Génesis 15:12 - La'aqtaqa Ñim Lo'onatac 'Enauacna 2013

¹² Qaq co'ollaq mashe napaltapiguiñi, nache so Abram ỹataqta do'ocheta. Qaq saqaỹaloq co'ollaxa da anac so lta'araic napalaxa, nache coleesop somaye, nache somaye ỹataqta ñi'i.

Génesis 15:12 Referans Kwoze

Génesis 2:21

Qaq huaña, nache Ñim Nataxala' ỹasaxalec so lta'araic lo'ochaxa so shiỹaxaua, qaq co'ollaq do'ocheta somaye, nache nqateua'a so 'oonolec lcheshet. Ime, nache qaltaq ỹe'eguelaxatta't na lapat.

Da na'aqtaguec so Job 33:15

Cha'aye huo'o naxa da huaigui da qarchoxonaxac ye pe, qataq huo'o da huaigui naqa'en da qarloxoc da so'ochaqta.

1 Samuel 26:12

Ime, nache maicheso so David da ỹacona aso taquiaxai qataq aso ỹomaxaqui maye na'axaata'agueta so Saúl, nache soomaye je'c. Qalaxaye qaica ca ỹauaneguelo qataq ca nanomalo soomaye, cha'aye 'enauac da do'ocheta somayepi, qataq Ñim Nataxala' nache 'ena'aco' da ỹaguec naqa'en na lo'ochaxa somayepi.

Hechos 20:9

Qaq huo'o so nsoq, le'enaxat Eutico, somaye nso'ootañi netaigui so nalloxoc. Qaq cha'aye so Pablo ỹataqta qaỹoqtec da ltaxaỹaxac, nache somaye huo'o na lo'ochaxa, ivitta'a da ỹataqta lta'araic na lo'ochaxa, nache naañi, chegoqotcheguemec so souaqtasheguema nỹec, nache qaỹacoosop, cha'aye ỹoqta ileu.

Génesis 15:11

Qaq so teguesanpi naỹogoña se'esoua shiguiỹac maye leuaxaiqa. Qalaxaye so Abram ỹo'ottague' somayepi.

Génesis 28:11

Qaq co'ollaq huo'o so ivita 'alhua, nache hua'a somaye da lo'ochaqa' se'eso pe, cha'aye aso nala' mashe inoxooñi. Nache ỹacona da na'axaalec so 'oonolec som coma'pi maye hueta'a yemaye, nache nnaañi da do'oche.