Génesis 13:8 - La'aqtaqa Ñim Lo'onatac 'Enauacna 2013

⁸ Qaq ỹoqo'oye huo'o so na'a'q, nache so Abram 'enapega so Lot, 'eeta': «'Am qataq aỹem, maiche qomi' nhuo' lashe'. Qaq ỹoqo'oye qomi' saỹaỹamaxañi da ñecotaqtega't, qataq da ncotatega't nam ilotague' ana 'arelopi, qataq nam ilotague' ana ilopi.

Génesis 13:8 Referans Kwoze

Hechos 7:26

Qaq so lỹa na'a'q, nache so Moisés ilaleguete soua dos Israel lashe' deloctega't. Nache somaye nshetaique da nmanaqche't, nache 'eetegalo', 'eeta': «Qami' maiche qami' nqaỹa't. Qalaq ¿ta'ainco' ye maiche qauloquiitega't?»

Salmos 133:1

Ñaq qauloỹa da ỹataqta no'on qataq huo'o da lyac, da ỹataqta nhuoteeta't na nqaỹañecpi.

2 Pedro 1:7

qataq qauauochec na qaraỹepi maye ỹa'amaqteetac So Cristo, qaq da pa'atec, iuen da qauauochec 'enauac na laỹepi, qaica ca qauỹocheetegueuga.

1 Pedro 4:8

Qalaxaye ỹataqta ỹactec qanqa'eñi da qarauotaxanaqtaiqui ca qarỹai, cha'aye da nsoxoyec nachera da ỹapalaxat na nasouaxashetpi.

1 Pedro 3:8

Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Proverbios 20:3

Qataq ỹo'oxoraq ca ỹale da maiche ivita'a ca cotaxac, qaq ca qaica ca ỹaỹaanapec qalaq ishet da ỹo'ot damaye.

Proverbios 15:1

Ca nasataxac huesotta qalaq nmooñi naqa'en ca nalemataic, qaq ca nasataxac quia'aqaic qalaq 'eroigui naqa'en ca nalemataic.

Génesis 45:24

Qaq so José co'ollaq ncoyegueneto soua lqaỹa't, nache 'enapegalo, 'eeta': «Saishet qome da qancotaitega't da huangui na nqa'aic.» Nache soomaye je'c,

1 Juan 4:7

Qami' ỹauotaqa'ate ỹalqolqa, iuen da ñi 'oonolec da shenaqta ỹataqta ỹauotec ca lỹa, cha'aye de'era nauotaxanaqtaic chegoqo'ot Ñim Lo'onatac 'Enauacna. Qaq 'enauac nam huo'o da lauotaxanaqtaic, namayepi llalaqpi Ñim Lo'onatac 'Enauacna, qataq ỹauatton Ñimaye.

1 Pedro 2:17

Nachaqrata da ỹataqta huo'o naq 'enec qanqa'eñi 'enauac na shiỹaxauapi qataq ỹactec qanqa'eñi da qarauotaxanaqtaiqui nam ỹa'amaqten So Jesús. Qavio'oxoyiñi Ñim Lo'onatac 'Enauacna qataq huo'o naq 'enec qanqa'eñi ñi lataxala' na nta'alpi maye netaña ye nỹecpi ye Roma.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Hebreos 13:1

Saishet da ỹaxanec ñi 'oonolec da qoñiita da ỹauotec ca lỹa, cha'aye nachera da lataxac nam quetague' So Cristo.

Hebreos 12:14

No'on da ỹataqta qanpogoxoiñiỹapegue' da qaulaquiitapiguiñi, qataq qaualaqaiguet Ñim Lo'onatac 'Enauacna, cha'aye da saishet da nache qoñiitec de'era, nache saishet da ivira da ỹataqta qauloito'ot Ñimaye.

1 Ts 4:9

Qaq da lataxac da qanauote' ca na'amqaanataxanaxaua, sa iuen da shiyiñi, cha'aye Ñim Lo'onatac 'Enauacna mashe qami' ỹapaxagueneque da 'eetec da qaỹauotec ca nỹa.

Filipenses 2:14

Qaq da huo'o ca qauo'oche, qalaq saishet da qautaqaitac, qataq saishet da qancotaitega't,

Mateo 5:9

Ñim Lo'onatac 'Enauacna ỹaalec da nqouagaxa nam do'onataxaatacpi da yaqto' huo'o ca nlagaxayec ana 'alhua, cha'aye namayepi da qaiỹaxana qalaq ỹataqta llalaqpi Ñim Lo'onatac 'Enauacna.

Proverbios 15:18

Ca sa lhuanguit da lalemataic, camaye ỹo'otteua'a da loquiaxac, qaq ca hualaxauaic, qalaq ỹo'ot da nlagaxayec.

Éxodo 2:13

Qaq so lỹa na'a'q qaltaq ỹe'eguelaxauec, nache ilaleguete soua dos hebreo lashe' da maiche nhuaxaatega't. Nache inattaco' som iuaxaatac so lỹa, 'eeta': «¿Ta'ainco' ye 'auaxaatac da maiche 'aralamaxat 'arhuo' le'ec?»

Génesis 13:9

Qaq ỹoqo'oye 'ena nam 'alhua, qaq maicheye cam 'alca'aua'a. Qaq no'on da aỹem qoca'ai. Da 'aigue da shiu', nache aỹem saigue da taguiñi. Qaq da 'aigue da taguiñi, nache aỹem saigue da shiu'.»

Génesis 46:34

nache qami' qaua'aqtaxañim qome qoñiita: qomi' dam sachegoxosoqta'ague qalaq nache 'eetai' da seloqtague' ana qaguetapi, shenaqta'am so hua'au qarta'alpi. Qaq qoñeetec qome de'era, yaqto' ishet da qoñiỹalec na 'alhua Gosén, cha'aye na Egipto le'ecpi deqaiga da lauoreua nam ilotague' ana qaguetapi.»

Génesis 14:14

Qaq so Abram co'ollaq ỹaỹaten da so lasoshec noxonec, nache laỹona't co'ollaxa so lalamaxat l-latacpi maye lañoqo' so lma' somaye. Qaq somayepi ivi' trescientos dieciocho ye lcata. Nache so Abram lỹatec co'ollaxa somayepi da icaalec se'eso nta'alpi, nache iviraxatta'a ye Dan.

Jueces 9:26

Qaq huo'o so na'a'q, nache so Gaal, maye llalec so Ebed, lỹata'ape soua lqaỹa't da nqo'ona ye Siquén da yaqto' naña. Nache so shiỹaxauapi maye lma' yemaye ỹataqta pe'eteque soomaye,