Génesis 15:1 - La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Génesis 15:1 Referans Kwoze

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Salmos 119:114

Cha'aye nache 'am ñeqañoxotaqa' qataq ipaqtaxanaxat, qataq naua 'ara'aqtaqa ỹataqta sachetaleguete da ñaquitaxac.

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Isaías 41:14

Ñim Nataxala' da la'aqtac, 'eeta': 'Am Israel, maye 'auachegoxoguet so Jacob, na'aictaxa da qaica ca 'ara'amaqchec qataq ca 'ara'añaxac, qalaxaye saishet qome da 'añe'etac, Aỹem 'am setauan qome. Aỹem, maye Aỹem Qui'itta Natamnaxala' na Israel le'ecpi, Aỹem, 'am ñeca'alaxatec.

Lamentaciones 3:24

Qaq aỹem shenapec naxa, da Ñim Nataxala' nachaqñita 'oonolec ñaqa'en, qaq ỹoqo'oye aỹem sepi'iỹa'a Ñimaye.

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Salmos 5:12

cha'aye 'Am Nataxala', 'auchoxoren ca no'on da lataxac, da 'arqouagaxanaqtaic qalaq coleesop 'eeta'am aca npaqtaxanaqte.

Salmos 18:2

'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.

Rut 2:12

¡Qaq Ñim Nataxala', 'am isheeten qome! ¡Ñim Nataxala' maye Natamnaxala' na Israel le'ecpi, maye 'auanaỹa da yaqto' 'am npaxaalec, Ñimaye isheeten qome 'enauac nam 'auo'otpi!

Lucas 1:13

Qalaxaye so namaxashec 'enapeco': –Zacarías, saishet da 'añi'i, cha'aye Ñim Lo'onatac 'Enauacna hua'aqtega da 'anqouagaxaunaxac. Qaq nagui añi 'arhua Elisabet huo'o qome ca llalec. Qaq camaye 'anagui qome da le'enaxat Juan.

Isaías 43:5

Saishet qome da 'añe'etac cha'aye Aỹem 'am soota'aguet. Qaq sachegoxotegue qome da nala' lliguisheguem qataq da nala' lliguiñi da ñe'eguelaxat qataq llaỹona't nam 'am chegoxoguetpi.

Salmos 142:5

'Am Nataxala', 'am seỹaxanot, sheeta': «'Am nache 'am da aỹem 'ampaxattalec, nache 'amta da aỹem qoueta'aguet, da sootalec ana 'alhua maye huetalec na huo'o da lca'alaxa.»

Salmos 3:3

Qalaxaye 'Am Nataxala', qoneta'am aca npaqtaxanaqte da aỹem 'ampaxattalec, qataq nache 'am da 'auo'ot da ỹo'oxoyec, qataq nache 'am da aỹem 'aua'añaqchettac.

Génesis 21:17

Qalaxaye Ñim Lo'onatac 'Enauacna, hua'aqtega co'ollaxa da nnoinaxac so nogotolec, nache so lamaxashec Ñim Lo'onatac 'Enauacna, chemqot na piguem da 'enapega aso Agar, 'eeta': «Agar. ¿Negue't cam qouetapoigui? Saishet qome da 'añi'i, cha'aye Ñim Lo'onatac 'Enauacna, hua'aqtega da nnoinaxac ñi nogotolec yem hueta'a.

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Salmos 58:11

Huaña qome nache na shiỹaxauapi, 'eeta': «Ỹataqta 'eesa da huo'o da nsheetenaguec na no'on da lataxac, cha'aye huo'o Ñim Lo'onatac 'Enauacna maye nmit na huetalec ana 'alhua.»

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Isaías 51:12

«Qaq Aỹem, nachaỹem da 'am sami' da 'ara'añaxac. ¿Qaq negue't qone' ca 'añe'etega? ¿Nachena peta'a nam shiỹaxauapi? ¿Nam shiỹaxauapi maye huo'o ca loga't, 'eeta'am ana huoue?

Salmos 27:1

Ñim Nataxala', nacheñi ñi aỹem icoỹattalec qataq nacheñi ñi ica'alaxaqui, ỹoqo'oye ¿negue'tom ca she'etaique? ye Ñim Nataxala' nacheñi ñi mpaxattalec da ñachaalataxac, ỹoqo'oye ¿negue'tom ca aỹem icolanaqchet?

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Salmos 91:4

cha'aye naua laua't Ñimaye 'am ỹapoleguete qome. Nache da qoueto'oto naamaye, nache ỹataqta 'avi'imaqtac. Qataq da 'eesa lataxac Ñimaye, nachera da 'am ntela'a qataq 'am npaxattalec.

Deuteronómio 31:6

Qaq ỹoqo'oye qana'añaxache, qataq qami' qaramchiguilo qome, saishet da huo'o da qarcolanaqai, qataq saishet da qayi'iitac qom qauataiỹa'aguet yemayepi, cha'aye Ñim Nataxala' maye Qanatamnaxala'ai, qami' hueta'agueta qome qataq saishet da qami' ỹaxaare'c huo'otaq da qami' ỹala't.»

Ezequiel 3:4

Qaq ime, nache qaltaq aỹem 'enapega, 'eeta': «'Asoma 'aua'aqtaxanem na nhuo' Israel le'ecpi, dam ỹa'aqtac maye sanem namayepi.

Isaías 44:2

Aỹem nachaỹem Nataxala' maye 'am so'ot co'ollaxa, 'am so'ot co'ollaq saxanaxa da 'auañiguiñi, qataq 'am setauaatac. Saishet qome da 'añe'etac 'am Jesurún, maye 'auachegoxoguet so Jacob som ỹamaxashec qataq lleca'aguishec,

Isaías 43:1

Qalaxaye 'am Israel, maye 'auachegoxoguet so Jacob, Ñim Nataxala' maye 'am lo'onatac, 'eeta': Saishet qome da 'añe'etac, cha'aye Aỹem 'am ñeca'alaxatec, Aỹem sauo'o co'ollaxa da 'are'enaxat, cha'aye 'am ỹalamaxat.

Isaías 35:4

qataq qoñiỹapega nam colanqaicpi, qoñeeta': «¡Qana'añaxache, saishet qome da qayi'iitac! ¡Cha'aye Ñim Qanatamnaxala'ai mashe anacta da yaqto' qami' nca'alaxatrec qataq ỹauo'o cam 'itchiguiñi nhuaxanaguec na qampa'aguenaxauaipi!»

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

1 Corintios 3:22

na'aictaxa da Pablo, huo'otaq Apolo, huo'otaq Pedro, huo'otaq ana 'alhua, huo'otaq da nca'alaxa, huo'otaq da nleuaxa, huo'otaq naua ñachaataqtaiguilo na'axa'te, huo'otaq ca ñaq natauo, 'enauac namayepi qaralamaxache.

Hechos 10:22

Nache soomaye 'ena'apo': –Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.

Proverbios 30:5

Ñim Nataxala' ỹataqta mpaxattalec ca pi'iỹa'a Ñimaye, qataq 'enauac na la'aqtacpi ỹataqta ỹo'ot da qaỹa'amaqten.

Salmos 84:9

'Am Atamnaxala' maye qomi' 'ampaxattaleguete, ñaq 'anqouaguec da 'anamata'a ñi 'arca'aguishec co'ollaxa da yaqto' nta'a.

1 Samuel 9:9

Qaq cha'aye co'olloxocheye yi'iye Israel, da huo'o naxa nam nshetaique da ichemaxata Ñim Lo'onatac 'Enauacna, nache 'enapec naxa: «Ñeqo'onaxaua'a ñim huo'oi naua l-loxoco», cha'aye nache 'eetec co'ollaxa da qaitaxaỹa nam nagui «na'aqtaxanaxanec».

Ezequiel 11:24

Qaq ime, nache da la'añaxac Ñim Nataxala' aỹem nachalataxaañi, nache aỹem ỹe'eguelaxata ye Babilonia maye hueta'a som laỹepi ncoñeteguishecpi. Qaq de'era nache huaigui so ỹauanaqchec maye aỹem ỹachaxana som saqcha'a la'añaxac Ñim Lo'onatac 'Enauacna. Qaq co'ollaq ime se'eso ỹauanaqchec

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

Ezequiel 1:1

So na'a'q cinco so ca'agoxoic cuatro, so vi'i treinta, nache aỹem Ezequiel sooto'ot na loigue ye tala Quebar, salectaigui so ncoñeteguishecpi. Nache nque'elaxatta da nauatoigui na piguem, nache huo'o so ỹauanaqchec chegoqo'ot Ñim Lo'onatac 'Enauacna.

Mateo 28:5

Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Isaías 44:8

¡Qalaxaye qana'añaxache, saishet da qayi'iitac! 'Era da ỹa'aqtac co'ollaxa soua qaỹoqteguelo vi'iye, qaq qami' nache qami' ỹa'aqtaxanaxanaqa de'era. Qaq ¿peta'a huo'o ca lỹa atamnaxala' ỹaqauga? 'A'i, qaica ca lỹa ñe'eguenaxala', qaica ca sauatton.»

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Génesis 15:2

Qalaxaye so Abram 'enapeco': «'Am Nataxala' qataq Atamnaxala', ¿negue'tom ca naigui da 'auauo'o ca aỹem 'aỹa'anem, ye 'am 'auaỹateeta da qaica ca ỹalec? Qaq cha'aye saishet da 'auauo'o ca ỹalec, nache ñim talec qome 'enauac na ỹalamaxatpi, nacheñi ñim ỹamaxashec Eliezer maye Damasco le'ec.»

Génesis 15:4

Nache Ñim Nataxala' ỹasateguet somaye, 'eeta': «Cam talec qome nam 'aralamaxatpi nacheca ca 'aralamaxat 'aỹa'alec, qaq saishet qome da talec ca ỹaqa'a.»

Génesis 31:7

Qalaxaye ñimaye aỹem ỹatenachet, cha'aye naralaxatta'aguet da lataxac da ỹashiichiỹaxac. Qalaxaye Ñim Lo'onatac 'Enauacna, saishet da ỹashenem ñimaye, da aỹem ỹo'otec ca sa ỹaỹamaxañi.

Números 18:20

Ñim Nataxala' qaltaq 'enapega so Aarón, 'eeta': «Qaq na na'alhua namayepi, qaica qome ca 'am taỹot da 'aralamaxat, qataq saishet da 'anhuanaua'a namayepi. Cha'aye nachaỹem da Aỹem 'aralamaxat, qataq 'am talec qome na seqataxaatapigui' qom 'aualectaigui na Israel le'ecpi.

Números 24:4

nam hua'aqchiguilo naua la'aqtaqa Ñim Lo'onatac 'Enauacna, qataq ila'alo naua lauanaqcheco Ñim Lo'onatac 'Enauacna maye Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

1 Samuel 15:10

Huaña nache Ñim Nataxala' 'enapega so Samuel, 'eeta':

2 Samuel 22:3

Ñim Ñatamnaxala', 'eeta'am ana coma' da aỹem mpaxattalec, qataq ana mpaqtaxanaqte da aỹem mpaxattalec, qataq 'eeta'am ca ỹataqta qaỹoqotcheguema ñeqañoxotaqa', qataq ica'alaxaqui. ¡Qataq aỹem nca'alaxateeguesop da ñecogaxanataguec!

Génesis 22:1

Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

Génesis 22:20

Qaq co'ollaq mashe qaỹoqtegue de'era, nache so Abraham, la'axaỹaxac co'ollaxa da aso Milca nataqa'en huo'oi soua llalqa da deco'oiguet so Najor.

Deuteronómio 18:2

Na leviitapi saishet da 'ena'am na laỹe Israel le'ecpi, maye qaỹauo'o ca lalamaxat na'alhua, cha'aye namayepi lalamaxatpi Ñim Nataxala', qataq maiche la'aqtac co'ollaxa Ñimaye.

2 Reyes 1:15

Nache so lamaxashec Ñim Nataxala' 'enapega so Elías, 'eeta': 'Aunotec qome, nache 'auca'ategue damaye, qataq saishet da 'aye'etega. Nache so Elías huenotec, nache ca'ategue so huataxanaq lta'a, da nqo'ona so nta'a.

Salmos 3:4

Ỹataqta ña'axannec da iỹaxanaxac, da seỹaxanot da aỹem itauan Ñim Nataxala', qaq Ñimaye aỹem ỹasateguet co'ollaq huetasheguema na pa'asheguem añim qui'itta nqasoxonaxa.

Salmos 115:10

Qami' llalaqpi so Aarón, qaupi'iỹa'ai qome Ñim Nataxala', Ñimaye nacheñi ñi qami' itauaata'ape qataq qami' mpaxattaleguete.

Isaías 40:10

Mashe nvi' Nam Nataxala', nactaigui da la'añaxac, qaq na lhuaq huetaigui da la'añaxac da ilo'ogue na lalamaxatpi. Qataq ñe'eguelaxat na lalamaxat nhuo' le'ecpi da ime da nca'alaxatec.

Jeremías 39:17

Qalaxaye Aỹem 'am ñepaxaalec qome, da yaqto' saishet da 'am loxonec ne'ena shiỹaxauapi maye 'aye'etega. Qaq 'era da ỹa'aqtac Aỹem Nataxala'.