Génesis 16:14 - La'aqtaqa Ñim Lo'onatac 'Enauacna 2013

¹⁴ Qaq nataqa'en aso mpaxaatasheguem na 'etaxat, ỹanagui da le'enaxat, «Nshere lalamaqte ñim nca'altauec, qataq aỹem ila'a.» Qaq asa'aso nshere ñechiguingui na laiñi yeua Cades qataq ye Bered.

Génesis 16:14 Referans Kwoze

Números 13:26

nache soomaye ỹe'eguelaxara ye Cades, yem toolec 'alhua ye Parán. Yem hueta'a so Moisés, Aarón qataq 'enauac so Israel le'ecpi. Nache da'aqtaxaarem somayepi 'enauac da lauanaqchec co'ollaxa soomaye, qataq qaỹachaxan aso ala ana nañiguishe yi'iye 'alhua.

Génesis 25:11

Qaq co'ollaq mashe ileu so Abraham, nache Ñim Lo'onatac 'Enauacna, ỹaalec da lchoxonnataxanaxa so Isaac, maye naña co'ollaxa yem sa qaỹapeque aso nshere maye le'enaxat «Ñim nca'altauec qataq aỹem ila'a.»

Génesis 24:62

Qaq so Isaac, maye netaña ye 'alhua le'enaxat Néguev, somaye mashe ñe'eguelaxauo co'ollaxa, chegaqaama aso nshere maye le'enaxat: «Ñim nca'altauec, qataq aỹem ila'a.»

Génesis 21:31

Qaq ỹoqo'oye yi'iye 'alhua, qoỹanagui da le'enaxat Berseba, cha'aye nache huaña co'ollaxa da soomaye ỹa'n so la'aqta'c.

Génesis 14:7

Qaq co'ollaq ñe'eguelaq so Quedorlaomer, qataq so nnaictague'pi somaye, nache nvira'a ye Enmispat, maye da lỹa le'enaxat Cades. Qaq huaña, nache loxonec 'enauac yem na'alhua so Amalec le'ecpi, qataq nataqa'en som amorreopi maye netaña co'ollaxa ye 'alhua Jasesón Tamar.

Génesis 16:15

Qaq aso Agar, ñiguiñi co'ollaxa so llalec, nache so Abram ỹanagui da le'enaxat Ismael.

Génesis 21:19

Qaq huaña, nache Ñim Lo'onatac 'Enauacna, ỹauatoiguilo naua la'ai'te aso Agar, nache asomaye ila'a aso nshere maye huo'o so le'ec 'etaxat. Qaq asomaye jec nache iỹoxogui aso lo'oc maye lỹoxoso, ime nache taỹa so Ismael da nỹomaxan.