Génesis 16:1 - La'aqtaqa Ñim Lo'onatac 'Enauacna 2013

¹ Qaq aso Saraí ye sareco'o, nache so lhua Abram qaica co'ollaxa ca llalaqpi, qalaxaye huo'o co'ollaxa aso l-lata Egipto lashe maye le'enaxat Agar.

Génesis 16:1 Referans Kwoze

Gálatas 4:24

Qaq damaye choche qaỹaloqnaxana. Cha'aye se'esoua dos 'alol, nache naiguilo naua dos aỹamaxataxaco. Aso Agar naigui se'eso aỹamaxataxac maye hualec añi qaỹoqotcheguemec 'alhua le'enaxat Sinaí maye huetaigui ye 'alhua Arabia, ỹoqo'oye 'enauac na llalaqpi nacte' da nlatacpi. Asa'aso qaỹoqotcheguemec 'alhua naigui ye nỹecpi ye Jerusalén qaq ỹoqo'oye 'enauac na hueta'a yemaye l-latac na namaxasoxonaxacpi.

Génesis 12:16

Qaq souaxat aso Saraí, nache so faraón ỹataqta ỹaỹamaxatta so Abram. Ỹachet ỹanem aso lalo qaguetapi, huacapi, l-latacpi, qataq aso l-latapi, 'ashenapi, qataq aso cameellopi.

Lucas 1:36

Nataqa'en añi 'arhuo' lashe Elisabet, na'aictaxa da mashe ỹa'axaino'ole, qalaxaye nataqa'en añimaye huo'o ca llalec. Na shiỹaxauapi ipettega da mashe saishet da huo'o ca llalec, qalaxaye añimaye mashe ivi' naua seis ca'agoxoiqa da hualaxai.

Lucas 1:7

Soomaye qaica ca llale'c, cha'aye aso Elisabet sa deco'o, qataq soomaye ỹataqta mashe ỹa'axaiqa.

Jueces 13:2

Qaq ye Sorá, maye lalamaxat som chegoxoguetpi so Dan, nache netaña co'ollaxa som ỹale maye le'enaxat Manoa, somaye qaica co'ollaxa ca llalec, cha'aye aso lhua somaye sa deco'o.

Génesis 25:21

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Génesis 21:21

Qaq co'ollaq mashe qaỹoqtegue da netaña ye toolec 'alhua ye Parán, nache aso late'e somaye, ỹaronaxanaxaneguet aso 'alo maye Egipto lashe.

Génesis 21:12

Qalaxaye Ñim Lo'onatac 'Enauacna, 'enapego' so Abraham, 'eeta': –«Saishet qome da 'auaquico souaxat ñim nsoqolec qataq añi 'arlata. Qaq 'auo'ot qome da lquiquiaxac añi Sara, cha'aye ca 'am chegoxoguetpi, nache chegoqchigui qome ñi Isaac.

Génesis 11:30

Qaq aso Saraí, qalaq qaica co'ollaxa ca llalec, cha'aye asomaye saishet da deco'o.

Génesis 15:21

amorreopi, cananeopi, gergeseopi, qataq na jebuseopi.»

1 Samuel 1:5

Qalaxaye aso Ana ỹataqta ỹactec naxa da lyac na ỹanem, cha'aye ỹataqta lauotaqte, na'aictaxa da Ñim Nataxala' saq ỹanem da lco'oxoc asomaye.