Génesis 14:16 - La'aqtaqa Ñim Lo'onatac 'Enauacna 2013

¹⁶ nache deuotaxanec 'enauac som ỹache co'ollaxa somayepi. Qaq 'era da 'eetec so Abram da nca'alaxatec co'ollaxa so lasoshec Lot, qataq ñe'eguelaxaala't 'enauac so lalamaxatpi somaye. Qaq nataqa'en nca'alaxatec so 'alpi qataq so laỹepi shiỹaxauapi.

Génesis 14:16 Referans Kwoze

1 Samuel 30:8

Nache so David nnate' Ñim Nataxala', 'eeta': ¿Peta'a secanapec se'eso cachaxaicpi? ¿Peta'a ishet da sevi'? Nache Ñim Nataxala', 'enapeco': Aja' 'aucanapec, cha'aye ishet da 'avi' nache ỹoltaq 'añe'eguelaxaala't qome so loxonecpi somayepi.

Isaías 41:2

¿Negue't cam ỹo'ot co'ollaxa da anac da chegoxogue da nala' lliguisheguem, ñim nta'a maye saqỹet naxa da dauegaxan? ¿Negue't ca ỹaneguet ñimaye nam ỹotta'a't shiỹaxauapi, qataq ỹo'ot da na nta'alpi qaica ca la'amaqchec, da yaqto' irolec na lainec qataq na lchecnec da ilaxachigui qataq ilagaxattac 'eeta'am na 'auaqpi?

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 14:14

Qaq so Abram co'ollaq ỹaỹaten da so lasoshec noxonec, nache laỹona't co'ollaxa so lalamaxat l-latacpi maye lañoqo' so lma' somaye. Qaq somayepi ivi' trescientos dieciocho ye lcata. Nache so Abram lỹatec co'ollaxa somayepi da icaalec se'eso nta'alpi, nache iviraxatta'a ye Dan.

Génesis 50:7

Nache so José jec da ilayiñi so lta'a, nache nnaicapegue' 'enauac so ltauapi maye huo'o naq 'enec maye hueta'a so lma' lta'araic so faraón qataq 'enauac ye 'alhua Egipto.