Génesis 15:10 - La'aqtaqa Ñim Lo'onatac 'Enauacna 2013

¹⁰ Nache so Abram iroua'a Ñim Lo'onatac 'Enauacna se'esoua shiguiỹac, qaq ichiguingui na laiñi ñi 'oonolec soomaye. Nache ñi 'oonolec laỹe ỹataxaateguet so lỹa laỹe, qalaxaye saishet da ichiigui na laiñi soua maỹo.

Génesis 15:10 Referans Kwoze

Levítico 1:17

Ime, nache inoxongui na laiñi, ỹauattchiguilo naqa'en naua laua't que'eca qoto', nache ca ntaxaỹaxanaxanec ỹachalec ca 'epaqpi maye 'ettaigui huetalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.»

Génesis 15:17

Qaq co'ollaq mashe pe, qataq napalñi, nache yo'oq aso qatelaxanaxaqui maye nchetapiguisheguem, qataq aso ncoỹaraxanaxaqui 'ettaigui, nache quetapiguingui na laiñi soua shiguiỹac maye qaichiiguilo na laiñi.

2 Timoteo 2:15

Ỹataqta 'ana'añaxato' qome yaqto' 'am ỹaỹamaxareeta Ñim Lo'onatac 'Enauacna, qoneta'am ca no'onataxanaxanec maye ỹataqta qaỹaỹamaxareeta, qataq qaica ca ncoqtaique. Nachaqrata da 'aloteueeguelo naua lataxaco ỹaỹamaqchiyiñi de'era na'aqtac maye 'eesa lataxac.

Génesis 15:9

Nache Ñim Lo'onatac 'Enauacna, 'enapega somaye, 'eeta': «Aỹem 'andoua'a qome aca 'oonole huaca llale, aca 'oonole quetaq, qataq ca qagueta lhuaraic, maye ivi' tres vi'iye ñi 'oonolec, nataqa'en ca 'oonolec 'ollolec, qataq ca 'oonolec llalec na qoto'.»

Génesis 15:11

Qaq so teguesanpi naỹogoña se'esoua shiguiỹac maye leuaxaiqa. Qalaxaye so Abram ỹo'ottague' somayepi.