Génesis 14:7 - La'aqtaqa Ñim Lo'onatac 'Enauacna 2013

⁷ Qaq co'ollaq ñe'eguelaq so Quedorlaomer, qataq so nnaictague'pi somaye, nache nvira'a ye Enmispat, maye da lỹa le'enaxat Cades. Qaq huaña, nache loxonec 'enauac yem na'alhua so Amalec le'ecpi, qataq nataqa'en som amorreopi maye netaña co'ollaxa ye 'alhua Jasesón Tamar.

Génesis 14:7 Referans Kwoze

2 Crónicas 20:2

huaña nache huo'oi soua ỹauo'o da la'axaỹaxac so Josafat, nache 'eeta': «Chegoqchiguiña ye Edom, yem pa'aitague da le'ego aye Auaxai Leuaxai, nam anacta maye ỹataqta qalota alleppi da 'am iloquiaxan, qaq namayepi mashe nvita ye Jasesón Tamar, maye le'enaxat nagui da Engadí.»

Génesis 20:1

Qaq so Abraham ca'ai co'ollaxa ye netaña, nache nqo'ona ye 'alhua le'enaxat Néguev. Qaq nache naña ye huaqta'a't nỹecpi ye Gerar, maye vichiguinguilo yeua Cades qataq Shur.

Génesis 16:14

Qaq nataqa'en aso mpaxaatasheguem na 'etaxat, ỹanagui da le'enaxat, «Nshere lalamaqte ñim nca'altauec, qataq aỹem ila'a.» Qaq asa'aso nshere ñechiguingui na laiñi yeua Cades qataq ye Bered.

Josué 15:62

qataq Nibesán, yem huaqta'a't nỹecpi maye Touesat, qataq ye Engadí, qaq da ima'a't se'eso huaqta'a't nỹecpi nache ivi' seis, qataq lỹaueegue' nataqa'en so lauoreuapi nma'piolec.

Deuteronómio 1:46

Qaq ỹoqo'oye ỹataqta qaỹoqtegue da qoñiitaña ye 'alhua Cades.»

Deuteronómio 1:19

«Nache salaxasoxoguet da lamaxasoxonaxac Ñim Nataxala' maye Qanatamnaxala', nache qolqa'ai ye Horeb da ñeqo'onaxa aye qasoxonaxapi maye huaigui ye na'alhua na amorreopi. Nache sa'axasoxonaxalec ye ỹataqta qalochiguiñi toolec 'alhua, maye mashe qauauañiỹa qataq seviraqta'a ye Cadés Barnea.

Números 24:20

Qaq ime nache so Balaam ỹamata'a da pa'aigue so Amalec le'ecpi, nache 'eeta': «Ye Amalec le'ecpi, nacheye ye la'auaxanec da 'amaqtaqaicpi 'enauac na laỹe shiỹaxauapi, qalaxaye yemaye taỹa'a da ỹataqta nlachiguiñi qome.»

Números 20:1

Qaq so la'auaxanec ca'agoxoic se'eso vi'i, nache so Israel le'ecpi ivita ye toolec 'alhua ye Zin, nache naña co'ollaxa ye Cades. Qaq nache huaña yemaye da ileu aso María, qaq nache qailareña yemaye.

Números 14:45

Nache huenotec co'ollaxa so amaleciitapi qataq so cananeopi maye netasheguema aso qasoxonaxa, nache le'enec qataq huo'o so ique'emaqchetpi qataq icaatac so Israel le'ecpi, iviraxatta'a ye Jormá.

Números 14:43

Cha'aye de'era qa'aita'ague, hueta'ague ye amaleciitapi qataq ye cananeopi, qami' nauaata'agueta da yaqto' qami' iloquiaxa'n, qataq qami' ỹalaua't. Cha'aye mashe qoquiỹa'ai Ñim Nataxala', nache Ñimaye saishet da qami' hueta'agueta.

Números 13:26

nache soomaye ỹe'eguelaxara ye Cades, yem toolec 'alhua ye Parán. Yem hueta'a so Moisés, Aarón qataq 'enauac so Israel le'ecpi. Nache da'aqtaxaarem somayepi 'enauac da lauanaqchec co'ollaxa soomaye, qataq qaỹachaxan aso ala ana nañiguishe yi'iye 'alhua.

Génesis 36:16

Coré, Gatán qataq so Amalec. Qaq 'enaua naua le'enaqa'ate soua nataxala'ate maye llalqa so Elifaz maye netalec co'ollaxa ye 'alhua Edom, qaq 'enauac somayepi nache chegoxoguet aso Ada.

Génesis 36:12

Qaq so Elifaz, huo'o aso ỹaqauga lhua lỹa le'enaxat Timna, qaq asomaye nache late'e so Amalec. Qaq 'esoua soua chegoxogueta aso Ada, maye lhua lỹa so Esaú.

Ezequiel 47:10

Qaq chegoqchiguiña ye Engadí nache ivira ye Eneglayin da huo'o qome ca ya'acoxoicpi, qataq nache huaña yemaye da iqaxaỹaxat na laleguecpi. Qaq yemaye nache huaña na ỹataqta qalota qataq ỹotta'a't nỹaqpi, 'eeta'am na nỹaqpi maye huetangui aso auaxai Mediterráneo.

Ezequiel 48:28

Qaq ye loga't ye na'alhua so Gad maye dataigue da taguiñi, nache chegoqchiguiña ye Tamar, nache ivira'a añi lapel maye naña ye Meribá Cadés, qataq taalec so la'auaxac ye Egipto, nache iviraxaama aso auaxai Mediterráneo.