Génesis 13:2 - La'aqtaqa Ñim Lo'onatac 'Enauacna 2013

² Qaq so Abram ỹataqta sallaxanec, cha'aye huo'o so lalamaxat oro, qataq lcat plata qataq so qalota lalopi shiguiỹacpi.

Génesis 13:2 Referans Kwoze

Génesis 24:35

Ñim Nataxala' ỹataqta qalota da lchoxonnataxanaxa ñi ña'aco', nache ỹo'ot da sallaxanec naqa'en ñimaye, ỹanem ana qaguetapi, huacapi, oro qataq plata, qataq na lamaxashecpi, qataq ana lamaxashepi 'alpi, qataq cameellopi qataq 'ashenapi.

Proverbios 10:22

Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

Da na'aqtaguec so Job 1:3

qataq siete mil aso lalo qaguetapi, tres mil aso cameellopi, mil so lauegaxanaxala'pi huaca, qataq quinientos so 'ashenapi, qataq ỹataqta qalota so l-latacpi. Qaq somaye nacheso so ỹataqta sallaxanec 'enauac som netaña da nala' lliguisheguem.

Deuteronómio 8:18

Nacherata da qauennachiỹa'a Ñim Nataxala' maye Qanatamnaxala'ai, cha'aye Ñimaye nacheñi ñim qami' ỹanema da qara'añaxaqui da yaqto' qauacoñiiguet de'era nsallaxa, yaqto' ipacchigui da ỹan la'aqtac co'ollaq naỹamaxate' so hua'au qarta'ailpi.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Da na'aqtaguec so Job 1:10

Cha'aye 'Am ỹataqta sa 'auashen da huo'o ca ipoteua'a ñimaye, qataq na llalaqpi, qataq 'enauac nam hueto'otpi na'atetpi. Qataq ỹataqta 'auchoxonnec 'enauac na ỹo'otpi, qaq ỹoqo'oye ñimaye ỹataqta napacalec da lsallaxa 'enauac na netalec yi'iye 'alhua.

1 Samuel 2:7

Ñim Nataxala' ishet da qomi' choxora'q naqa'en, qataq da qomi' sallaxanqa, qataq ishet da souaqañi naqa'en qataq da qomi' ỹanaxanaxaayishegue'm.

Génesis 12:16

Qaq souaxat aso Saraí, nache so faraón ỹataqta ỹaỹamaxatta so Abram. Ỹachet ỹanem aso lalo qaguetapi, huacapi, l-latacpi, qataq aso l-latapi, 'ashenapi, qataq aso cameellopi.

Génesis 13:6

qalaxaye som 'alhua maye huetra'a soomaye, saq 'amaqtaq da yaqto' lquia'aqa' so qalota shiguiỹacpi, qaq ỹoqo'oye ỹo'ot da saishet da queta da nhuoreu' soomaye,

Génesis 24:1

So Abraham, mashe ỹataqta ỹa'axaiquiolec co'ollaxa, qaq Ñim Nataxala', ỹanem co'ollaxa somaye da lta'araic lchoxonnataxanaxa.

Génesis 30:43

Qaq 'era da 'eetec so Jacob, da ivira'a da ỹataqta sallaxanec, nache ỹataqta qalota aso lalo qaguetapi, qataq so lamaxashecpi qataq aso lamaxashepi, qataq aso lalo cameellopi, qataq so 'ashenapi.

Génesis 26:14

Ỹataqta qalota aso lalo qaguetapi, qataq huacapi, qataq so lamaxashecpi, qaq ỹoqo'oye so filisteopi, huo'o da lquiỹaxa co'ollaxa somaye.