Génesis 14:6 - La'aqtaqa Ñim Lo'onatac 'Enauacna 2013

⁶ qaq so horeopi qalaq loxonec co'ollaq huaña aye qasoxonaxapi ye Seir, qataq icaatac co'ollaxa iviraxatta'a ye ca'amegue ye Parán, maye huaqta'ai' yem toolec 'alhua.

Génesis 14:6 Referans Kwoze

Deuteronómio 2:22

Qaq nache 'eetec co'ollaxa Ñim Nataxala' da ỹanem da la'añaxac som chegoxoguetpi so Esaú maye netaña ye Seír da nmatchiguiñi so horeopi da yaqto' nalec yi'iye na'alhua somayepi.

Deuteronómio 2:12

Qaq yi'iye 'alhua Seír, yemaye netalec co'ollaxa so horeopi, qalaxaye so chegoxoguetpi so Esaú, nmatchiguiñi co'ollaxa se'eso horeopi, nache somayepi nalec co'ollaxa da ỹauo'o lalamaxat. Qaq nachera da 'eetec qome na Israel le'ecpi da nalec ye 'alhua maye Ñim Nataxala' ỹanem da lalamaxat namayepi.

Génesis 21:21

Qaq co'ollaq mashe qaỹoqtegue da netaña ye toolec 'alhua ye Parán, nache aso late'e somaye, ỹaronaxanaxaneguet aso 'alo maye Egipto lashe.

Números 13:3

Nache so Moisés ipacchigui da lamaxasoxonaxac Ñim Nataxala' da ỹama'q soua ỹale't, chegoqchiguiña naqa'en ye toolec 'alhua ye Parán, qaq 'enauaque soomaye lataxala' so Israel le'ecpi qataq huo'o naq 'eneque,

Números 12:16

Qaq co'ollaq ime de'era, nache se'eso nhuo' le'ecpi jec, chegoqchiguiña ye Haserot, nache naña ye toolec 'alhua ye Parán.

Habacuc 3:3

Ñim Lo'onatac 'Enauacna, chegoqta'a ye 'alhua Temán; qaq Ñim Qui'itta qalaq chegoqta'a añi qasoxonaxa Parán. Qaq da llo'oxoyec qalaq imattalec 'enauac na piguem, qataq da ño'oxonnataguec nlaqaalec 'enauac ana 'alhua.

Números 10:12

Nache so Israel le'ecpi jec da ca'ai ye toolec 'alhua ye Sinaí. Qaq huaña ye toolec 'alhua ye Parán, nache vi'iiguet se'eso lo'oc.

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Génesis 16:7

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

1 Reyes 11:18

Qaq somayepi chegoqchiguiña ye Madián, nache ivira'a ye Parán, yem huaña co'ollaxa da huo'oi soua ỹaconeua'alo ỹale't da yaqto' huaxaigueta. Qaq co'ollaq ivita ye Egipto, nache taua'a so faraón maye nta'a ye Egipto, nache se'eso nta'a ỹauo'o so lma', qataq ỹanem so aloq, qataq ỹauo'o so na'alhua.