Génesis 15:18 - La'aqtaqa Ñim Lo'onatac 'Enauacna 2013

¹⁸ Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Génesis 15:18 Referans Kwoze

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Génesis 13:15

cha'aye Aỹem, 'am sanem qome 'enauac na 'alhua maye 'aulotalec, qaq nache 'eetai' qome da 'aralamaxat, qataq ca 'am chegoxoguetpi qome.

Isaías 27:12

Qaq que'eca na'a'q Ñim Nataxala' do'onataxan qome, chegoqchiguiña ye tala Éufrates nache ivitta'a so tala ye Egipto, 'eeta'am ca ichegoqtac ana ala ca nañiguishec, qalaxaye qami' Israel le'ecpi qami' qalaỹona't qome, qalaq qaỹacootaua'a ñi 'oonolec da qoñiita.

Nehemías 9:8

Cha'aye 'auaỹateeta da ỹataqta 'am pi'iỹa'a, nache 'auo'ot so 'anaỹamaxataxac da 'anaỹamaxate' somaye, nache 'auachaxanapeguem ca chegoxoguetpi somaye da 'aỹa'anem ye na'alhua ye cananeopi, hitiitapi, amorreopi, fereseopi, jebuseopi, gergeseopi. Nache ỹataqta 'aupacchigui da 'ara'aqtac, cha'aye 'am nache 'eetai' da 'aupacchigui naxa na 'ara'aqtacpi.

Deuteronómio 11:24

Nache 'enauac da qaralamaxache qome ye 'alhuapi maye qauapiilec. Qaq naua loga'te ye qana'alhuai chegoqchiguiña qome ye toolec 'alhua nache ivitta'a ye Líbano, qataq chegoqchiguiña ye tala Éufrates, nache ivitta'a aso auaxai Mediterráneo.

Números 34:5

qataq chegoqchiguiña ye Asmón, nache ivitta'a so la'auaxac ye 'alhua Egipto, nache tachiguiña aso auaxai Mediterráneo.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Jeremías 32:40

Qataq so'ot ca chochaq tatec ñaỹamaxataxac da ñaỹamaxate' namayepi, qataq sanem da ỹa'aqtac da saishet qome da sha'axaneguet da so'otec ca ỹaỹamaqchiguiñi namayepi, qataq ñelaxatchigui da lhuennataxac da yaqto' Aỹem ỹo'oxoreetac, qataq saishet da Aỹem ca'ai.

2 Crónicas 9:26

Qaq so Salomón, ivira'a da ilotague' 'enauac so laỹepi nta'alpi, nache chegoqchiguiña so netaña ye tala Éufrates, nache ivitta'a ye na'alhua so filisteopi, qataq so loga't ye 'alhua Egipto.

Deuteronómio 34:4

Nache Ñim Nataxala', 'eeta': «'Ena nam 'alhua maye sachaxanapeguem co'ollaxa so Abraham, Isaac, qataq so Jacob da yaqto' sanem nam chegoxoguetpi. Qaq 'am sachaxana namaye da 'auallelec, qalaxaye saishet da 'anoxoneua'a qome.»

Éxodo 23:23

So ñale, hua'auta'ague qome na qanqa'aiqui, qataq qami' ỹauegalo ye na'alhua ye amorreopi, hitiitapi, ferezeopi, cananeopi, heveopi qataq ye jebuseopi, yem taỹa'a da ñeqat qome.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

1 Reyes 4:21

Qaq so Salomón, nache ilotague' 'enauac yi'iye 'alhua, chegoqchiguiña ye Éufrates, ivitta'a ye na'alhua so filisteopi, qataq ivitta'a ye loga't ye 'alhua Egipto. Qaq se'eso nta'alpi somayepi, nache irotega co'ollaxa na lachetaqtaxanaxatpi, qataq nache do'onataxaatacot so Salomón, 'enauaque soua na'axa'te co'ollaq ña nca'altauec somaye.

Salmos 105:11

co'ollaq 'eeta': «Aỹem, 'am sanem qome ye 'alhua ye Canaán, yem 'alhua maye taỹa'a da 'aralamaxat.»

Josué 15:4

Qaq huaña ye Amón qataq jec, nache taỹauga so La'auaxac ye Egipto, qaq nache loga't aso Auaxai Mediterráneo. Qaq 'eso so loga'tpi so na'alhuapi maye pa'aỹa'ague da la'añaxa.

Deuteronómio 7:1

Qaq Ñim Nataxala' maye Qanatamnaxala'ai, qom qami' inoxonaqcheteua'alo ye 'alhua maye qami' ỹanema da qaralamaxache, nache qauauañiichigui qome da ỹo'orauec ye ỹotta'a't shiỹaxauapi maye ỹataqta 'amaqtaqaicpi, qataq 'añaxaicpi maye netañalo yeua siete 'aleu', qaq yemayepi nacheye ye: hitiitapi, gergeseopi, amorreopi, cananeopi, ferezeopi, heveopi qataq ye jebuseopi.

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Génesis 35:12

Qaq na 'alhua maye sanem co'ollaxa so Abraham qataq so Isaac, qalaq nataqa'en 'am sanem, qataq ca 'am chegoxoguetpi.»

Génesis 28:4

Qataq 'am ỹanem qome, qataq nataqa'en ca 'am chegoxoguetpi da lchoxonnataxanaxa maye ỹachaxanapeguem co'ollaxa so Abraham, da yaqto' lalamaxat ne'ena 'alhua maye souaqta'a nagui, da 'eeta'am da sachegoxosoqauec, cha'aye Ñimaye ỹachaxanapeguem co'ollaxa so Abraham.»

Éxodo 34:11

Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

Éxodo 6:4

Nataqa'en ñaỹamaxateto co'ollaxa soomaye da sanema ye 'alhua Canaán yem 'alhua maye huo'o so na'a'q da netalec somayepi, 'eeta'am ca shiỹaxaua ỹaqa'a ca chegoqta'ague.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

1 Crónicas 5:9

Qataq hueta'a yem pa'aỹa'ague da nala' lliguisheguem nache ivitta'a so loigue ye toolec 'alhua maye chegoqchiguiña so tala Éufrates, cha'aye som na'atetpi ỹataqta nquictauec da qalota co'ollaq hueta'a ye Galaad.

2 Samuel 23:5

Qaq ỹoqo'oye Ñim Lo'onatac 'Enauacna, qaica naqa'en ca iraxaatapigui' na ỹalaqpi cha'aye Ñimaye aỹem ỹo'otec da qaica ca loga't naỹamaxataxac, ỹataqta ỹaỹamaxatchiguiñi qataq ỹataqta 'eesa. Qataq Ñimaye nañaxat naqa'en da ica'alaxa, qataq ipacchigui naqa'en na sheetapeguecpi.

Génesis 2:14

Qataq so lỹa tala qalaq le'enaxat Tigris, maye nacheso som connegue da nala' lliguisheguem yem 'alhua maye le'enaxat Asiria, qaq so lỹa tala qalaq nacheso so le'enaxat Éufrates.

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

2 Samuel 8:3

Qaq David nataqa'en loxonec co'ollaxa so Hadad Ezer, som llalec so Rejob, maye nta'a ye Soba, co'ollaq somaye taỹa'a da yaqto' ñe'eguelaxaala't ye 'alhua maye sa qaỹapeque ye tala Éufrates.

Hechos 7:5

Qaq na'aictaxa da somaye hueta'a ne'ena, qalaxaye Ñim Lo'onatac 'Enauacna saishet da ỹashenem da ỹauo'o ca ỹoqta lalamaxat lma'. Qalaxaye ỹachaxanapecot somaye da ỹanem ne'ena 'alhua, qaq da ivita da ileu, qalaq nacheca ca llalaqpi ca talec. Qaq na'aictaxa da se'eso na'a'q so Abraham saxanaxa da huo'o ca llalaqpi.

Apocalipsis 9:14

Qaq se'eso na'aqtac 'enapega se'eso namaxashec piguem le'ec maye ỹashettapigui aso lasheere, 'eeta': «'Asore'c qome ñeua cuatro namaxa'she piguem lashe' maye qaicoñettai'salo, huetra'a ye loigue aso tala late'erai le'enaxat Éufrates.»

Éxodo 6:8

Nache qami' sauegalo qome ye 'alhua maye sachaxanapeguem co'olloxocheye so Abraham, Isaac qataq so Jacob. Qaq yemaye nagui qami' sanema da ỹataqta qaralamaxache qarmaye. Aỹem ỹa'aqtac maye Nachaỹem Nataxala'.»

Éxodo 13:11

Ñim Nataxala' qom mashe qami' ỹanaleguete yem na'alhua na Canaán le'ecpi qom ipactelec dam la'aqtac maye qami' ỹanema co'ollaxa qataq soua hua'au' qarta'alli', qaq qom mashe ime da qami' ỹanema que'eca 'alhua,

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

Deuteronómio 12:20

Qaq Ñim Nataxala', qom ivita da nquiguec naqa'en ye qana'alhuai maye qami' ỹachaxanapeguema co'ollaxa, nache da qansheetaique da qollequi ca lapat, nache ishet da qollequi 'enauac ca qansheetaique.

Deuteronómio 19:8

qaq da Ñim Nataxala' maye Qanatamnaxala'ai da ivita da nquigaxatec ye qana'alhuai, qataq qami' imata'ama 'enauac ye 'alhua maye ỹachaxanapecot co'ollaxa so hua'au qarta'ailpi,

2 Crónicas 7:8

Qaq huaña nache so Salomón, qataq 'enauac so Israel le'ecpi, huetoiguilo naqa'en soua siete na'axa'te da ỹo'ot se'eso naponaxac. Qaq nache ỹataqta qalota so shiỹaxauapi so ỹalectaua'a se'eso naponaxac, chegoqchiguiña so ñegueuo ye Jamat, nache ivitta'a so la'auaxac ye Egipto.

2 Crónicas 8:7

Qaq som no'onalec co'ollaxa yi'iye 'alhua hitiitapi, amorreopi, heveopi, ferezeopi, qataq so jebuseopi, som saishet da Israel le'ecpi,

Esdras 4:20

Nataqa'en qailalec da ye Jerusalén huo'o so nta'alpi ỹataqta 'añaxaicpi, ỹoqo'oye ivira'a da ilotague' ye huaqta'a't nỹecpi maye pa'aỹa'ague da avit so tala Éufrates, qataq isheetetac naqa'en aso nsheetenaqte so nta'a yemaye.

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Éxodo 34:24

Nache, Aỹem qome samaqauec 'enauac na ỹotta'a't shiỹaxauapi naua 'aleu', yaqto' qalochiguiñi ca qana'alhuaipi, nache qaica ca anac da namataxaalec, da ivita da qauanaqui da Aỹem qavio'oxoyiñi. Qaq ye 'oonolec vi'i tres qome da Aỹem qauanaiua'a.

Levítico 26:42

Huaña, nache tachigui iuel qome da ñaỹamaxate' co'ollaxa so Jacob, Isaac qataq so Abraham, qataq seuennate yi'iye 'alhua maye sachaxanapeguema co'ollaxa soomaye,

Levítico 26:45

Nacherata da sepagaqchigui qome da ñaỹamaxataxac co'ollaq ñaỹamaxate' so qarta'ailpi, maye ñeqateeguesop co'ollaxa ye Egipto, ỹauaachigui ñaqa'en na lma' naua lỹa't 'aleu' da yaqto' Aỹem Qanatamnaxala'ai. Qaq 'era da ỹa'aqtac, Aỹem Nataxala'.»

Josué 13:3

chegoqchiguiña so la'auaxac Sijor, maye pa'aỹa'ague da yo'oxoñi ye Egipto, nache ivitta'a so loga't ye Ecrón, maye pa'aỹa'ague da sheu', qaq yemaye qoỹeetegacnaxa na'alhua nam Canaán le'ecpi. Qaq yemaye nache netraña yeua cinco nataxala'ate Filistea lashe', qaq yeemaye nache lataxala'ate na lma' ye Gaza, Asdod, Ascalón, Gat qataq ye Ecrón. Nataqa'en ñaq no'onañi ye na'alhua ye aveopi,

1 Reyes 5:1

Qaq so Jirán, maye lta'a so netaña ye Tiro, somaye ỹataqta nauochaxaua co'ollaxa so David, qaq ỹoqo'oye co'ollaq ỹaỹaten da so Salomón qoỹanagui da lo'onataxanaxac so lta'a David, nache ỹamaxa somaye so ltaxaỹaxanaxanecpi.

1 Crónicas 16:16

qataq da naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem co'ollaxa so Isaac,

Jeremías 32:22

Nache 'aỹa'anem na Israel le'ecpi ne'ena 'alhua, maye na huaca lche' qataq na dapic lli'i, ipa'axanec 'eeta'am ca 'etaxat, ipacchigui dam 'auachaxanapeguem co'ollaxa som hua'au lta'alpi namayepi.