Génesis 14:23 - La'aqtaqa Ñim Lo'onatac 'Enauacna 2013

²³ da aỹem saishet da huo'o ca sacona na 'aralamaxatpi, ivira'a ca lquet ca pela', yaqto' saishet qome da qonapec, da nache 'am da aỹem 'ausallaqchet.

Génesis 14:23 Referans Kwoze

2 Reyes 5:16

Qalaxaye so Eliseo 'enapeco': Qaq cha'aye 'eesa da nca'altauec Ñim Nataxala' maye so'onataxaatacot, da saishet da saconeguet namaye. Qaq na'aictaxa co'ollaxa da so Namán ỹe'eguelaqto'ot so Eliseo, qalaxaye somaye saishet da ỹaconeguet.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

2 Corintios 12:14

Qaq nagui mashe ñaỹamaxattac da qaltaq qami' ñamaqtegalo. Qaq damaye mashe ivi' da tres da she'eguelaxalec da qami' ñeqo'onalo, qalaxaye saishet da qami' seỹaxanoto da aỹem qautauñic aca qo'omi. Cha'aye saishet da nacheca cam ñalaqpi cam laỹona't aca alom da yaqto' itaua'n caua lta'al, maye nachecaua caua nta'al maye iuen da laỹona't aca alom, da yaqto' talec ca llalaqpi. Qaq qami' maye qami' ỹalaqpi.

2 Reyes 5:20

nache so Guejazí, maye lamaxashec so Eliseo, maye la'aqtaxanaxanec Ñim Lo'onatac 'Enauacna, deuennataxaataco', 'eeta': Ñim ỹataxala' choche ỹe'eguelaq naqa'en so Namán, saishet da ỹaconeguet som ndotai'pi somaye. Qaq cha'aye 'eesa da nca'altauec Ñim Nataxala', nache aỹem seca'ategue nagui somaye, saiuena'a da huo'o ca aỹem ỹanem.

1 Reyes 13:8

Qalaxaye so la'aqtaxanaxanec Ñim Lo'onatac 'Enauacna 'enapega so nta'a, 'eeta': Na'aictoxo' da aỹem 'aỹa'anem ca tachiguingui na laiñi nam 'aralamaxatpi, qalaxaye aỹem saishet da 'am seca'ategue, qataq saishet da sachec aca nauole, huo'otaq da ñeỹomgui ca 'etaxat da huaña ne'ena.

Juan 1:27

Na'aictaxa da aỹem hua'auñi da ñevi', qalaxaye damaye ỹataqta ỹactec da la'amaqchec. Na'aictoxo' da choche aỹem l-latac ỹataqta sa yaloua'a.