Génesis 15:2 - La'aqtaqa Ñim Lo'onatac 'Enauacna 2013

^2-3 Qalaxaye so Abram 'enapeco': «'Am Nataxala' qataq Atamnaxala', ¿negue'tom ca naigui da 'auauo'o ca aỹem 'aỹa'anem, ye 'am 'auaỹateeta da qaica ca ỹalec? Qaq cha'aye saishet da 'auauo'o ca ỹalec, nache ñim talec qome 'enauac na ỹalamaxatpi, nacheñi ñim ỹamaxashec Eliezer maye Damasco le'ec.»

Génesis 15:2 Referans Kwoze

Hechos 7:5

Qaq na'aictaxa da somaye hueta'a ne'ena, qalaxaye Ñim Lo'onatac 'Enauacna saishet da ỹashenem da ỹauo'o ca ỹoqta lalamaxat lma'. Qalaxaye ỹachaxanapecot somaye da ỹanem ne'ena 'alhua, qaq da ivita da ileu, qalaq nacheca ca llalaqpi ca talec. Qaq na'aictaxa da se'eso na'a'q so Abraham saxanaxa da huo'o ca llalaqpi.

Génesis 25:21

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Isaías 56:5

nache sanem qome da ỹactec da no'on qaq saq 'ena'am da huo'o ca ñalec qataq aca ñale, qataq namayepi sanem qome da nache 'eetai' da nanettañi na le'enaxatpi na pa'auo aca ỹalamaqte atamnaxaqui qataq nam ipaqtaxanaxatpi, nache sanem qome ca ne'enaxat maye chochaq tatec qataq saishet da qaỹapalaxat.

Proverbios 17:2

Ca nlatac sanqalat ivitta'a da ỹamaqtac ca ñalec maye saỹalaq, qataq camaye ivitta'a da nhuanaua'a na lalamaxatpi na lqaỹañecpi so saỹalaq.

Salmos 127:3

Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

1 Samuel 1:11

nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»

Génesis 44:1

Qaq co'ollaq ime de'era, nache so José ỹamaq so ilotague' so lma', 'eeta': «'Auỹoxoguilo qome na trigo 'enauaque caua lachoxonaxaqui' ne'enaua shiỹaxau', maicheye cam tachiguiiña cam ishet da ỹache', qataq 'auachanguilo qome naua ala'api caua lachoxonaxaqui' aca alom ñi 'oonolec naamaye.

Génesis 43:19

Qaq ỹoqo'oye soomaye co'ollaq mashe ivildeua'a so lasom so nỹec, nache nquiguereua'a som ilotague' so nma' da detaxairapegue' somaye,

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Proverbios 13:12

Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

Génesis 39:9

Qaq ỹoqo'oye ne'ena nỹec qaica ca lỹa 'amaqtaqaic nachaqaỹemta. So ña'aco' qaica ca aỹem illapeguem, qaq nachaq'amta, cha'aye 'am lhua. Qaq ỹoqo'oye, ¡ca 'eeteco' da so'ot ca qauem, qataq da sacho'ot ca ỹasouaxashet Ñim Lo'onatac 'Enauacna!»

Génesis 24:2

Qaq huo'o so na'a'q, nache iỹaxaneuga so ỹataqta ỹa'axaiquiolec som lamaxashecpi, som ilotague' 'enauac so lalamaxatpi somaye, nache 'enapega, 'eeta': «'Auacho'ot na 'arhuaq na itele'eta,

Génesis 14:15

Qaq co'ollaq mashe pe, nache so Abram qataq so nalleppi, ique'elaxat da iloquiaxan so nta'alpi, nache icaatac iviraxatta'a ye Hoba, maye pa'aigue da sheu' ye huaqta'a't nỹecpi ye Damasco,

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Isaías 17:1

Qaỹa'axata'a dam talec qome ye Damasco. Ye Damasco saishet qome da nache 'eetai' da huaqta'a't nỹecpi, yemaye ỹe'eguelaxa qome da 'eeta'am ca lapoosheguem lasogoñi.

Jeremías 49:23

Da na'aqtac da qaỹa'axata'a dam talec qome ye Damasco, 'eeta': «Nam huaqta'a't nỹecpi maye ỹotta'a't naua nañalo ye Hamat qataq ye Arpad, ỹataqta huo'o da la'agaxa cha'aye nvita da qauem la'axaỹaxac. Qaq yeemaye ỹataqta nlaxaguilo da lcolanaxa nache saishet da huo'o ca lle'emaqa'.

Rut 2:6

Nache so ilotague' so deqataxaatacpi 'enapeco': Qomye ara'ara qa'añole nachara aram chegaqa'ague da Moab, aram nnaictague' aso Noemí.