Génesis 13:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye 'ena nam 'alhua, qaq maicheye cam 'alca'aua'a. Qaq no'on da aỹem qoca'ai. Da 'aigue da shiu', nache aỹem saigue da taguiñi. Qaq da 'aigue da taguiñi, nache aỹem saigue da shiu'.»

Génesis 13:9 Referans Kwoze

Hebreos 12:14

No'on da ỹataqta qanpogoxoiñiỹapegue' da qaulaquiitapiguiñi, qataq qaualaqaiguet Ñim Lo'onatac 'Enauacna, cha'aye da saishet da nache qoñiitec de'era, nache saishet da ivira da ỹataqta qauloito'ot Ñimaye.

Génesis 34:10

Qaq yaqto' ishet da qomi' qoñiỹaiguilo, qataq na 'alhua maiche qo'oicquiñiitac da qoñiỹalec, qauo'oche ca qanmenaxaqui qataq qausheenaxañiỹa ca qana'alhuai.»

Génesis 20:15

nache 'enapega, 'eeta': «'Ena na ña'alhua, maiche 'alca'aique ca ỹataqta 'arauela da qonaña, qaq nacheca qonaña.»

1 Corintios 6:7

Da qancotaitega't, nache qami' maye qami' qanauectaleguete. ¿Qaq ỹoqo'oye sa ỹaỹamaxaño' da qana'añaxacheeguet cam qami' qaỹo'oteque sa ỹaỹamaxañi? ¿Sa ỹaỹamaxaño' da qauaqaita'a da qami' qaicacheto'oto?

Romanos 12:18

Ỹataqta qanpogoxoiñiỹapegue' qome da qoviitaigui da nlagaxayec da qaualliquiitaigui na shiỹaxauapi ana 'alhua.

Salmos 120:7

Qaq naxa da sa'axat da nlagaxayec, nache namayepi ỹa'axat da alaataxac.

Génesis 13:8

Qaq ỹoqo'oye huo'o so na'a'q, nache so Abram 'enapega so Lot, 'eeta': «'Am qataq aỹem, maiche qomi' nhuo' lashe'. Qaq ỹoqo'oye qomi' saỹaỹamaxañi da ñecotaqtega't, qataq da ncotatega't nam ilotague' ana 'arelopi, qataq nam ilotague' ana ilopi.

Génesis 13:10

Nache so Lot, ỹallelec co'ollaxa 'enauac so ca'amegue maye quetot na loigue so tala Jordán, qaq ila'a da ivira'a so nỹecpiolec ye Zoar, da se'eso ca'amegue ỹataqta qalota na 'etaxat, 'eeta'am da lyac ca no'on nanaxanaqa'. Qataq 'eeta'am ye 'alhua Egipto. Qaq 'era da 'eetec da lyac se'eso 'alhua, co'ollaq Ñim Nataxala' saxanaxa da ilaxachigui som huaqta'a't nỹecpi ye Sodoma qataq ye Gomorra.

Jeremías 40:4

Ñaq 'aulogui nagui da aỹem ñeqat na 'arquet lcat maye 'ancoñetaxat. Qaq 'am da 'auauotaique da aỹem 'auca'ategue da saxague da Babilonia, nache qolaq, qaq aỹem 'am selo'ogue qome. Qalaxaye da saishet da aỹem 'auca'ategue, nache qaica ca 'eetec da 'ano'onañi. Cha'aye 'ena nam 'alhua, qaq maicheye ca 'arauela da 'anqo'ona da qonaña.