Génesis 14:13 - La'aqtaqa Ñim Lo'onatac 'Enauacna 2013

¹³ Qalaxaye huo'o so ỹale maye qoỹet co'ollaxa, somaye da'aqtaxanem co'ollaxa 'enauac de'era so Abram som hebreo le'ec, maye netaña yem huaña aso qo'oipaqpi le'enaxat encina, maye lalamaxat so Mamre, som amorreo le'ec. Qaq so Mamre nache lqaỹa so Escol, qataq so Aner, qaq soomaye nache huaqtapeegueta naxa so Abram.

Génesis 14:13 Referans Kwoze

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

Génesis 14:24

Aỹem saishet da huo'o ca sacona, nachaqsota som mashe chec nam ñalleppi. Qalaxaye nachenauate' naua ñenaictapegueto, Aner, Escol, qataq Mamre, naamaye huo'o qome ca ỹocona.»

Génesis 40:15

Cha'aye aỹem choche aỹem qaicachiỹa co'ollaxa, aỹem qaỹachegoxotchiguiña ye na'alhua na hebreopi, qaq ne'ena soota'a qaica ca so'ot saỹaỹamaxañi da yaqto' aỹem qoỹaataigui ana ncoñetaxanaxaqui.»

Filipenses 2:5

Qataq nataqa'en qoñiita'am qome da lataxac da lhuennataxac So Cristo Jesús:

2 Corintios 11:22

Namayepi da huo'otaq hebreo le'ecpi, nache nataqa'en aỹem. Qataq namayepi da Israel le'ecpi, nache nataqa'en aỹem. Qataq namayepi da chegoxoguet so Abraham, nache nataqa'en aỹem.

Jonás 1:9

Nache so Jonás, 'enapeco': «Aỹem hebreo le'ec, qaq huo'o naq 'enec ñaqa'en Ñim Nataxala', maye lo'onatac na piguem, auaxai qataq ana 'alhua.»

Da na'aqtaguec so Job 1:15

Nache nque'elaxatta da nvi' so sabeopi, nache decachiỹa so 'ana'atetpi, qataq ỹalauat so ỹaỹepi. Qaq nachaỹemta da aỹem qoỹet, nache ñanac da 'am sa'aqtaxanem.»

1 Samuel 4:12

Qalaxaye se'eso na'a'q huo'o so 'oonolec som chegoxoguetpi so Benjamín, somaye chegoqtoigui so alaataxac da qoỹet, nache ỹataqta naloxo nache choche ivitta'a ye Silo. Qaq somaye ỹataqta colaqta'ape soua alogo, qataq na lqaic nlaqchigui nataqa'en na 'alhua.

Números 21:21

So Israel le'ecpi huo'oi soua lamaxa'she da ỹamaxa so la'aqtac so Sijón maye lta'a so amorreopi, 'eeta':

Éxodo 2:11

Qaq huo'o so na'a'q co'ollaq so Moisés ivita da mashe ỹe, nache nqo'ona ye netaña so lalamaxat lqaỹañecpi, huaña nache ilalec da ỹataqta qaica ca nyacnataguec souaxat da nlataguec. Ime qataq ỹauaachigui so Egipto le'ec da iuaxaatac so hebreo le'ec maye lauo' le'ec somaye.

Éxodo 2:6

Nache aso llale so faraón co'ollaq ỹauaañigui aso npaqtole, nache ilaña so nogotolec nỹeetac. Nache ỹataqta huo'o da lchoxonnataxanaxa, nache 'enapeco': «Ne'ena nogotolec, namaye llalec na hebreo le'ecpi.»

Génesis 43:32

Nache qanỹoxosheguem so aloq so José, qalaq ỹaqauga qanqa'en so lquia'axala', qataq soua llalqa so Jacob ỹaqauga qanqa'en so lquia'axala', qataq so Egipto le'ecpi maye lquia'axaua so José nataqa'en ỹaqauga qanqa'en so lquia'axala', cha'aye na Egipto le'ecpi deqaiga da lquia'axaua na hebreopi.

Génesis 41:12

Qaq co'ollaq sonaqtaigui añi ncoñetaxanaxaqui, nache qomi' ỹalectaiguilo so nsoqolec hebreo, somaye l-latac som lataxala' na 'am nauaatalecpi naxa. Nache qomi' sa'aqtaxanaxam somaye soua qarchoxonaxaco, nache somaye qomi' ỹa'axatema so naigui.

Génesis 10:16

Qaq so Canaán nacheso so chegoxoguet son jebuseopi, amorreopi, gergeseopi,

Génesis 39:14

nache asomaye iỹaxaneuga so namaxashecpi maye hueta'a se'eso nma', nache 'enapego', 'eeta': «Ña qauloỹa som hebreo maye nauegueuo so ihua, somaye anac da qomi' ỹi'inai'salo. Somaye aỹem nnoxoneua'a, nache huotaique da aỹem lauañi', qalaxaye aỹem ña'axannec da ỹa'alaxac.

Génesis 18:1

Ñim Nataxala' nachaxana so Abraham co'ollaq huaña yem lma' ana qo'oipaqpi le'enaxat encina maye lma' so Mamre. Qaq so Abraham co'ollaq nso'ootañi netaña so lasom so lpe'l, se'eso na'a'q laiñi,

Génesis 21:27

Qaq huaña, nache so Abraham ỹaconeua'a aso lalo qaguetapi, qataq aso huacapi, nache ỹanem so Abimelec. Qaq nacheso se'eso na'a'q da soomaye ỹo'o't som naỹamaxataxa'c.

Génesis 21:32

Qaq co'ollaq ime se'eso aỹamaxataxac maye huaña ye Berseba, nache so Abimelec qataq so Ficol, ỹe'eguelaxalo yem na'alhua na filisteopi.

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Números 13:23

Qaq co'ollaq ivitalo so la'auaxac ye Escol, nache soomaye icheguerec aso lcoue maye netagui ana ala ana uva, nache ỹo'o't so 'epaq da yaqto' lachoxola' da qaỹache, nache dos ỹale't soua nallaguishe'n asomaye, nataqa'en qaỹache aso granada qataq higos.

Jeremías 34:9

Se'eso aỹamaxataxac nanettalec da 'enauac na huo'o na l-latac huo'otaq l-lata maiche hebreo le'ec, iuen da ỹaxanec, yaqto' qaica ca huo'o ca l-latac na maiche lauo' le'ecpi.

Génesis 21:24

Nache so Abraham, 'enapeco': «Aja', aỹem sanot da ỹa'aqtac Ñim Lo'onatac 'Enauacna.»

1 Samuel 29:3

Nache so lataxala'pi so filisteopi inato' so Aquis, 'eeta': Qaq ne'ena hebreopi ¿Negue't ca ỹo'ottac da ỹalectauopi? Nache so Aquis, 'enapeco': Ne'ena, nachena na David, maye ltaua caillaye so Saúl, som nta'a ye Israel. Qalaxaye namaye mashe napacalec so 'oonolec vi'i da aỹem do'onataxaatacot, qaq chegoqta'a so na'a'q co'ollaq aỹem no'ot, da qaica ca ỹasouaxat, choche ivitta'a nagui.