Génesis 14:18 - La'aqtaqa Ñim Lo'onatac 'Enauacna 2013

¹⁸ Qaq nataqa'en so Melquisedec som nta'a ye Salén, qataq ntaxaỹaxanaxanec da qaitaxaỹapegue' Ñim Lo'onatac 'Enauacna maye Nataỹaña 'Enauacna, somaye ỹacona aso nauole qataq so lataxa,

Génesis 14:18 Referans Kwoze

Hebreos 6:20

Ỹo'ot de'era, da yaqto' qomi' huesochiyiñi da qolaxague so nqa'aic maye taỹaua'a Ñim Lo'onatac 'Enauacna, cha'aye So Cristo nacheso som chochaq tatec da Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'eeta'am da lataxac so Melquisedec.

Salmos 110:4

Ñim Nataxala' mashe ỹan co'ollaxa so la'aqtac, qaq saishet qome da ỹe'eguelaxa da ntogottac, «Da 'am, nache 'eetai' qome da 'am ntaxaỹaxanaxanec, nache qoneta'am da lataxac so Melquisedec.»

Hebreos 5:6

Huo'o na laỹepi nanettalec ana nere maye huetalec na la'aqtacpi Ñim Lo'onatac 'Enauacna da 'eeta': «'Am chochaq tatec da 'am lataxala' na ntaxaỹaxanaxanecpi da qaitaxaỹapegue' Aỹem, qoneta'am da lataxac so Melquisedec.»

Hebreos 5:10

Ỹoqo'oye Ñim Lo'onatac 'Enauacna ỹanagui So Jesús da Lataxala' nam Ntaxaỹaxanaxanecpi da qaitaxaỹapegue' Ñimaye, 'eeta'am da lataxac co'ollaxa so Melquisedec.

Salmos 76:2

Qaq ye Jerusalén nache naña añi atamnaxaqui maye lalamaqte Ñimaye, yem lanataqa' maye naña ye Sión.

Hechos 16:17

Qaq asa'aso qa'añole, nache ca'attapiguiñi' so Pablo, nataqa'en qomi'. Nache ỹa'alaqtai', 'eeta': –Ne'enaua ỹale't, naamaye do'onataxaatacoto Ñim Lo'onatac 'Enauacna maye 'amaqtaqaic. Qaq naamaye qami' da'aqtaxaateguema da Ñim Lo'onatac 'Enauacna ishet da qami' nca'alaxatre'c.

Salmos 57:2

Aỹem ñachoxonnot Ñim Lo'onatac 'Enauacna maye Nataỹaña 'enauacna, Ñim Lo'onatac 'Enauacna maye aỹem itauaatac naxa.

Salmos 7:17

Aỹem qalaq sho'oxoren Ñim Nataxala', cha'aye Ñimaye nalochiyiñi da lataxac naua ỹo'o't, qataq so'on da le'enaxat Ñim Nataxala', maye Nataỹaña 'enauacna.

Rut 3:10

Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

Gálatas 6:10

Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.

Hechos 7:48

Qaq na'aictaxa da Ñimaye maye 'amaqtaqaic saishet da netaigui ca choche lo'onatac nỹec ca shiỹaxaua. Cha'aye nache 'enapec naua nanettrañi la'aqtaqa som la'aqtaxanaxanec, maye 'eeta':

Miqueas 6:6

¿Negue'tom ca sachetauo qom ñeqo'oneua'a Ñim Nataxala', qataq da sho'oxoren Ñim Lo'onatac 'Enauacna maye neto'ot na piguem? ¿Peta'a sachetauo ca huaca llalec maye mashe ivi' 'oonolec vi'i, da yaqto' sanot da ỹachetaqtaxanaxat qaỹavigaxatta?

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

2 Samuel 2:5

nache so David ỹamaxalo soua la'aqtaxanaxanaqa so netaña ye Jabés da da'aqtaxanem da la'aqtac somaye, 'eeta': «Ñim Nataxala' qami' taleguete naqa'en qome ca lchoxonnataxanaxa, souaxat da qauaỹamaxachiichiguiñi da qaulayiiñi ye Saúl maye qarataxala'ai co'ollaxa.

Hebreos 7:1

Se'eso Melquisedec, somaye nacheso so lta'a nam netaña ye nỹecpi ye Salén qataq ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna maye 'amaqtaqaic. Qaq so Abraham co'ollaq mashe ñe'eguelaq, chegoqta'a so alaataxac maye huaigui co'ollaq ỹalaua't soua nta'al, nache so Melquisedec ca'ata'aguet somaye da yaqto' ỹaconeguet qataq ỹaalec so no'on la'aqtac.

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

Números 18:28

Qaq de'era 'eetec na Israel le'ecpi, da ỹanem na leviitapi ana ndiezmo, nache 'eetec nataqa'en na leviitapi da iỹotauga nam Aỹem ỹanot, nache ỹanem so ntaxaỹaxanaxanec Aarón.

Números 24:16

da la'aqtaxanaxac nam hua'axaỹalo naua la'aqtaqa Ñim Lo'onatac 'Enauacna, qataq ỹaỹate'n naua lhuennataxaco Ñim Nataỹaña 'enauacna, nam ỹauan na nauanaqchecpi maye chegoqo'ot Ñim Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

Salmos 76:3

Qaq nache huaña yemaye da ỹacagaxachigui aso checnapi, checnecpi, npaqtaxanaqtepi, ỹeelonecpi, qataq 'enauac so no'ogoxonaxatpi.

Daniel 4:31

Qaq co'ollaq ñaq detaqtac so nta'a, nache qaỹa'axaỹa so na'aqtac chemqot na piguem, 'eeta': «'Am nta'a Nabucodonosor, ña 'ana'axaỹaxana de'era. Da 'aro'onataxanaxac, damaye mashe saishet da 'aralamaxat,