Génesis 15:14 - La'aqtaqa Ñim Lo'onatac 'Enauacna 2013

¹⁴ Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa.

Génesis 15:14 Referans Kwoze

1 Samuel 12:8

Qaq so Jacob co'ollaq inoxoneua'a ye Egipto, nache ye egipciopi ỹataqta sa nañaxaasheguem co'ollaxa so hua'au qarta'ailpi, nache somayepi iỹaxanot co'ollaxa Ñim Nataxala', nache Ñimaye ỹamaq so Moisés qataq so Aarón da yaqto' nqateeguesop ye Egipto, nache ỹanalec ne'ena 'alhua.

Salmos 135:14

Ñim Nataxala' ỹo'otec da ỹaỹamaqchiguiñi na lalamaxat nhuo' le'ecpi, qataq huo'o da lchoxonnataxanaxa na lamaxashecpi.

Josué 24:17

¡Ñim Nataxala', nacheñi Ñim Qanatamnaxala'! Cha'aye Ñimaye nacheñi ñi qomi' nqatrec, qataq so qarta'alpi co'ollaq qomi' nlatacpi huaña ye Egipto. Qataq Ñimaye ỹataqta sauanaqchigui naqa'en da ỹo'ot so lta'araic na'aalaxa, qataq ntela'a qataq npaxattalec da qoyecỹaxac, co'ollaq qolaqchiguingui so ỹotta'a't shiỹaxauapi.

Deuteronómio 6:22

Qataq sauanaqchigui na na'anecpi qataq na lta'araic lchecpi maye ỹo'ot Ñim Nataxala', maye ỹo'otec so lta'a na netaña ye Egipto qataq na llalaqpi somaye.

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

Salmos 135:9

Ñimaye namaxa co'ollaxa na na'anecpi, qataq na ỹo'ot da na'aalaxa som netangui na laiñi ye Egipto, da yaqto' dataỹa'aguet so faraón qataq 'enauac so ltauapi.

Salmos 51:4

Qaq nachaq 'amta da 'am hueto'ot na ỹasouaxashetpi, aja', nachaq 'amta, cha'aye so'ot co'ollaxa na qauemsat, nam sa 'auaỹamaxaren da qaỹo'ot. Qaq ỹoqo'oye naua 'arhuaxanaxanaxaco ỹataqta nalochiyiñi, ỹataqta 'am saqaimaqpec da huo'o ca 'anmit.

Éxodo 3:10

Qaq ỹoqo'oye qojec qome, aỹem, 'am samaxa ñi faraón da yaqto' 'anqateeguesop ye Egipto yem ỹalamaxatpi, maye llalaqpi so Israel.»

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Génesis 48:21

Qaq ime, nache 'enapega so José, 'eeta': «Aỹem mashe saqaỹaloq da seleu, qalaxaye Ñim Lo'onatac 'Enauacna qami' hueta'agueta qome, qataq ỹo'ot qome da qavi'iguelaqỹa yem na'alhua som hua'au qarta'ailpi.

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Éxodo 12:29

Qaq co'ollaq mashe laiñi so pe, nache Ñim Nataxala' ỹalauat 'enauac so la'auaxanec llalec so Egipto le'ecpi, nataqa'en so la'auaxanec llalec so faraón maye taỹa'a da nta'a, qataq so la'auaxanec llalec so ncoñeteguishecpi, nataqa'en so la'auaxanec llalec so shiguiỹacpi.

Hechos 7:7

Qalaxaye Ñim Lo'onatac 'Enauacna nataqa'en 'enapeco': «Aỹem qome sauo'o ca nhuaxanaguec que'eca shiỹaxauapi maye ỹauo'o l-latac camayepi. Qaq qom ime, nache ca'ai que'eca hueta'a. Huaña, nache camayepi Aỹem natamnot da huaña ne'ena 'alhua.»