Génesis 15:16 - La'aqtaqa Ñim Lo'onatac 'Enauacna 2013

¹⁶ Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Génesis 15:16 Referans Kwoze

1 Reyes 21:26

Qataq ỹataqta qaiqaiga na ỹo'otpi, souaxat da natameetacot na nqolacpi, 'eeta'am nam ỹo'otpi co'ollaxa so amorreopi, maye ỹo'orauec co'ollaxa Ñim Nataxala', ỹauaachigui naqa'en na Israel le'ecpi.

Daniel 8:23

Qaq qom ivita ca loga't da la'añaxac que'ecaua nta'al, qataq qom mashe ỹapacauec da qauem, nache nachaañi qome ca 'oonolec nta'a maye qaica ca iren, qataq ño'oxonnaxaic nache talec qome da no'onataxanaxac.

1 Ts 2:16

Qaq ỹoqo'oye naxa da sauoqtaique da sa'aqtaxanaxam na saq judiopi, da yaqto' ivirauga nataqa'en da qanca'alaxatec, qaq namayepi qomi' sa ỹashenema da shenaqtapeguec. Qaq de'era 'eetec namayepi maiche nquigaxattauec da lasouaxashet. Qaq ỹoqo'oye nagui namayepi talec qome da saqca ca 'ena'am nhuaxanaguec maye chegoqo'ot Ñim Lo'onatac 'Enauacna.

Éxodo 12:40

So Israel le'ecpi ivi' soua cuatrocientos treinta vi'iye da netaña ye Egipto,

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Levítico 18:24

Saishet qome da qauo'oche de'era, cha'aye ỹo'ot da qami' nshepaxa'n. Cha'aye nachera da ishepaxanaqche't da lataxac yi'iye nhuo' le'ecpi maye so'orauec qome,

2 Reyes 21:11

«Qaq cha'aye ñi Manasés, maye nta'a ye Judá, ỹo'ot nam qauemsat, nache ỹataqta napacalec som hua'au amorreopi, qataq ỹo'ot da huo'o naqa'en na lasouaxashetpi na Judá le'ecpi, souaxat nam natamnaxala'pi somaye,

Génesis 10:16

Qaq so Canaán nacheso so chegoxoguet son jebuseopi, amorreopi, gergeseopi,

Génesis 48:21

Qaq ime, nache 'enapega so José, 'eeta': «Aỹem mashe saqaỹaloq da seleu, qalaxaye Ñim Lo'onatac 'Enauacna qami' hueta'agueta qome, qataq ỹo'ot qome da qavi'iguelaqỹa yem na'alhua som hua'au qarta'ailpi.

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 13:4

Qami' qaunoxoñiiuec ne'ena na'a'q maye huetoigui na ca'agoxoic le'enaxat Abib.

Deuteronómio 9:4

Qaq Ñim Nataxala' maye Qanatamnaxala'ai da mashe ỹo'orauec yi'iye shiỹaxauapi, nache saishet qome da 'eeta' da qarhuennataqai: ‹Ñim Nataxala' qomi' ỹanema ne'ena 'alhua souaxat da ỹaỹamaqchiguiñi na so'otaqpi.› 'A'i, saishet qome da qara'aqtaqui de'era, cha'aye Ñim Nataxala' ỹo'orauec yemayepi souaxat da qauem lataxac.

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Salmos 105:43

Qaq 'era da 'eetec Ñim Lo'onatac 'Enauacna, co'ollaq nqatec so lalamaxat nhuo' le'ecpi maye lca'aguishecpi, ỹataqta ỹa'alaqtai' naqa'en da ntonaxac.