Génesis 16:16 - La'aqtaqa Ñim Lo'onatac 'Enauacna 2013

¹⁶ Qaq so Abram, mashe ivi' co'ollaxa soua ochenta y seis vi'iye da nachaalataxac, co'ollaq ñiguiñi so Ismael.

Génesis 16:16 Referans Kwoze

Génesis 12:4

Nache so Abram ca'ai co'ollaxa ye Jarán, nache ipaqueelec dam la'aqtac Ñim Nataxala'. Qaq somaye mashe ivi' co'ollaxa soua setenta y cinco vi'iye da nachaalaxataxac, co'ollaq ca'ai ye Jarán da nqo'ona ye Canaán.

Génesis 16:3

Nache aso Saraí, ỹauegueuo aso Agar maye Egipto lashe, nache ỹanem so Abram da ỹauo'o lhua, co'ollaq mashe ivi' soua diez vi'iye da netraña ye Canaán.

Génesis 16:15

Qaq aso Agar, ñiguiñi co'ollaxa so llalec, nache so Abram ỹanagui da le'enaxat Ismael.

Génesis 17:25

qaq so llalec Ismael, qalaq mashe ivi' soua trece vi'iye da nachaalataxac, co'ollaq qaỹauo'o so na'anaxat na lo'oc.

Génesis 25:17

Qaq so Ismael ivi' soua ciento treinta y siete vi'iye da nachaalataxac co'ollaq ileu, nache jec, da ỹalegoigui so hua'au lta'alpi.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 21:5

Qaq so Abraham mashe ivi' soua cien vi'iye da nachaalataxac co'ollaq ñiguiñi so Isaac.