Génesis 15:15 - La'aqtaqa Ñim Lo'onatac 'Enauacna 2013

¹⁵ Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi.

Génesis 15:15 Referans Kwoze

Da na'aqtaguec so Job 5:26

Ỹataqta 'avitta'a da 'am ỹa'axaiquiolec, nache 'avira aca 'anhuachiqui, qataq qoneta'am aca naqta ala ca 'auaxa maye ỹataqta ỹeta.

2 Crónicas 34:28

Aỹem 'am sanem qome da 'aulactapiguiñi qom 'aleu, qataq 'aualegoigui ñaqa'en som hua'au 'arta'alpi, yaqto' saishet da 'auauangui qome 'enauac ne'ena lta'araic lchecpi, maye sa'axatta'a da talec ñaqa'en qome ne'ena 'alhua, qataq nam shiỹaxauapi maye netalec namaye.›» Nache so lamaxashecpi so nta'a, ỹe'eguelaq da iroi' de'era la'axaỹaxac so nta'a.

Números 27:13

Qaq qom ime da 'auallelec yemaye, nache 'am 'aleu, nache 'anauane' qome so hua'au 'arta'alpi, 'eeta'am co'ollaxa da 'eetec so 'arqaỹa Aarón,

Daniel 12:13

Qalaxaye 'am Daniel, nache qoqueta qome, choche 'avitta'a cam 'oga't nache 'anmatec, cha'aye caua pa'atrec na'axa'te nache 'anachaañi qome da yaqto' 'auaconeguet ca 'ansheetenaguec.

Hechos 13:36

Qaq 'eesa da so David ỹataqta ỹalaxaguet da ỹo'o't naua ỹamaxaleguete Ñim Lo'onatac 'Enauacna. Qalaxaye co'ollaq ime, nache somaye ileu, nache qailaroigui som hua'au lta'alpi, nache da lo'ocỹaxac nlaguiñi.

Eclesiastés 12:7

Cha'aye qom ime de'era, nache nam lsoche na 'alhua, ỹe'eguelaxaigui ana 'alhua, 'eeta'am da 'eetec co'ollaxa, qaq som saqcha'a nca'alaxa ỹe'egueloqot Ñim Lo'onatac 'Enauacna, maye ỹan co'ollaxa.

Da na'aqtaguec so Job 42:17

Nache so Job ivira'a da ỹataqta ỹa'axaiquiolec co'ollaq ileu.

1 Crónicas 29:28

Qaq somaye co'ollaq ileu, qalaq no'oita da lqueroxo qataq qaỹoqtrec soua vi'iye da nachaalataxac, qataq ỹataqta sallaxanec qataq huo'o da llo'oxoyec. Qaq da lo'onataxanaxac da nta'a, nache talec so llalec Salomón.

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Génesis 49:29

Qaq huo'o so na'a'q, nache so Jacob ỹanem da la'aqtac so llalaqpi, 'eeta': «Aỹem mashe saqaỹaloq da seleu. Qaq no'on da aỹem qaulayiỹoigui qome ñi auac maye naigui ye na'alhua so Efrón som hitiita yaqto' salectaigui yem hua'au ita'alpi,

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Génesis 35:29

Nache jec da ỹalegoigui so hua'au lta'alpi, qaq mashe ỹataqta ỹa'axaiquiolec co'ollaq ileu. Qaq soua llalqa Esaú qataq so Jacob, ilalyiñi co'ollaxa somaye.

Mateo 22:32

«Aỹem maye Nachaỹem Natameetacot so Abraham, Isaac qataq so Jacob.» Qaq saishet da Natameetacot Ñimaye na leuaxaicpi, nachaqnata nam nca'altauecpi, cha'aye Ñimaye 'enauac nca'altauec naqa'en na shiỹaxauapi.

Eclesiastés 6:3

Ca ỹale ishet da ivi' cien ca llalaqpi, qataq qaỹoqtrec naua vi'iye da nachaalataxac, qaq na'aictoxo' da qaỹoqtec da nachaalataxac, qalaxaye da saishet da nque'etaxaachigui da no'on, qataq da saishet da qaỹaỹamaxatchiguiñi aca nhuachiqui, qaq aỹem shenapec da cam nogotolec maye nleuauec da ñeguiñi ỹactec ñaqa'en da ỹaỹamaqchiguiñi, qaq saq 'ena'am que'eca shiỹaxaua.

Salmos 37:37

Ñaq 'aumeten qome ca nalochiguiñi qataq no'on da lataxac, cha'aye no'on ca taỹa'a ca huo'o da l-lagaxayec.

1 Crónicas 23:1

Qaq co'ollaq mashe ỹataqta ỹa'axaiquiolec so David, nache ỹaneuo so llalec Salomón da yaqto' lta'a so Israel le'ecpi,

Génesis 50:13

Ime, nache somayepi ira'a ye 'alhua Canaán, nache ilayiñi ỹachaigui ñi auac maye naigui ye 'alhuolec ye Macpela, yem desheenaxana co'ollaxa so Abraham, ỹachegoxoto'ot so Efrón som hitiita da ỹauotaique lma' na maiche lalamaxat lqatacpi. Yi'iye 'alhua qataq ñi auac pa'aỹa'ague da nala' lliguisheguem ye lma' so Mamre.

Génesis 49:31

Yemaye nache qailareña co'ollaxa so Abraham qataq aso lhua Sara, Isaac qataq aso lhua Rebeca. Qaq yemaye nataqa'en selayiña co'ollaxa aso Lea.

Génesis 23:19

Qaq co'ollaq ime de'era, nache so Abraham ilayiñi aso lhua Sara, ỹachaigui so auac maye naña ye 'alhua Macpela, maye pa'aỹa'ague da nala' lliguisheguem ye lma' so Mamre. Qaq yemaye, nataqa'en qaỹaỹaten da le'enaxat lỹa da Hebrón, maye huaigui ye 'alhua Canaán.

Génesis 23:4

«Aỹem na'aictoxo' da sachegaqauec da qami' soota'agueta, qalaxaye sauotaique da aỹem qaumiñiỹot ca 'alhua da yaqto' lma' na ỹaqatacpi, yaqto' selayiñi ayem ihua maye saqaca.»

Génesis 47:30

Qom ivita da ñematec da yaqto' salegoigui so hua'au ita'alpi, nache aỹem 'anqateeguesop qome na Egipto, nache aỹem 'aulayiña yem huaña aye nhuachiquipi yemayepi.» Nache so José ỹasat, 'eeta': «Aja', so'ot qome dam 'ara'aqtac.»

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Salmos 49:19

qalaxaye huo'o ca na'a'q da ỹe'eguelaxa da ỹalecta'aguet so hua'au lta'alpi, huaña nache saishet da qaltaq nauane' na yo'oqchiguiñi.

Da na'aqtaguec so Job 41:32

Nache no'onañi ana lmallaxai na 'etaxat, qataq ỹapagaq na lcochaxa, chañi 'eeta'am ana napagaxai.