Génesis 14:12 - La'aqtaqa Ñim Lo'onatac 'Enauacna 2013

¹² Qaq nataqa'en ỹaconeua'a co'ollaxa so Lot, som lasoshec so Abram maye netaña ye Sodoma, qataq nataqa'en ỹacona so no'on logoxoshetpi somaye, ime, nache jec.

Génesis 14:12 Referans Kwoze

Génesis 12:5

Qaq somaye ỹauec co'ollaxa aso lhua Saraí, qataq so lasoshec Lot. Qataq ỹache 'enauac so logoxoshetpi qataq ỹauec so l-latacpi maye ỹachegoxotaña ye Jarán. Qaq co'ollaq ivita ye Canaán,

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Génesis 11:27

Qaq 'ana ana le'enaxat lmalate som chegoxoguetpi som Téraj, som lta'a so Abram, Najor qataq so Jarán. Qaq so Jarán, nacheso so lta'a so Lot.

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Da na'aqtaguec so Job 9:23

Qaq da nque'elaxatta da qanayeuaigui ca napiina maye dalaataxanapec, nache Ñimaye choche ỹe'eetac da nque'eenaxac na qaica ca ỹasouaxat.

Números 16:26

Nache so Moisés 'enapega 'enauac se'eso laỹoota'a't shiỹaxauapi, 'eeta': Qoquiỹa'aisalo naua lpele'ete ne'enaua na'amqaanaxaiqa shiỹaxau', qataq saishet da huo'o ca qauacoñiỹa na lalamaxat logoxoshetpi, yaqto' saishet da qaullivi souaxat na lasouaxashetpi naamaye.

Génesis 14:11

Qaq som doxonaxanpi, qalaq nache ỹacona co'ollaxa 'enauac so nallec, qataq so no'on nogoxoshetpi ye Sodoma qataq ye Gomorra, ime, qaq jec.

Génesis 14:14

Qaq so Abram co'ollaq ỹaỹaten da so lasoshec noxonec, nache laỹona't co'ollaxa so lalamaxat l-latacpi maye lañoqo' so lma' somaye. Qaq somayepi ivi' trescientos dieciocho ye lcata. Nache so Abram lỹatec co'ollaxa somayepi da icaalec se'eso nta'alpi, nache iviraxatta'a ye Dan.

Génesis 14:16

nache deuotaxanec 'enauac som ỹache co'ollaxa somayepi. Qaq 'era da 'eetec so Abram da nca'alaxatec co'ollaxa so lasoshec Lot, qataq ñe'eguelaxaala't 'enauac so lalamaxatpi somaye. Qaq nataqa'en nca'alaxatec so 'alpi qataq so laỹepi shiỹaxauapi.

Génesis 11:31

Qaq so Téraj, qalaq ca'ai co'ollaxa ye Ur, yem lma' na Caldeopi, da yaqto' nqo'ona ye 'alhua Canaán, qaq somaye ỹauec co'ollaxa so llalec Abram, qataq so laual Lot, qataq aso late Saraí. Qalaxaye co'ollaq ivitra ye 'alhua Jarán, nache neraña yemaye.