Génesis 15:13 - La'aqtaqa Ñim Lo'onatac 'Enauacna 2013

¹³ Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Génesis 15:13 Referans Kwoze

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Hechos 7:17

Qaq co'ollaq mashe yaqta'a da ivita so laloqo' da ipacchigui dam ỹachaxanapec Ñim Lo'onatac 'Enauacna co'ollaq ỹanem da la'aqtac so Abraham, nache nam Israel le'ecpi maye netaña ye 'alhua Egipto ỹataqta nquictauec ye lcata.

Gálatas 3:17

Qaq dam sheetega 'eeta': dam ỹachaxanapec co'ollaxa Ñim Lo'onatac 'Enauacna, damaye saishet da naralaxat huo'otaq da qaica naqa'en ca naigui na namaxasoxonaxacpi maye ỹan Ñimaye co'ollaq mashe ivi' soua cuatrocientos treinta vi'iye.

Levítico 19:34

Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Deuteronómio 10:19

Ỹoqo'oye qami' nataqa'en qauauochec qome ca chegaqauec, cha'aye qami' nataqa'en qauachegoqỹauec co'ollaq qoñiitaña ye Egipto.

Éxodo 23:9

Saishet qome da qavi'iñiỹai' ca chegaqauec, cha'aye qami' nataqa'en qauachigoqoỹauec, qauachegoqỹa'a co'ollaxa ye Egipto, cha'aye qami' mashe qauaỹaañi da qanayeetaña ca ỹaqa'a 'alhua.»

Éxodo 22:21

Saishet qome da sa qauyacñiỹapec qataq qavi'iñiỹai' ca chegaqauec, cha'aye qami' nataqa'en qauachegoqỹauec, qauachoqỹa'a co'ollaxa ye Egipto.

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Génesis 47:4

Qaq qomi' ñanaguenaq da sauoqtaique da sonaqaña ne'ena 'alhua, cha'aye ye 'alhua Canaán ỹataqta qalota na nqouaxa, qataq qaica ca 'auaqpi da aloq ana qarelo qaguetapi. Qaq ña qomi' 'anqouagueque 'am nta'a, da qomi' 'auasheetema da sonaqaña ye 'alhua maye huaigui ye Gosén.»

Éxodo 1:13

Ỹoqo'oye somayepi ỹataqta lta'araic naqa'en da nque'eenaxac so Israel llalaqpi da ỹo'onataxanaxan.

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Éxodo 3:10

Qaq ỹoqo'oye qojec qome, aỹem, 'am samaxa ñi faraón da yaqto' 'anqateeguesop ye Egipto yem ỹalamaxatpi, maye llalaqpi so Israel.»

Éxodo 3:17

Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Éxodo 1:14

Qataq qaica ca lamaic naqa'en da nachaalataxac, cha'aye ỹamaxalec da ỹo'ottac na nshaxa qataq na losoc qataq 'enauac na laỹe no'onatacpi maye huauga na nanaxanaqa'pi. Qaq 'era da 'eetec da nlataguec so Israel le'ecpi da ỹataqta sa qaichoxonnai'.

Números 20:15

So hua'au qarta'alpi taỹa co'ollaxa ye Egipto, nache qaỹoqteguelo soua vi'iye da sonaqtaña yemaye, qalaxaye ye Egipto le'ecpi qomi' sa iyacna'ape, 'eeta'am co'ollaxa so hua'au qarta'alpi,