Génesis 14:11 - La'aqtaqa Ñim Lo'onatac 'Enauacna 2013

¹¹ Qaq som doxonaxanpi, qalaq nache ỹacona co'ollaxa 'enauac so nallec, qataq so no'on nogoxoshetpi ye Sodoma qataq ye Gomorra, ime, qaq jec.

Génesis 14:11 Referans Kwoze

Génesis 14:21

Qaq huaña nache so nta'a ye Sodoma 'enapega so Abram, 'eeta': «Aỹem 'aỹa'anem qome na shiỹaxauapi, nache 'ano'ona'aguet na nogoxoshetpi.»

Génesis 14:16

nache deuotaxanec 'enauac som ỹache co'ollaxa somayepi. Qaq 'era da 'eetec so Abram da nca'alaxatec co'ollaxa so lasoshec Lot, qataq ñe'eguelaxaala't 'enauac so lalamaxatpi somaye. Qaq nataqa'en nca'alaxatec so 'alpi qataq so laỹepi shiỹaxauapi.

Deuteronómio 28:51

Qaq camayepi chec qome ca llalec ca 'arelopi, qataq ca ala ca 'añiguishecpi ivitta'a da 'am ỹachoxoren. Qataq qaica ca no'onañi naqa'en ca ala ca trigo, lataxa, aceite, qataq ca llalec aca 'arelo huacapi, qataq aca qaguetapi, nache 'am ỹalaua't qome na 'arqouaxa.

Deuteronómio 28:35

Qataq Ñim Nataxala' ỹo'ot qome da 'am ique'eten aca 'ara'agotaqtepi naua 'arllecte, qataq naua 'archel, qataq 'enauac da 'aro'ocỹaxac icorelec ca nhuetaxanaxa maye qaica ca lata'.

Deuteronómio 28:31

Qataq da qaỹalauat ca 'arelo huaca, nache 'auauaachigui qanqa'en, qalaxaye saishet da qollec ca lapat camaye. Qataq 'auauaachigui qome da qaiuotaxanec ca 'arelo 'ashena, qalaxaye saishet da 'am qaỹe'eguelaxatot, qataq aca 'arelo qagueta da ỹacona ca 'ampa'aguenaxauapi, qalaq qaica ca 'am itauan da yaqto' 'am ỹe'eguelaxatot.

Génesis 12:5

Qaq somaye ỹauec co'ollaxa aso lhua Saraí, qataq so lasoshec Lot. Qataq ỹache 'enauac so logoxoshetpi qataq ỹauec so l-latacpi maye ỹachegoxotaña ye Jarán. Qaq co'ollaq ivita ye Canaán,

Génesis 14:10

Qaq so ca'amegue ye Sidín, huo'o co'ollaxa aso lchequepi nlaqchigui na 'eco' qo'oipaq lcha'q, ỹoqo'oye soua nta'al ye Sodoma qataq ye Gomorra co'ollaq datarec, nache tarengui asa'aso lchequepi. Qaq so laỹepi qalaq datauec co'ollaxa, taỹa aso qasoxonaxa.

Génesis 14:12

Qaq nataqa'en ỹaconeua'a co'ollaxa so Lot, som lasoshec so Abram maye netaña ye Sodoma, qataq nataqa'en ỹacona so no'on logoxoshetpi somaye, ime, nache jec.