Génesis 16:13 - La'aqtaqa Ñim Lo'onatac 'Enauacna 2013

¹³ Qaq aso Agar ye detaqtague' co'ollaxa Ñim Nataxala', nache ỹanagui da le'enaxat: «Ñim Lo'onatac 'Enauacna maye aỹem ila'a,» cha'aye asomaye 'enapeco': «Ñim Lo'onatac 'Enauacna, aỹem ila'a co'ollaxa, qalaxaye aỹem ña ñeca'altauec.»

Génesis 16:13 Referans Kwoze

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Proverbios 5:21

Cha'aye Ñim Nataxala', ỹaatec naqa'en da lataxac ca shiỹaxaua, qataq ỹaỹaten 'enauaque naua lqauaxaqui'.

Proverbios 15:3

Ñim Nataxala' hueta'a 'enauac na qanayeetaña, ilotalec 'enauac na soxoraicpi qataq na qauemaicpi.

Génesis 31:42

Qaq taxa da saishet da aỹem hueta'aguet Ñim Natamnaxala' so Abraham, Ñim Natamnaxala' so ita'a Isaac, nache yo'oqtactaxa da choche aỹem 'auamaqtec, qui'itchiguilo 'anqa'en naua ihua'q. Qalaxaye Ñim Lo'onatac 'Enauacna ilota'a co'ollaxa da ỹaquicoxo, qataq dam naigui da ỹo'onataxanaxac, qaq ỹoqo'oye so pe 'am nlaxa.»

Génesis 16:7

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.

Génesis 22:14

Nache so Abraham ỹauo'o da le'enaxat se'eso 'alhua, 'eeta': «Ñim Nataxala' ỹan cam qaiuen.» Qaq ỹoqo'oye ñaq 'eetalec nagui de'era na'aqtac naxa maye, 'eeta': «Aca qaỹoqotcheguemec 'alhua, huaña da Ñim Nataxala' ỹan cam qaiuen.»

Génesis 28:17

Qaq huaña, nache ỹataqta qalota da lcolanaxa, nache 'enapeco': Ne'ena 'alhua ỹataqta saqaishetapec. ¡Namaye nachena na lma' Ñim Lo'onatac 'Enauacna, qataq nachena na lasom na piguem!

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

Éxodo 24:11

Qaq Ñim Lo'onatac 'Enauacna saishet da huo'o ca 'ena'ac se'eso lataxala'pi so Israel le'ecpi som ỹauaachigui Ñimaye. Huaña, nache somayepi deque'etac qataq nỹomtac.»

Génesis 32:31

Qaq mashe nnoxoosheguem co'ollaxa aso nala', nache so Jacob cheta'ague da ca'ai ye Peniel, qaq souaxat da naquiigui ana lleegue, nache huaỹoraxaata.