Génesis 14:22 - La'aqtaqa Ñim Lo'onatac 'Enauacna 2013

²² Qalaxaye so Abram 'enapeco': «Aỹem sanot co'ollaxa so ỹa'aqtac Ñim Nataxala', Ñim Lo'onatac 'Enauacna maye Nataỹaña 'enauacna, ñim ỹo'ot co'ollaxa na piguem qataq ana 'alhua,

Génesis 14:22 Referans Kwoze

Daniel 12:7

Qaq so shiỹaxaua maye ỹaatrañi soua alogo maye chegaqaiguilo na lino, ỹaayeshigue'm naua lhuaxaye ỹachaxanoto na piguem, nache ỹan so la'aqtac ỹachegoxotchigui da le'enaxat Ñim Lo'onatac 'Enauacna maye Nca'altauec, nache, 'eeta': Qom inoxoore'c caua tres y medio vi'iye, qom mashe vi'iiguet da nlaqtaguec da la'añaxac nam nhuo' le'ecpi, huaña qome nache ime de'era.

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

Jueces 11:35

Qaq co'ollaq ila'aguet asomaye, nache ncolaxata'alo soua alogo souaxat da lqaigaxa nache nỹen, nache 'eeta': «¡Aicoue, 'am ỹalole, ỹataqta lta'araic da aỹem 'auo'otec ñiqui'ic! Cha'aye nache 'am maye aỹem 'auo'otec de'era lta'araic ñiqui'ic, souaxat da sanot co'ollaxa so ỹa'aqtac Ñim Nataxala', qaq nagui iuen da sepacchigui da so'ot damaye!»

Deuteronómio 32:40

Aỹem sachaxaayisheguema na piguem naua ihua'q da san da ỹa'aqtac, nache sheeta': ¡Aỹem maye nache sheetai' qaica ca ỹoga't!

Éxodo 6:8

Nache qami' sauegalo qome ye 'alhua maye sachaxanapeguem co'olloxocheye so Abraham, Isaac qataq so Jacob. Qaq yemaye nagui qami' sanema da ỹataqta qaralamaxache qarmaye. Aỹem ỹa'aqtac maye Nachaỹem Nataxala'.»

Hageo 2:8

«Aỹem ỹalamaxat na lcat plata qataq na oro.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Génesis 21:33

Qaq huaña ye Berseba, nache so Abraham ỹaañi aso qo'oipaq le'enaxat tamarisco, qaq nache huaña da iỹaxaatega da le'enaxat Ñim Nataxala', Ñim Lo'onatac 'Enauacna maye chochaq tatec.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 14:21

Qaq huaña nache so nta'a ye Sodoma 'enapega so Abram, 'eeta': «Aỹem 'aỹa'anem qome na shiỹaxauapi, nache 'ano'ona'aguet na nogoxoshetpi.»

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

2 Reyes 5:16

Qalaxaye so Eliseo 'enapeco': Qaq cha'aye 'eesa da nca'altauec Ñim Nataxala' maye so'onataxaatacot, da saishet da saconeguet namaye. Qaq na'aictaxa co'ollaxa da so Namán ỹe'eguelaqto'ot so Eliseo, qalaxaye somaye saishet da ỹaconeguet.

Salmos 144:8

cha'aye namayepi da detaqa qalaq saq 'e'n naua la'aqtaqa, qataq da ỹachaxaasheguem na lhuaq aloiguishec, qalaq saishet da 'en ca 'enapec.

Salmos 144:11

Ñaq aỹem 'anca'alaxatec qome, qataq aỹem 'anca'alaxateeguesop da la'añaxac na chegaqauec shiỹaxauapi, cha'aye da detaqa qalaq saq 'e'n naua la'aqtaqa, qataq da ỹachaxaasheguem na lhuaq aloiguishec qalaq saq 'en ca 'enapec.

Deuteronómio 10:14

Cha'aye Ñim Nataxala' maye Qanatamnaxala'ai, lalamaxat na npa'aguiñi, qataq na ỹoqta pa'asheguem na piguem, qataq ana 'alhua qataq 'enauac na huetalec anamaye.

2 Samuel 2:5

nache so David ỹamaxalo soua la'aqtaxanaxanaqa so netaña ye Jabés da da'aqtaxanem da la'aqtac somaye, 'eeta': «Ñim Nataxala' qami' taleguete naqa'en qome ca lchoxonnataxanaxa, souaxat da qauaỹamaxachiichiguiñi da qaulayiiñi ye Saúl maye qarataxala'ai co'ollaxa.

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.