Génesis 15:6 - La'aqtaqa Ñim Lo'onatac 'Enauacna 2013

⁶ Qaq so Abram ỹa'amaqten co'ollaxa Ñim Nataxala', qaq ỹoqo'oye Ñim Nataxala' ỹaỹaten da somaye ỹataqta no'on da lataxac.

Génesis 15:6 Referans Kwoze

Santiago 2:23

Qaq nache ipacchigui dam 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «So Abraham ỹa'amaqten da ỹachaxanapec Ñim Lo'onatac 'Enauacna, qaq ỹoqo'oye Ñimaye ỹaỹamaxareeta somaye.» Qaq nache chegoqchigui de'era, da so Abraham ivira'a da nauochaxaua Ñim Lo'onatac 'Enauacna.

Romanos 4:9

Qalaxaye de'era namaxayec ¿peta'a nachaqnata nam huo'o na na'anaxat na lo'oc huo'otaq nataqa'en nam qaica ca na'anaxashet? Mashe sa'axataqtac da Ñim Lo'onatac 'Enauacna ỹaỹamaxareeta so Abraham, cha'aye somaye huo'o da lpi'iỹaxac Ñimaye.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Salmos 106:31

Qaq ỹoqo'oye Ñim Lo'onatac 'Enauacna ỹalecneua'a dam nalochiguiñi lataxac de'era ỹo'ot somaye, da yaqto' sa icoua'ai na nta'alpi qataq cam chegoxoguetpi namayepi.

Romanos 4:11

Qaq ỹoqta 'eesa da so Abraham qaỹauo'o co'ollaxa so la'anaxat na lo'oc da na'anaxat qanqa'en, qaq damaye ỹachaxan da Ñim Lo'onatac 'Enauacna ỹaconeguet somaye souaxat da huo'o da lpi'iỹaxac. Qaq 'era da 'eetec so Abraham da huo'omshe qoỹanagui da lta'a 'enauac nam huo'o da lpi'iỹaxac Ñim Lo'onatac 'Enauacna, na'aictaxa da saishet da qaỹauo'o ca na'anaxat na lo'oc.

Nehemías 9:8

Cha'aye 'auaỹateeta da ỹataqta 'am pi'iỹa'a, nache 'auo'ot so 'anaỹamaxataxac da 'anaỹamaxate' somaye, nache 'auachaxanapeguem ca chegoxoguetpi somaye da 'aỹa'anem ye na'alhua ye cananeopi, hitiitapi, amorreopi, fereseopi, jebuseopi, gergeseopi. Nache ỹataqta 'aupacchigui da 'ara'aqtac, cha'aye 'am nache 'eetai' da 'aupacchigui naxa na 'ara'aqtacpi.