chegaqaigui ca lta'alpi nam nhuo' le'ecpi.»

Génesis 3:12

Nache so ỹale ỹasat, 'eeta': «Ara 'alo maye aỹem 'aỹa'anem da ñauegaxaua, aramaye aỹem ỹanem aso ala ara'ara qo'oipaq, nache aỹem sachec.»

Génesis 30:6

Qaq huaña nache aso Raquel, 'enapeco': «Ne'ena nogotolec, le'enaxat qome da Dan, cha'aye Ñim Lo'onatac 'Enauacna hua'axaỹa co'ollaxa so ñatamnaxac, nache aỹem ỹo'otec da nalochiguiñi lataxac da aỹem ỹanem na ỹalec.»

Génesis 19:31

Qaq huo'o so na'a'q, nache aso llale ỹe, 'enapego' aso lqaỹa na'asa, 'eeta': «Ñi qarta'a mashe ỹa'axaiqui, qaq ne'ena 'alhua, qaica ca 'oonolec ỹale da qomi' huaronegueta, da yaqto' ipacchigui da maiche lataxac naxa 'enauac na shiỹaxauapi,

Génesis 11:30

Qaq aso Saraí, qalaq qaica co'ollaxa ca llalec, cha'aye asomaye saishet da deco'o.