Génesis 13:16 - La'aqtaqa Ñim Lo'onatac 'Enauacna 2013

¹⁶ Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Génesis 13:16 Referans Kwoze

Números 23:10

Yemayepi, 'eeta'am na lsoche na 'alhua, ¿Qaq negue'tom ca ishet da naloqten na chegoxoguetpi so Jacob? Qataq negue't ca ishet da ỹaỹaten ye lcata namayepi. ¡Qaq 'onaxaictoxo' da sheeta'am yi'iye shiỹaxauapi maye no'on da lataxac qom seleu. Qataq ca ỹoga't, nache sheeta'am qome ca loga't yemayepi!

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Génesis 32:12

Qaq 'Am, ỹataqtegue co'ollaxa da 'ara'aqtac, da qaica camachaqca 'anqa'en da ỹecỹaxac, qataq cam aỹem chegoxoguetpi, ỹataqta qalota 'eeta'am na lsoche na 'alhua maye huo'ot na loigue aso auaxai, maye saqaivi' da qanaloqten.»

1 Reyes 3:8

Qalaxaye nagui aỹem datalec ne'ena nhuo' le'ecpi maye 'arca'aguishec co'ollaxa, nam shiỹaxauapi maye qalota, qaq souaxat da ỹataqta qalota nache qaica ca ivi' da naloqten.

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

Apocalipsis 7:9

Qaq can ime de'era, nache aỹem sela'a so qalota shiỹaxauapi maye ỹotta'a't na chegaqa'a 'alhuapi, qataq ỹotta'a't da lo'oxoỹaxac, qataq ỹotta'a't naua la'aqtaqa. ¡Somayepi ỹataqta qalota, qaica ca ishet da naloqten! Qaq somayepi nachattaua'a ye hueta'a aso so'onaxaqui qataq So Qagueta Llalec, ỹaatrañi naua alogo lapagaxaiqa, qataq lasoqta'a ana chaic laue.

Jeremías 33:22

Qaq nam chegoxoguetpi som ỹamaxashec David, qataq nam ỹamaxashecpi maye chegoxoguet so Leví, so'ot da ỹataqta qalota qome namayepi, 'eeta'am ana huaqaañi maye hueto'ot na piguem, qataq 'eeta'am na delec maye hueto'ot na loigue aso auaxai, da qaica ca ishet da naloqten.»

1 Crónicas 27:23

Qaq so David, saishet co'ollaxa da ỹo'ot aso le'enaxat lmalate som saxanaxa da ivi' naua veinte vi'iye da nachaalataxac, cha'aye Ñim Nataxala', ỹan co'ollaxa da la'aqtac da nquigaxatec na Israel le'ecpi, 'eeta'am naqa'en ye lcata ana huaqaañipi na piguem.

1 Crónicas 21:5

nache ỹanot so David ye lcata se'eso nhuo' le'ecpi, nache som hueta'a ye Israel ivi' un millón cien mil so ỹalleppi, maye lhuotta da nalat, qataq cuatrocientos setenta mil so hueta'a ye Judá.

1 Reyes 4:20

Qaq so Judá le'ecpi qataq so Israel le'ecpi ỹataqta qalota co'ollaxa, 'eeta'am na coma' lsoche maye hueto'ot na loigue aso auaxai. Qaq 'enauac da deque'etac, nỹomtac qataq ỹataqta machiguiñi.

Jueces 6:5

Cha'aye so lpe'lpi qataq so na'atetpi somayepi, ỹataqta nlaqaalec yi'iye 'alhua, nache ỹataqta nlachiguiñi naqa'en. Cha'aye somayepi qataq aso lalo cameellopi ỹataqta qalota, 'eeta'am ana shiiquioxoipi maye qaica ca ishet da naloqten.

Jueces 6:3

Ỹoqo'oye so Israel le'ecpi naxa da huo'o na lañiguishec, nache so madianiitapi, amaleciitapi, qataq so shiỹaxauapi maye lma' ye pa'aỹa'ague da nala' lliguisheguem, anac naxa da iloquiaxan somayepi.

Deuteronómio 1:10

Cha'aye Ñim Nataxala' maye Qanatamnaxala'ai, ỹataqta qalota naqa'en na qoyalquipi, 'eeta'am ye lcata ana huaqaañipi na piguem.

Éxodo 1:7

qalaxaye so Israel le'ecpi huo'o da lco'oxoc qataq mashe qalota na llalaqpi, nache nquictauec ye lcata ivitta'a da ỹataqta 'añaxaicpi. Nache yi'iye 'alhua ỹataqta nlaqtelec somayepi co'ollaxa.

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Génesis 21:13

Qaq ñim llalec añi nlata, qalaq nataqa'en so'ot qome da chegoqchigui ca qalota shiỹaxauapi, cha'aye ñimaye nataqa'en 'aralamaxat 'aỹa'alec.»

Génesis 18:18

cha'aye namaye, nachena na lta'a qome ca qalota ỹotta'a't shiỹaxauapi qataq 'añaxaicpi. Aỹem sachaxanapecot co'ollaxa da namaye chegoqchigui ñaqa'en da saalec da ichoxonnataxanaxa 'enauac na ỹotta'a't shiỹaxauapi, maye huetalec ana 'alhua.

Génesis 17:20

Qaq nataqa'en mashe 'am sa'aqtega da 'auquicteguelec ñi Ismael, qaq ñimaye nataqa'en saalec qome da ichoxonnataxanaxa, qaq so'ot qome da qalota ca llalaqpi, qataq nquictauec qome cam chegoxoguetpi. Qaq ñi Ismael, nacheñi qome ñi lta'a caua doce nataxala'ate maye 'amaqtaqaiqa, qataq so'ot da nache chegoqchigui qome ñimaye ca qalota shiỹaxauapi.

Génesis 17:16

Añimaye saalec qome da ichoxonnataxanaxa, qaq chegoqchigui qome añimaye da 'am sanem ca 'aỹa'alec. Aja', Aỹem saalec qome da ichoxonnataxanaxa. Qaq añimaye, nache late'e qome cam qalota ỹotta'a't shiỹaxauapi, qaq ca chegoxoguetpi nacheca qome cam chegaqaigui ca lta'alpi nam nhuo' le'ecpi.»

Génesis 17:6

Aỹem so'ot qome da ỹataqta qalota ca 'am chegoxoguetpi, qataq nache 'am chegoqchigui ca nta'alpi, qataq ca ỹotta'a't shiỹaxauapi.

Hebreos 11:12

Qaq ỹoqo'oye so Abraham, na'aictaxa da mashe yaqta'a da ivita ca laloqo' da nachaalataxac, qaq nache 'ena'am ivira'a da qalota so llalaqpi, 'eeta'am ana huaqaañipi maye neto'ot na pa'asheguem, qataq 'ena'am na delec maye hueto'ot na loigue aso auaxai. ¡Qaica ca ishet da naloqten!

Génesis 16:10

Qaq nataqa'en so lamaxashec Ñim Nataxala', 'enapega, 'eeta': «Ỹataqta qalota qome ñaqa'en ca 'am chegoxoguetpi, nache qaica qome ca ishet da naloqten.

Génesis 17:2

qaq Aỹem so'ot qome ca ñaỹamaxataxac da 'am ñaỹamaxate': so'ot qome da ỹataqta qalota cam 'am chegoxoguetpi.»

2 Reyes 13:23

Qalaxaye Ñim Nataxala', huo'o da lauotaxanaqtaic somayepi, nache ichoxoren souaxat da naỹamaxataxac Ñimaye, co'ollaq naỹamaxate' so Abraham, Isaac qataq so Jacob, nache Ñimaye saishet da ilaxachigui somayepi, qataq saishet da ca'ai, nache ivitta'a nagui.

2 Crónicas 1:9

Qaq nagui, 'Am Nataxala' maye 'Aro'onatac 'Enauacna, ña 'aupacchigui qome na 'ara'aqtacpi maye 'aỹa'anem co'ollaxa so ita'a David, cha'aye 'am, aỹem 'aỹa'anem da nta'a, da selo'ogue na ỹataqta qalota nhuo' le'ecpi maye 'eeta'am na lsoche ana 'alhua.

Génesis 32:13

Qaq so Jacob, nache lo'ochaqa' yemaye se'eso pe, nache som hueto'otpi somaye, iỹotauga so nme naqa'en so lqaỹa Esaú,

Da na'aqtaguec so Job 5:25

Ỹataqta qalota qome ca 'am chegoxoguetpi 'aỹa'alaqpi, 'eeta'am aca huouepi maye nañaxattalec ca no'onaxa.