Génesis 14:19 - La'aqtaqa Ñim Lo'onatac 'Enauacna 2013

¹⁹ nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Génesis 14:19 Referans Kwoze

Génesis 14:22

Qalaxaye so Abram 'enapeco': «Aỹem sanot co'ollaxa so ỹa'aqtac Ñim Nataxala', Ñim Lo'onatac 'Enauacna maye Nataỹaña 'enauacna, ñim ỹo'ot co'ollaxa na piguem qataq ana 'alhua,

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

Rut 3:10

Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

Hechos 16:17

Qaq asa'aso qa'añole, nache ca'attapiguiñi' so Pablo, nataqa'en qomi'. Nache ỹa'alaqtai', 'eeta': –Ne'enaua ỹale't, naamaye do'onataxaatacoto Ñim Lo'onatac 'Enauacna maye 'amaqtaqaic. Qaq naamaye qami' da'aqtaxaateguema da Ñim Lo'onatac 'Enauacna ishet da qami' nca'alaxatre'c.

Lucas 10:21

Huaña, nache So Saqcha'a Na'añaxac Qui'itta ỹo'ot da ntonapigui' So Jesús, nache Somaye 'enapeco': «'Am Ita'a maye 'aulotague' na piguem qataq ana 'alhua 'am sanot da ỹo'oxonnataxanaxac, cha'aye 'auachaxana de'era na ñaqpiolec qaltaq nam 'ena'am namayepi. Qalaxaye saishet da 'auachaxana na lta'araic da lauattonaxanaxac, qataq ỹaanaxanaxaicpi, cha'aye nachera dam maiche 'arhuennataxac 'am Ito'olec.»

Miqueas 6:6

¿Negue'tom ca sachetauo qom ñeqo'oneua'a Ñim Nataxala', qataq da sho'oxoren Ñim Lo'onatac 'Enauacna maye neto'ot na piguem? ¿Peta'a sachetauo ca huaca llalec maye mashe ivi' 'oonolec vi'i, da yaqto' sanot da ỹachetaqtaxanaxat qaỹavigaxatta?

Salmos 115:16

Ñim Nataxala' lalamaxat na piguem, qalaxaye ana 'alhua ỹanem na shiỹaxauapi.

2 Samuel 2:5

nache so David ỹamaxalo soua la'aqtaxanaxanaqa so netaña ye Jabés da da'aqtaxanem da la'aqtac somaye, 'eeta': «Ñim Nataxala' qami' taleguete naqa'en qome ca lchoxonnataxanaxa, souaxat da qauaỹamaxachiichiguiñi da qaulayiiñi ye Saúl maye qarataxala'ai co'ollaxa.

Génesis 49:28

Qaq 'esoua soua doce llalqa so Israel, qaq 'era da la'aqtac so lta'a co'ollaq ỹanem ñi 'oonolec soomaye da lchoxonnataxanaxa.

Génesis 47:10

Qaq co'ollaq ime de'era, nache so Jacob ncoyeguene' so faraón, nache jec.

Génesis 47:7

Qaq so José nataqa'en ỹauegueuo co'ollaxa so lta'a Jacob, da yaqto' nauane' naqa'en so faraón. Qaq so Jacob co'ollaq iquin so faraón, nache ỹataqta huo'o naq 'enec naqa'en.

Génesis 27:4

Qaq ime qome, nache 'auo'ot ca 'arhuoshec, ỹataqta ama 'anqa'en, cam ỹataqta ñaman naxa, nache aỹem 'andoua'a qome da sachec. Qaq nache huaña qome da 'am sanem da ichoxonnataxanaxa, nagui da saxanaxa da seleu.»

Marcos 10:16

Nache So Jesús naueguela't so ñaqpiolec da nsoqtauo, qataq ỹashel-lec somayepi, nache ỹaalec da no'on la'aqtac.

Salmos 50:10

cha'aye maiche ỹalamaxat 'enauac na shiguiỹacpi maye huauec, qataq na shiguiỹacpi maye huetalec ana lcomaraxalatepi.

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

1 Samuel 15:13

Nache so Samuel nqo'ona ye hueta'a so Saúl, nache so Saúl 'enapego' somaye, 'eeta': Ñim Nataxala' 'am ỹanem qome da 'anqouagaxa. Aỹem mashe sepacchigui da so'ot da lamaxasoxonaxac Ñim Nataxala'.

Deuteronómio 10:14

Cha'aye Ñim Nataxala' maye Qanatamnaxala'ai, lalamaxat na npa'aguiñi, qataq na ỹoqta pa'asheguem na piguem, qataq ana 'alhua qataq 'enauac na huetalec anamaye.

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

2 Crónicas 31:8

Qaq so Ezequías qataq so nataxala'pi maye ltauapi, co'ollaq ivi' nache ilalec so nogoxoshetpi maye qalapootacpi, nache ỹanot da na'achecỹaxac Ñim Nataxala', qataq talec naqa'en da no'on la'aqtac so nhuo' Israel le'ecpi.

Salmos 115:15

Qami' ỹanema qome da lchoxonnataxanaxa, Ñim Nataxala' maye lo'onatac na piguem qataq ana 'alhua.